Morgunblaðið - 07.05.2006, Blaðsíða 73

MORGUNBLAÐIÐ SUNNUDAGUR 7. MAÍ 2006 73
Þessi plata er öðruvísi að þvíleyti að á henni er ég í hlut-verki trúbardúrs,“ segirtónlistarmaðurinn Halli
Reynis um nýjustu plötu sína Leiðin
er löng sem kom út fyrir skömmu.
„Hún er líka sérstök fyrir þær sakir
að hér er um að ræða fyrstu plötu
sem gefin hefur verið út á Íslandi,
þar sem trúbadúrinn fer einn síns
liðs inn í hljóðver og tekur upp heila
plötu.“
Halli Reynis er ef til vill ekki
þekktasti tónlistarmaður landsins
en hann er hátt skrifaður á lista
þeirra trúbadúra sem fram hafa
komið á undanförnum árum. Hann
er borinn og barnfæddur Breiðhylt-
ingur en ættaður úr Dölunum og
hefur sýslað við tónlist í hartnær 16
ár. Leiðin er löng er sjötta breiðskífa
Halla sem verður fertugur á þessu
ári en sú fyrsta kom út árið 1993.
Pólitískur í aðra röndina
„Ég hef verið að ferðast um allt
land undanfarið með gítarinn einan
að vopni og í framhaldi af því fannst
mér það liggja beint við að ég tæki
upp eina plötu með mér einum. Það
þarf ákveðinn kjark til að gera þetta
einn og ég vil kenna kjarkleysinu um
að menn hafi ekki lagst út í þetta áð-
ur.“
Og Halli leggur mikið upp úr text-
um.
„Það eru engin önnur hljóðfæri á
plötunni nema gítarinn og munn-
harpan og því fá textarnir ósjálfrátt
meira rými. Ég er að yrkja um sjó-
menn, um fólk og fjölmiðla, ástina –
um allt og ekkert. Ég yrki um sjálf-
an mig. Um það sem ég sé frá því ég
vakna á morgnana og þar til ég
sofna á kvöldin.“ Hvað pólitíkina í
textunum varðar segist Halli ekki
vera mjög pólitískur, „en í aðra
röndina er maður það kannski. Það
er mikil efnishyggja í gangi hér á
landi og um það hef ég verið að
syngja og það má heyra á þessari
plötu, til dæmis í titillaginu.“
Gott land fyrir trúbadúra
Spurður um áhrifavalda segir
Halli að sú tónlist höfði mest til hans
sem leggur áherslu á texta. „Bubbi,
Hörður Torfa, Bjartmar og KK …
og Maggi Eiríks, svo maður gleymi
honum ekki. Bob Dylan tel ég upp af
erlendum tónlistarmönnum og
Björn Afzelius sem var sænskur tón-
listarmaður en er nú látinn.“
Og Halla líkar trúbadúr-lífið og
segir það ekki erfitt um þessar
mundir. „Það er svolítið um ferðalög
en það er kostur að mínu mati. Mað-
ur lendir oft í að spila á mjög
skemmtilegum stöðum sem annars
kæmu ekki til greina, væri maður í
hljómsveit. Ísland er gott land fyrir
trúbadúra og hér er fullt að gerast
og af nógu að taka sem nýtist sem
efniviður í texta.“
Halli ætlar heldur ekki að sitja
auðum höndum nú þegar platan er
loksins komin út enda kominn með
splunkunýjan plötusamning við
Music ehf. „Ég ætla mér að kynna
þessa plötu sómasamlega og á
heimasíðu minni, hallireynis.com má
finna dagsetningar fyrir næstu tón-
leika en svo er ég líka á leiðinni inn í
hljóðver með þeim Jóni Skugga,
Erni Hjálmarssyni og Erik Quick.
Við ætlum að taka upp nýja plötu
sem kemur þá væntanleg út í haust á
vegum Music ehf.“
Tónlist | Halli Reynis sendir frá sér plötuna Leiðin er löng
Af nógu að taka
Morgunblaðið/Golli
Halli Reynis er nýkominn með plötusamning hjá Music ehf.
SAMBÍÓ ÁLFABAKKA SAMBÍÓ KRINGLUNNI
MYNDIR KL. 12 UM HELGAR Í SAMBÍÓUNUM KRINGLUNNI
FRÁ J.J.ABRAMS, HÖFUNDI LOST OG ALIAS
AF MÖRGUM TALIN VERA
BESTA MISSION IMPOSSIBLE MYNDIN TIL ÞESSA.
FYRSTA STÓRMYND SUMARSINS ER KOMIN
MI : 3 kl. 2 - 4 - 5:20 - 8 - 10:40 B.I. 14.
MI : 3 LÚXUS VIP kl. 3 - 5:30 - 8 - 10:30
FAILURE TO LAUNCH kl. 2 - 4 - 6 - 8 - 10:10
FIREWALL kl. 6:30 - 8:30 - 10:40 B.I. 16.
V FOR VENDETTA kl. 8 B.I. 16.ÁRA.
SCARY MOVIE 4 kl. 2 - 4 - 6 - 8 - 10:10 B.I. 10
WOLF CREEK kl. 10:40 B.I. 16.ÁRA.
LASSIE kl. 2 - 6
BAMBI 2 M/- Ísl tal. kl. 2 - 4
MI : 3 kl. 3 - 5:30 - 8:15 - 10:50 B.I. 14
INSIDE MAN kl. 3 - 5:30 - 8 - 10:40 B.I. 16
SCARY MOVIE 4 kl. 12 - 2 - 4 - 6 - 8 - 10 B.I. 10
LITLI KJÚLLIN M/- ÍSL TAL. kl. 12 - 1:30
BAMBI 2 M/- Ísl tal. kl. 12
SÝND Í
STAFRÆNNI
ÚTGÁFU,
MYND OG HLJÓÐ
POWER SÝNING
KL. 10:40 Í SAMBÍÓUNUM
ÁLFABAKKA
POWER SÝNING
KL. 10.20 Í SAMBÍÓUNUM
AKUREYRI OG KEFLAVÍK
POWER DIGITAL
SÝNING KL. 10.50 Í SAMBÍÓUNUM
KRINGLUNNI
„MISSION: IMPOSSIBLE III BYRJAR SUMARIÐ MEÐ
POMP OG PRAKT OG INNIHELDUR ALLT SEM GÓÐUR
SUMARSMELLUR HEFUR UPPÁ AÐ BJÓÐA, ÞRÆLGÓÐAN
HASAR OG FANTAGÓÐA SKEMMTUN.“
eeee
VJV, Topp5.is