Morgunblaðið - 25.08.2006, Blaðsíða 24

24 FÖSTUDAGUR 25. ÁGÚST 2006 MORGUNBLAÐIÐ
AKUREYRI
NÝTT leikrit, Lífið – notk-
unarreglur, eftir Þorvald Þor-
steinsson, verður frumsýnt hjá Leik-
félagi Akureyrar í vetur. Sýningin er
unnin í samvinnu við útskrift-
arárgang leiklistardeildar Listahá-
skóla Íslands og er lokaverkefni
nemendanna við skólann. Þetta er í
fyrsta skipti sem nemendur deild-
arinnar vinna að lokaverkefni sínu
með Leikfélagi Akureyrar en þeir
hafa áður unnið í samstarfi við Þjóð-
leikhús og Borgarleikhús.
Í vetur verða einnig frumsýnd tvö
nýleg erlend verk auk sígilds barna-
leikrits. Starfsárið hefst á því að
tvær vinsælar sýningar frá því í
fyrravetur eru komnar aftur á svið;
Fullkomið brúðkaup er nú sýnt í
Reykjavík og Litla hryllingsbúðin
verður sýnd á Akureyri um tíma í
september.
Aðsókn á sýningar LA sl. vetur
var gríðarleg. Metið frá upphafi
voru 19 þúsund manns á einu leikári,
áhorfendur höfðu árlega verið um 5–
10 þúsund um árabil, í hittifyrra
voru þeir hins vegar 17 þúsund en á
síðasta leikári sáu um 26 þúsund
manns sýningar LA á Akureyri auk
17 þúsund áhorfenda í Reykjavík!
Hvað næst?
„Við spurðum okkur satt að segja
að því í vor hvað við ættum eiginlega
að gera eftir slíkan vetur,“ sagði
Magnús Geir Þórðarson, leik-
hússtjóri LA, í samtali við Morg-
unblaðið. „Niðurstaðan var einfald-
lega sú að viðurkenna að við fáum
varla nokkurn tímann aftur slíkan
fjölda í leikhúsið, að óbreyttu. Að-
sókn síðasta leikárs var einsdæmi og
verður ekki endurtekin. Þegar síð-
asta leikár var skipulagt völdum við
góð verk sem okkur líkaði og við
höfðum trú á en okkur dreymdi aldr-
ei um að fá þvílíkan fjölda í leikhúsið
og þetta fór langt umfram öll mark-
mið sem við settum okkur. Nú ger-
um við nákvæmlega það sama, við
höfum valið úrvals leikrit til sýninga,
leikrit sem snerta okkur og okkur
finnst eiga ríkt erindi við áhorfendur
okkar. Við ætlum okkur að vinna
þau af einlægni og þá tekst okkur
vonandi að hreyfa við áhorfendum.
En við höldum okkur á jörðinni og
ætlum okkur ekki að keppa við að-
sóknartölur síðasta leikárs – það er
ekki raunhæft. En vonandi skilum
við enn betri sýningum og stöndum
fyrir enn betra leikhús. Það er
markmiðið.“
Magnús leggur áherslu á að það
sé ekki stefna Leikfélags Akureyrar
að sýna reglulega í Reykjavík en það
hafi verið gert í vor og sumar vegna
mikillar eftirspurnar og vegna þess
að félagið gat komið því við. „En það
er ekki stefna okkar að þetta sé fast-
ur liður í starfseminni. Þess vegna
stendur ekki til að fara suður með
neinar sýningar vetrarins, þótt ég
útiloki auðvitað ekkert. Við erum
leikhús fyrir alla landsmenn – á Ak-
ureyri. Hingað eru allir hjartanlega
velkomnir og við lofum því að taka
vel á móti leikhúsgestum alls staðar
að.“
Magnús Geir segir LA áfram
vinna eftir sömu stefnu og síðustu
ár; aðeins verði eitt verk á fjölunum
á hverjum tíma en það sýnt þétt. Og
áhersla er lögð á ný eða nýleg verk.
„Við viljum vera kraftmikið nú-
tímaleikhús; stefnum að því að sýna
innlend og erlend nútímaverk en
láta klassíkina vera – þó leikritið um
Karíus og Baktus sé vissulega orðið
sígilt. Við viljum snerta áhorfendur,
stundum með miklum húmor og
stundum með því að hrista vel upp í
fólki eins og gert var með Mar-
íubjöllunni í fyrravetur og ég er viss
um að Svartur köttur gerir í vetur.“
Sýningar á Litlu hryllingsbúðinni
hefjast 2. september en Karíus og
Baktus mæta á svið 23. september.
Magnús segir LA hafa sinnt
yngstu kynslóðinni í auknum mæli.
„Mörg börn hafa komið á Oliver og
Litlu hryllingsbúðina en Karíus og
Baktus eru fyrir þau allra yngstu,
jafnvel þau sem eru að fara í fyrsta
skipti í leikhús. Sýningin er ekki
nema hálftími, við erum verkinu trú
en það sem er ekki síst spennandi er
að hljómsveitin 200.000 naglbítar
hefur endurunnið músíkina.“
Ástrós Gunnarsdóttir leikstýrir
Karíusi og Baktusi.
Gestasýningin Mike Attack verð-
ur frumsýnd í Rýminu í október. Þar
er á ferðinni með einleik látbragðs-
leikarinn Kristján Ingimarsson, Ak-
ureyringur sem búsettur hefur verið
erlendis en er nýfluttur aftur í
heimabæinn.
„Kristján hefur farið með þessa
sýningu út um allan heim og fengið
frábærar undirtektir. Enda er hann
í heimsklassa.“ Magnús segir Krist-
ján ótrúlega snjallan í „líkamlegu
leikhúsi“ sem svo megi kalla. „Þetta
er látbragðsleikur fyrir fullorðna, al-
veg óborganlega fyndin sýning.“
Fyrsta stóra frumsýning vetr-
arins er Herra Kolbert en verkið
verður frumsýnt 27. október. „Þetta
er ótrúlegt verk. Við leiklásum það í
fyrravetur, buðum þá korthöfum og
fleirum í leikhúsið, umræður voru á
eftir og í framhaldinu ákváðum við
að taka verkið til sýninga nú í vet-
ur.“
Þetta er þýskt verk sem frumsýnt
var í London árið 2000 og hefur síð-
an verið sýnt víða um heim. „Húm-
orinn er fyrirferðarmikill án þess þó
að leikritið sé farsi,“ segir Magnús
Geir. „Það má segja að þetta sam-
bland af gamanleikriti og reyfara í
anda Agöthu Christie. Og í því er
margt sem kemur á óvart og feiki-
lega vel skrifað.“
Jón Páll Eyjólfsson leikstýrir
Herra Kolbert, en hann var leik-
stjóri Maríubjöllunnar hjá LA í
fyrravetur og var tilnefndur til
Grímuverðlaunanna fyrir það starf.
Magnús Geir leikstýrir sjálfur
verkinu Svartur köttur, eftir Írann
Martin McDonagh, sem hann segir í
fremsta flokki ungra leikskálda
heimsins um þessar mundir.
„Þetta er einstakur höfundur og
mörg verk hans hafa átt góðu gengi
að fagna á undanförnum árum.“
Verkið var frumsýnt fyrir fjórum
árum í Bretlandi og vakti strax
mikla athygli, að sögn Magnúsar
Geirs. „Það varð mjög vinsælt, sem
menn bjuggust ekki sérstaklega við
fyrirfram enda verkið flugbeitt.
Svartur köttur fékk svo Oliver-
verðlaunin sem gamanleikrit ársins í
Englandi það árið.“
Magnús segir söguna reyf-
arakennda, leikritið fyndið en afar
beitt og persónurnar brjóstumkenn-
anlegar. „Verkið er nú sýnt á Broad-
way og þykir sjóðheitt. Talað hefur
verið um að sýningin sé eins og
Monty Python og Quentin Tarantino
hafi farið í eina sæng og það lýsir
þessari blöndu vel.“
Magnús segist hafa á tilfinning-
unni að bæði Herra Kolbert og
Svartur köttur eigi eftir að höfða til
breiðs hóps enda aðgengileg þó höf-
undum beggja verka liggi heilmikið
á hjarta. Hann segir bæði leikritin
vera mikil gæðaverk.
Í dymbilvikunni næsta vor verður
Ausa Steinberg sýnd aftur á Ak-
ureyri, en þar var verkið frumsýnt í
nóvember 2004. Ilmur Kristjáns-
dóttir er sem fyrr eini leikarinn en
verkið verður nú sýnt í nýrri útgáfu.
Sýnt verður í Akureyrarkirkju.
Ánægjulegt
Stórsýning vetrarins, eins og
Magnús Geir orðar það, verður svo
Lífið – notkunarreglur, sem Þor-
valdur Þorsteinsson skrifaði sér-
staklega fyrir LA og útskriftarhóp
leiklistardeildar Listaháskólans.
„Við erum mjög ánægð með þetta
samstarf. Útskriftarsýning nem-
endaleikhússins hefur á und-
anförnum áratugum oft verið í sam-
starfi við annaðhvort Þjóðleikhúsið
eða Borgarleikhúsið en er nú í fyrsta
skipti í samstarfi við Leikfélag Ak-
ureyrar. Það er oft mikill kraftur og
metnaður í þessum sýningum og það
fellur vel að því sem við höfum verið
að gera í þessu leikhúsi.“
Kjartan Ragnarsson leikstýrir
verkinu og segir Magnús Geir það
mikinn feng fyrir LA, sem og að
hafa fengið Þorvald til að skrifa
verkið.
„Þetta er í fyrsta skipti sem þeir
vinna fyrir LA og mér finnst það
mjög spennandi. Kjartan er einn
reyndasti og ástsælasti leikstjóri
þjóðarinnar og Þorvaldur löngu
landskunnur fyrir leikrit sín og bæk-
ur.“
Magnús Geir segir að þetta leikrit
sé ævintýrið um okkur öll; fullt af
hlýju, tónlist og leiftrandi húmor og
fjalli um fólk á Íslandi í dag, stráka
og stelpur, karla og konur. Um kær-
leikann og ástina. „Þrátt fyrir fal-
lega áferð er verkið auðvitað ekki
laust við átök og kannski má segja
að þetta sé einskonar Blíðfinnur fyr-
ir fullorðna,“ segir Magnús Geir en
bækur Þorvaldar um Blíðfinn eru
líklega öllum kunnar. „Ég held að
þetta nýja leikrit sé rökrétt fram-
hald af leikriti Þorvaldar …and
Björk of course en tilfinningin og
tónninn gjörólíkur.“
Frumsýning verður 16. mars. „Við
sjáum fyrir okkur að senda fólk dill-
andi inn í vorið með þessari sýn-
ingu,“ segir Magnús Geir.
Leikhús fyrir alla landsmenn
Metnaður Mikill kraftur og metnaður í sýningum nemendaleikhússins og
það fellur vel að því sem við höfum verið að gera, segir Magnús Geir.
Morgunblaðið/Skapti Hallgrímsson
Vinsælt Fullkomið brúðkaup sló öll aðsóknarmet hjá Leikfélagi Akureyrar í fyrravetur fyrir norðan og í Reykjavík og sýningar eru hafnar á ný. Álfrún Örnólfsdóttir er þarna í hlutverki sínu.
Nýtt leikrit Þorvaldar Þorsteins-
sonar og tvö nýleg erlend verk
verða frumsýnd hjá LA í vetur
Eftir Skapta Hallgrímsson
skapti@mbl.is
EITT hundrað ár verða í vetur liðin frá fyrstu frumsýningu í Samkomu-
húsinu á Akureyri. Ævintýri á gönguför var þá frumsýnt 20. janúar 1917
og nákvæmlega 100 árum síðar verður hátíðarfrumsýning á leikritinu
Svartur köttur. Í tengslum við afmæli hússins verður einnig boðið upp á
leiklestur á fyrsta verkinu, Ævintýri á gönguför, og miðaverð verður þá
það sama og fyrir 100 árum – 75 aurar í sal og 35 aurar á svölum.
Í maí mun LA taka á móti gestasýningu en ekki verður ákveðið fyrr en
seinna í vetur hvaða sýning það verður. „Við köllum þetta óvissuferð í leik-
húsið. Á Íslandi eru 60 frumsýningar í atvinnuleikhúsunum á hverjum
vetri, leikhús er í eðli sínu þannig að undirbúningur er langur en þarna
fundum við leið til þess að bjóða upp á það ferskasta og það sem okkur
finnst mest spennandi fyrir leikhúsgesti norðan heiða. Við munum því taka
á móti einni verðugri gestasýningu að vori“ segir Magnús Geir.
Kostar 75 aura í salinn
Morgunblaðið/ÞÖK