Morgunblaðið - 07.05.2006, Blaðsíða 20

20 SUNNUDAGUR 7. MAÍ 2006 MORGUNBLAÐIÐ
Orðið blogg er íslenskt tökuorð,dregið af enska orðinu blog,sem er aftur stytting á web logeða vefdagbók. Blogg er íkjarna sínum dagbók á netinu.
Það er þó frábrugðið hefðbundnum dagbók-
um að því leyti að það er ætlað öðrum til af-
lestrar. Blogg spannar líka breiðara svið til-
verunnar en hefðbundin dagbók og geta
efnistökin verið af ýmsu tagi, allt frá stuttum
greinargerðum af daglegu amstri yfir í þaul-
hugsaða pistla um málefni líðandi stundar.
Bloggarar, en það eru þeir sem halda úti
bloggi almennt kallaðir, birta einnig meira
en textaskrif á blogginu sínu. Þar er birt ým-
islegt efni frá höfundinum eins og til dæmis
ljósmyndir, myndskeið og hljóðskrár og fyrir
vikið er blogg mjög opinn fjölmiðill sem allir
geta tileinkað sér.
Ekki eru allir sem hafa áhuga á eða atorku
til að halda úti bloggi. Það þýðir samt ekki
að blogg sé ekki miðill fyrir þá. Þeir geta les-
ið blogg annarra og tekið þátt í umræðum
sem skapast út frá bloggi.
Það er hægur vandi að kynna sér bloggið
fyrir þá sem ekki vita hvernig á að bera sig
að. Á mbl.is er að finna flipa efst á síðunni
merktan „Bloggið“. Hann vísar á forsíðu
bloggþjónustunnar og þar er hægt að finna
marga efnisflokka í lista ofarlega til vinstri.
Ef smellt er á efnisflokk birtast 30 síðustu
færslurnar í þeim flokki, úr þeim rúmlega
2.300 bloggum sem stofnuð hafa verið. Neðst
er svo hlekkur til að sjá enn fleiri færslur, en
alls eru færslur í kerfinu orðnar á níunda
þúsund.
Bloggararnir sem þarna er að finna eru úr
öllum áttum, margir þjóðkunnir einstakling-
ar, stjórnmálamenn úr öllum flokkum,
íþróttamenn, rithöfundar, blaðamenn og gár-
ungar. Fólk á öllum aldri. Með bloggi geta
allir komið skoðunum sínum á framfæri, og
tekist á við málefnin í sameiningu.
Hverri færslu fylgir fyrirsögn, mynd af
höfundi, dagsetning og stutt úrtak úr færsl-
unni. Hægt er að smella á fyrirsögnina til að
sjá færsluna í heild sinni og skrifa athuga-
semdir við hana.
Ekki bara blogg, heldur efnisveita
Blog.is er annað og meira en bara vefur
fyrir fólk sem vill blogga, heldur er það efn-
istengd veita af upplýsingum og umræðu-
tengt samfélag á vefnum. Hún býður upp á
mikla möguleika, og til dæmis er nú hægt að
skrifa álit sitt á efnistökum fréttaefnis
mbl.is. Undir hverri frétt fær sá sem heldur
úti bloggi hnapp til að blogga um fréttina.
Bloggið hans birtist þá í lítilli stiku undir
fréttinni ásamt fjórum öðrum bloggum hjá
öllum þeim sem lesa fréttina á mbl.is. Blogg-
arar eru þar með orðnir virkir þátttakendur
á mbl.is og nýmæli að almennur fréttamiðill
opni dyrnar fyrir lesendum sínum á þennan
hátt.
Bloggþjónustan býður notendum sínum
upp á 50 Mb pláss ókeypis fyrir myndir og
önnur gögn, en í því plássi rúmast um 170
myndir í meðalstærð. Vaxi albúmið umfram
það er hægt að kaupa meira pláss með vægri
eingreiðslu og þá eignast notandinn varan-
lega meira pláss.
Útliti bloggsins ræður bloggarinn. Boðið
er upp á ýmis þemaútlit, en einnig getur not-
andinn breytt útlitinu alfarið. Þannig geta
menn tjáð sig á mjög fjölbreyttan og
skemmtilegan hátt.
Fjölskyldur og aðrir hópar geta skrifað á
sama bloggið. Eigandi bloggsins getur boðið
öðrum notendum að blogga með og birtist þá
nafn viðkomandi undir hverri færslu.
Ekki vilja allir birta bloggfærslurnar al-
menningi og að sjálfsögðu er boðið upp á
það. Notandinn getur til að mynda verið með
mörg blogg og mismunandi stillingar og útlit
eftir bloggum. Hann getur þannig verið með
eitt opinbert blogg, annað sem aðeins fáir út-
valdir geta lesið, og enn annað sem aðrir
skrifa í með honum.
Einfalt og fljótlegt að byrja
Vilji fólk blogga í þessu umhverfi þá er
einfalt og fljótlegt að byrja. Undir forsíðu
bloggþjónustunnar er hnappur merktur
„byrjaðu að blogga“. Hann vísar á
skráningareyðublað. Flestir reitir skýra sig
sjálfir en vert er að nefna að notandanafnið
fylgir notandanum á þann hátt að það verður
hluti af slóðinni á bloggið, sem verður þá
http://notandanafn.blog.is/.
Á forsíðu bloggþjónustunnar er að finna
síðu sem heitir Spurt og svarað sem svarar
helstu spurningum. Einnig er að finna hjálp-
arsíður tengdar við hverja aðgerð í stjórn-
borðinu, en stjórnborðið er viðmót blogg-
arans við bloggið sitt, svæðið þar sem hann
skrifar færslur, breytir stillingum og hleður
upp efni.
Þeir landsmenn sem blogga hafa hingað til
hírst á erlendum bloggþjónustum eða þurft
að halda úti eigin heimasíðu. Nú er það að
breytast og fólk að færa sig yfir. Í mörgum
tilfellum jafnvel með gamlar bloggfærslur
meðferðis, en auðvelt er að flytja eldri
færslur úr flestum öðrum bloggkerfum. Það
borgar sig líka að prófa, þjónustan er ókeyp-
is, íslensk og hvergi á förum.
Umræðutengt samfélag á vefnum
Á mbl.is hefur verið opnaður blogg-
vefur sem er ókeypis og opinn fyrir
hvern sem er. Ýmsar nýjungar á ís-
lenskum vefmarkaði er að finna á
vefnum eins og Henry Þór Bald-
ursson rekur í grein sinni.
Römm er sú taug errökkva dregur, föður-túna til“ – glæsileg setn-ing en ekki alveg í sam-ræmi við raunveru-
leikann hvað snertir fyrirhugað
brotthvarf Jóns B.G. Jónssonar
læknis til Patreksfjarðar. Þótt hug-
ur hans sé löngum þar er uppruni
hans að eigin sögn frá Sandgerði.
Hér er þó ekki allt sem sýnist, Jón
var héraðslæknir á Patreksfirði um
langt árabil og festi slíkar rætur þar
vestra að jafna má við ofangreinda
setningu.
„Það blundaði í okkur hjónum að
fara aftur út á land og þegar samn-
ingur, sem gerður hafði verið við
heilsugæslu í Reykjavík fyrir mitt
gamla læknisumdæmi, rann út varð
að samkomulagi að ég tæki við mínu
gamla starfi á ný,“ segir Jón.
Hann flutti hingað suður vegna
veikinda elstu dótturinnar, en nú eru
þau hamingjusamlega afstaðin
„Hún fékk sem barn taugasjúk-
dóminn Guillain-Barre, en jafnaði
sig alveg. Síðar fékk hún flogaveiki
en með lyfjagjöf næst að halda henni
alveg niðri. Hún er nú komin í há-
skóla og á kærasta og allt gengur
vel.“
En finnst Jóni ekki erfitt að fara
burt frá lystisemdum höfuðborgar-
innar?
„Við kunnum svo vel við okkur á
Patreksfirði og fyrir börnin okkar
eru þetta heimahagar, svo þetta
varð niðurstaðan. Það er heldur ekki
eins og það sé nein útlegð að vera á
landsbyggðinni. Ég fór raunar oftar
í leikhús og á tónleika meðan ég bjó
fyrir vestan – ef hugurinn stendur til
að sækja einhverja uppákomu hér á
höfuðborgarsvæðinu þá er það ein-
falt, vegirnir eru orðnir svo góðir,“
svarar Jón.
Hann varð stúdent frá Mennta-
skólanum á Laugarvatni 1980 og út-
skrifaðist sem læknir frá Háskóla
Íslands 1987. Tveimur árum síðar
fór Jón ásamt fjölskyldu sinni til
Falun í Svíþjóð í sérnám sem heim-
ilislæknir.
„Við fórum beint þaðan á Patreks-
fjörð. Þótt við kæmum þangað
ókunnug vorum við vön landsbyggð-
arlífi, ég alinn upp í Sandgerði sem
fyrr greindi og konan mín, Ingibjörg
Guðmundsdóttir, á Akranesi.
Mér finnst gott að búa á stað þar
sem maður þekkir alla, ég kann vel
við mig í slíku umhverfi. Ég fór fljót-
lega að taka þátt í bæjarlífinu á Pat-
reksfirði af lífi og sál, fór meira að
segja í bæjarstjórn. Mér finnst einn-
ig ómetanlegt fyrir heimilislækni að
þekkja aðstæður og umhverfi þeirra
sem hann vinnur fyrir. Mér finnst
það gott þótt sumum þyki slíkt ná-
vígi kannski fullmikið.“
Jón tekur fram að honum hafi lík-
að mjög vel að starfa á Hrafnistu,
þar sé unnið mikið og heillavænlegt
starf, það er hins vegar landsbyggð-
arlífið sem togaði í hann af krafti.
Meðan fjölskyldan bjó á Patreks-
firði sá Ingibjörg kona Jóns um
rekstur félagslegra fasteigna bæjar-
ins en hefur að undanförnu starfað í
Landsbankanum, Vesturbæjar-
útibúi. Hvernig ætli atvinnumögu-
leikar hennar séu nú fyrir vestan?
„Við tökum þetta rólega, hún
verður í fríi frá störfum fyrst um
sinn eftir að við komum vestur,“ seg-
ir Jón.
En hvað með pólitíkina, skyldi Jón
vilja aftur hefja afskipti af henni?
„Mér fannst mjög gaman í pólitík-
inni fyrir vestan, ég var forseti bæj-
arstjórnar og oddviti sjálfstæðis-
manna þar, ég vildi því gjarnan
koma að þeim vettvangi aftur, ef eft-
ir því væri leitað. Það eru mörg
verkefni á því sviði óunnin. Þegar
við komum vestur á Patreksfjörð
1993 var nokkur ládeyða í atvinnu-
málum og það hefur því miður fækk-
að í héraðinu um 500 manns á þessu
tímabili. Ég sá mörg fyrirtæki hætta
störfum, þetta er dapurleg þróun og
erfið fyrir fólkið sem missti vinnu.
Það eru þó ekki margir á atvinnu-
leysisskrá, fólk flytur sig um set, sel-
ur og fer. Þessari þróun þarf að snúa
við.
Þrátt fyrir þetta er ég bjartsýnn á
byggðina þarna og vil vinna að þeim
verkefnum sem nauðsyn krefur.“
Að sögn Jóns er læknisumdæmið
vestra víðáttumikið og ekki alltaf
auðvelt að vera þar héraðslæknir.
„Erfiðast er þegar fólk slasast og
jafnvel deyr í höndunum á manni,
það getur verið löng biðin eftir
sjúkraflugvél þegar þannig aðstæð-
ur skapast. Þjónustan á landsbyggð-
inni er góð og jafnvel betri að sumu
leyti en hér, gott aðgengi að lækn-
ishjálp, en íbúarnir vita að þegar
neyðartilvik koma upp þarf að kalla
til sjúkraflugvél eða þyrlu. Þetta er
bara svona.
Samhjálp fólks í litlum bæjum er
mikil þegar eitthvað alvarlegt bjátar
á, þá standa allir saman, þótt auðvit-
að séu ekki allir sammála í hvers-
dagslífinu.
Í bæ eins og Patreksfirði er fjöl-
skylduvænt umhverfi, gott fyrir
börn, allir þekkjast og fólk lætur sig
varða líðan náungans. Börnin mín
fjögur líta á Patreksfjörð sem sinn
heimabæ. Þótt þrjú þeirra séu kom-
in í framhaldsnám og háskóla þá eru
þau sátt við að við foreldrarnir flytj-
um aftur vestur, – finnst gott að eiga
þar heimvon.“
Römm er sú taug …
Morgunblaðið/Ómar
Jón B.G. Jónsson snýr nú aftur til læknisstarfa á Patreksfirði.
Það er algengara að fólk af landsbyggðinni flytji „á mölina“
en að höfuðborgarbúar flytji út á land. Jón B.G. Jónsson
læknir er annars sinnis, hann er að flytja til baka til Pat-
reksfjarðar, þar sem hann var áður læknir í ellefu ár.
gudrung@mbl.is