Morgunblaðið - 07.05.2006, Blaðsíða 37

faldaðist á fáeinum árum og munu
uppboð Sotheby’s í Hong Kong sem
hófust 2004 eiga ekki svo lítinn þátt í
þeirri þróun, eða svo álítur Xiaoming
Zang, fulltrúi firmans í Kína. Sjálfur
listamaðurinn Zhang Xiaogang er enn
í hálfgerðu losti eftir 31. mars, trúir
varla að þetta hafi átt sér stað, svarar
ekki í síma og listhöndlarar ná ekki
sambandi við hann. Á sama uppboði
fékkst einnig metverð fyrir sex aðra
kínverska listamenn: Chen Yifei
(1946–2005), Fang Lijun (f. 1963), Liu
Xiaodong (f. 1963), Wang Guangyi (f.
1957), Xu Bing (f. 1955) og Zhang
Huan (f. 1965). Ekki ónýtt að vera sér
meðvitandi um þessi nöfn þótt nokkru
erfiðara kunni að vera að muna þau.
Vel að hyggja að á hinn veginn mun
jafn erfitt fyrir þá asísku að muna
nöfn Ásgríms, Jóns Stefánssonar og
Kjarvals sem eru nákvæmlega viðlíka
óþekkt á þeim fjarlægu slóðum.
Hér um samtímalist (Contempor-
ary Art) í sannasta og víðasta skilningi
hugtaksins að ræða, síður afmarkaðan
geira sem skiptir lit eftir hentugleik-
um listpáfa og sýningarstjóra.
Suðaustur-Asía lætur ekki sitteftir liggja og hjá bæði Christ-ie’s og Sotheby’s hefur fengistmetverð fyrir verk indverskra
abstraktmálara. Varla kannast
margir hérlendir við nafn málarans
Vasudeo S. Gaitonde (1924–2001), en
nafnlaust málverk hans frá 1975, met-
ið á 800.000 dollara, var nýlega slegið á
1,47 milljónir hjá Christie’s og mál-
verkið Tapovan frá 1972 eftir Syed
Haider Raza (f. 1922) fór á nákvæm-
lega sömu upphæð hjá Sotheby’s,
ásamt metverði á verkum marga ann-
arra. Fleiri indverskir nútímalista-
menn hafa náð milljón dollara mark-
inu, þannig var málverkið Mahisasura
eftir Tyeb Metha (f. 1925) slegið á nær
1,6 milljónir dollara á fyrra uppboðs-
tímabili.
Ekki láta andfætlingar okkar sitt
eftir liggja, en þróunin þar af öðrum
og lengri toga. Þannig var málverkið
„Upwey Landscape“ eftir Fred Will-
iams (1927–1982) slegið á 1,4 milljónir
dollara á uppboði ástralskrar listar
hjá Christie’s í Melbourne 10.–11. apr-
íl, matið var 5–800.000. Að ósekju má
bæta við að listamaðurinn sjálfur mun
hafa fengið sem samsvarar 1.500–
2.000 dollurum í lófann fyrir málverk-
ið 1966! Minna en sólarhring seinna
var metið slegið þá málverkið „The
Bar“ eftir John Brack (1920–1999)
kleif upp í 2,2 milljónir dollara á upp-
boði hjá Sotheby’s, sem er um leið
hæsta verð sem fengist hefur fyrir
tuttugustu aldar verk ástralsks mál-
ara.
Þetta allt einungis talið upp til að
undirstrika að sjónhringur myndlist-
arinnar er alltaf að stækka hvað sem
allri heimsvæðingu líður, enginn einn
staðall né ein miðja til, mun frekar að
leitað sé eftir hinu upprunalega og
jarðtengda á hverjum stað. Öll upp-
talningin má teljast afar lærdómsrík
fyrir okkur hér á norðurhjaranum,
einkum þó vægi þess að rækta eigin
garð og ímyndir, um leið skal öllum
gluggum haldið opnum, ekki einungis
einum ljóra sem vísar í austurátt. Þá
er listin ekki eintal á milli fárra heldur
skal hún andleg næring og gleðigjafi
háum og lágum. Gerist helst með
skipulagi í framkvæmda- og sýning-
armálum ásamt fjölþættri samræðu á
opinberum vettvangi, jafnframt skil-
virkni og gagnsæi á gang mála. Um-
fram allt útilokun allrar einsýni og að
örfáir sjálfskipaðir eigendur listarinn-
ar hafi undirtökin í fjölmiðlum og fé-
lagssamtökum listamanna. Hér tilefni
til að minna á aðalfund Sambands ís-
lenskra myndlistarmanna 10. maí, og
mikilvægi þess að félagsmenn samein-
ist um mannréttindi, einkum kröfuna
um að geta óháð brauðstriti komist til
vinnu sinnar á vettvangi sínum …
– Dagana sem þessi pistill var að
mótast í tölvunni átti sér stað tákn-
rænt uppboð hjá Christie’s og Sothe-
by’s í New York. „Skiliríið“ Madama
Ginoux eftir van Gogh málað 1890 var
slegið á því sem samsvarar þremur
milljörðum íslenskra króna hjá
Christie’s, sem var í góðu samræmi
við matið. Málverkið nokkuð frá því að
vera eitt hans besta og því brá nafninu
skilirí fyrir í pressunni. Hitt til muna
athyglisverðara, að málverkið „Le
Repos“ eftir Picasso, málað 1932 og
stórum lengra frá því að vera eitt hans
besta var á sama uppboði slegið á
34.736.000 dollara (2,6 milljarða
króna), en einungis metið á 20 millj-
ónir dollara. Daginn eftir var öllu
nafnkenndara verk meistarans, „Dora
Maar með kött“ frá 1941, slegið á 95,2
millónir dollara hjá Sotheby’s eða ríf-
lega sjö milljarða íslenskra króna,
matið einungis 50 milljónir dollara!
Hér fer tvennt saman; enginn listgeiri
hefur undirkastast harðara niðurrif en
málverkið, sem alltaf rís þó jafnaðar-
lega aftur á fæturna, og enginn málari
verið afskrifaður jafn oft af „betur vit-
andi“ en Pablo Ruiz Picasso. Lær-
dómsríkt!
MORGUNBLAÐIÐ SUNNUDAGUR 7. MAÍ 2006 37
H
á
g
æ
ð
a
fra
m
le
ið
sla
A
ll
ta
f
ó
d
ýr
ir
GÓÐ HEILSA
GULLI BETRI
Magi og melting
Acidophilus
FRÁ
www.nowfoods.com