Morgunblaðið - 07.05.2006, Blaðsíða 70
70 SUNNUDAGUR 7. MAÍ 2006 MORGUNBLAÐIÐ
Fiery Furnaces er skipuð þeimsystkinum Matthew ogEleanor Friedberger. Þóþau starfi saman í dag kom
þeim illa saman í uppvextinum í
Chicago og aðaldeiluefnið tónlist –
helst rifist um blús.
Eftir að Matthew fluttist að heim-
an til að fara í háskóla var lítið sam-
band á milli þeirra systkina, en síð-
an hittust þau aftur í New York. Þá
var Matthew búinn að vera í ýmsum
hljómsveitum, en kunni alltaf best
við sig utan sviðsljóssins. Honum
sýndist það heillaráð að þau myndu
stofna saman hljómsveit þar sem
Eleanor gæti verið stjarnan en hann
setið aftar á sviðinu.
Einhvers konar blús
Það tók þau systkini smá tíma að
átta sig á hvernig músík þau vildu
spila, en allar tilraunir byggðust á
einhvers konar blúsblöndu. Þegar
jafnvægið fannst, gullinsnið ný-
bylgju og blús, sendu þau kynning-
arupptökur til Rough Trade og
fengu samningstilboð eiginlega um
leið.
Fyrsta platan, Gallowsbird’s
Bark, var gerð á mettíma, upptök-
urnar tóku þrjá daga, þá var pening-
urinn búinn. Gallowsbird’s Bark var
tekin upp haustið 2002 og kom út
2003. Næsta plata, Blueberry Boat,
fékk meiri tíma – í stað þriggja daga
var sveitin þrjár vikur í hljóðveri.
Fyrir vikið gat hún leikið sér meira
með lögin, eins og ráða má af því að
titillag plötunnar, var upphaflega
tveggja og hálfrar mínútu blús, en
endaði svo níu mínútna epík. Sú
plata var reyndar þannig unnin að
kalla mátti rokkóperu sem smíðuð
er úr mörgum smásögum. Til að
mynda lendir Eleanor í klóm sjó-
ræningja í titillaginu, í öðru lagi leit-
ar hún að hundi, í enn öðru yngist
hún þar til hún er orðin barn aftur
og tekur síðan pillur til að stækka
ekki, svo dæmi séu tekin.
Blueberry Boat kom út 2004 og
ekki löngu síðar hófu þau systkini
vinnu að næstu plötu, eða eiginlega
næstu tveim plötum, því þau ætluðu
sér að taka upp tvær plötur sam-
tímis og gefa síðan út með nokkurra
mánaða millibili.
Tvíleikur
Fyrri platan í þeim tvíleik heitir
Rehearsing My Choir og er að
mestu byggð á lífi ömmu þeirra
Friedberger-systkina í Chicago,
Olgu Sarantos, en þær Eleanor
syngja báðar á plötunni, yngri og
eldri rödd sömu persónunnar. Í við-
tali við Morgunblaðið sagði Eleanor
að amma þeirra hafi haft talsverð
áhrif á þau í uppvextinum, enda var
sambandið í fjölskyldunni gott.
Amma þeirra var kórstjóri í kirkj-
unni í fjörutíu ár og því tónlist snar
þáttur í uppeldi þeirra systkina.
Frammámenn Rough Trade voru
ekki ýkja hrifnir af þessari hug-
mynd en hún náðist þó í gegn.
Seinni platan í tvíleiknum kom svo
út í vikunni og heitir Bitter Tea. Sú
plata er efnislega ótengd fyrra verk-
inu, en þó samin og unnin í sam-
hengi, hin hliðin á peningnum ef svo
má segja.
Tónlistin á Rehearsing My Choir
var venju fremur tilraunakennd,
hórukassalegt píanó áberandi og
stundum erfitt að elta laglínuna. Á
Bitter Tea er annað uppi á ten-
ingnum, meira fjör í lögunum og þau
bæði léttari og aðgengilegri. Ekkert
léttmeti þó, frekar en annað sem frá
þeim systkinum hefur komið, en
mun þægilegri plata áheyrnar en
„Ömmuplatan“.
Tólf ára stúlka gelgja
Á Bitter Tea er líka sögukona, en
nú tólf ára stúlka sem er rétt komin
í gelgjuna, en Matthew lýsir plöt-
unni svo að á henni séu þunglynd-
islegir ástarsöngvar tólf ára stúlku
sem spilar ein fyrir sjálfa sig á
píanóið heima.
Eins og getið er hafa þau Fried-
berger-systkini verið á mála hjá
Rough Trade en því samstarfi lauk
með Rehearsing My Choir og Fat
Possum gefur Bitter Tea út. Verður
að teljast viðeigandi í ljósi blús-
áhuga þeirra systkina, en Fat Poss-
um er einmitt fremst í flokki fyr-
irtækja sem gefa út nútímablús.
Einhvers konar blús
Systkinin Fiery Furnaces fara jafnan eigin leiðir eins og
heyra má á plötum þeirra. Síðasta plata þeirra sagði frá
ævihlaupi ömmu þeirra en sú nýjasta skyggnist inn í hug-
arheim tólf ára stúlku.
Ljósmynd/Björg Sveinsdóttir
Fiery Furnaces spilaði á Iceland Airwaves í fyrra. Á nýju plötunni Bitter Tea er líka sögukona, en nú tólf ára stúlka sem er
rétt komin í gelgjuna. Matthew lýsir plötunni svo að á henni séu þunglyndislegir ástarsöngvar tólf ára stúlku sem spilar
ein fyrir sjálfa sig á píanóið heima.
Tónlist á sunnudegi
Árni Matthíasson
Sími - 564 0000Sími - 462 3500
N ý t t í b í ó
MI : 3 kl. 3.20, 6, 9 og 11.40
MI : 3 LÚXUS kl. 3.20, 6, 9 og 11.40
Hoodwinked/Rauðhetta m. ensku tali kl. 2, 4, 6, 8 og 10
Rauðhetta/Hoodwinked m. ísl. tali kl. 2, 4 og 6
Prime kl. 8 og 10.30
The Hills have Eyes kl. 10 B.i. 16 ára
Ice Age 2 m. ensku tali kl. 8
Ísöld 2 m. ísl. tali kl. 2, 4 og 6
Hvað sem þú gerir EKKI
svara í símann
AF MÖRGUM TALIN VERA
BESTA MISSION IMPOSSIBLE
MYNDIN TIL ÞESSA.
SUMARSINS ER KOMIN
FYRSTA
STÓRMYND
Inside Man kl. 8 og 10.25 B.i. 16 ára
Rauðhetta m/íslensku tali kl. 2 (400 kr), 4 og 6
Lucky Number Slevin kl. 8 og 10 B.i. 16 ára
Ísöld 2 m/íslensku tali kl. 2 (400 kr), 4 og 6
Eins og þú
hefur aldrei séð hana áður
Birgitta Haukdal fer á kostum sem Rauðhetta í íslensku talsetningunni.
EIN FYNDNASTA MYND ÁRSINS
SEM ENGIN MÁ MISSA AF!
HROTTALEGASTA
MYND ÁRSINS
Stranglega bönnuð
innan 16 ára - dyraverðir við salinn!
FRÁ J.J.ABRAMS, HÖFUNDI LOST OG ALIAS
POWER SÝNING
Í SMÁRABÍÓ KL.23.40
„MISSION: IMPOSSIBLE III BYRJAR
SUMARIÐ MEÐ POMP OG PRAKT OG INNI-
HELDUR ALLT SEM GÓÐUR SUMARSMELLUR
HEFUR UPPÁ AÐ BJÓÐA, ÞRÆLGÓÐAN
HASAR OG FANTAGÓÐA SKEMMTUN.“ eeee
VJV, Topp5.is