Morgunblaðið - 25.08.2006, Síða 25

MORGUNBLAÐIÐ FÖSTUDAGUR 25. ÁGÚST 2006 25
SENDUM Í PÓSTKRÖFU
www.islandia.is/~heilsuhorn
Glerártorgi, Akureyri, s. 462 1889
fæst m.a. í , Skólavörðustíg 16
Borgartúni 24
Fjarðarkaupum
Lífsinslind í Hagkaupum
Heilsuhúsið Selfossi
Rauðsmári
Hormónajafnvægi fyrir konur
á breytingaskeiðinu
Djúpivogur | Ríkarðssafni á Djúpa-
vogi hafa nýverið borizt tvær góðar
gjafir. Í báðum tilfellum er um að
ræða verk eftir Ríkarð Jónsson.
Annars vegar listilega vel gerðan
hefil úr rostungstönn og dökkum
harðviði. Sagan á bak við tilurð hans
er sú að Benedikt Einarsson frá
Ekru í Stöðvarfirði (f. 07.03.1918 / d.
01.04.2001) var í ágúst 1958 að lag-
færa glugga í húsi Ríkarðs og Maríu
konu hans við Grundarstíg. Féll
hann þá úr stiga af annarri hæð nið-
ur á gangstéttina og hryggbrotnaði.
Sem betur fer náði Benedikt sér þó
af þessum meiðslum. Árið 1961
færði listamaðurinn honum hefilinn
að gjöf frá þeim hjónum. Að ósk
Benedikts var gripurinn afhentur
safninu að honum látnum. Með gjöf-
inni fylgdi bréf dags. 10. ágúst 2006
með ofangreindum upplýsingum, en
þann dag afhenti dóttir Benedikts,
Ragnheiður og eiginmaður hennar,
Guðbjörn Jónsson, safninu gripinn.
16. ágúst barst Ríkarðssafni svo
önnur gjöf sem er útskorin nafn-
plata með verki eftir Ríkarð, en efst
á henni trónir fuglsmynd. Gefandinn
er Gunnar Ferdinandsson, fæddur í
Ósló 12. des. 1926. Aðdragandi máls-
ins var sá að sl. vor barst safninu
bréf, þar sem Gunnar lætur í ljós
vilja til að koma verkinu sem gjöf til
Ríkarðssafns, þar sem hann sé far-
inn að eldast og hafi ákveðið í sam-
ráði við börn sín reyna að koma
verkinu til Íslands. Segir hann m.a. í
umræddu bréfi frá því hve hrifinn
hann hafi verið af fjölskyldulífi Rík-
arðs meðan hann dvaldi hérlendis
hluta árs 1950, löngum kvöldverð-
um, með fjölbreyttum umræðuefn-
um, sagnakvöldum, söngvagleði,
upplestri o.fl. Auk þess hafi hann
heillast af náttúru landsins. Í öðru
bréfi lýsir Gunnar m.a. siglingu um-
hverfis landið með Esju með við-
komu á Djúpavogi.
Safni Ríkarðs Jónssonar
færðar veglegar gjafir
Morgunblaðið/Andrés Skúlason
Egilsstaðir | Leikfélag Fljótsdals-
héraðs var stofnað 31. ágúst 1966
og á því 40 ára afmæli um þessar
mundir. Af því tilefni verður mikið
um að vera á leikárinu og hófst það
reyndar með því að sett var upp
sýningin Miðsumarnæturdraumar í
Selskógi. Sýningin tókst vel og
komu um 300 manns á hana.
Þráinn Sigvaldason, formaður
leikfélagsins, segir það halda upp á
afmælið með pomp og prakt í lok
Ormsteitishátíðarinnar á Fljóts-
dalshéraði á morgun. „Við hefjum
leikinn kl. 21.30 í hátíðartjaldinu í
miðbæ Egilsstaða. Dagskráin verð-
ur skemmtileg og fjölbreytt, s.s.
hátíðarræða, afturgöngur, söngur
og gamanmál, svo eitthvað sé nefnt
og þessu lýkur síðan með flug-
eldasýningu um klukkan ellefu um
kvöldið.“
Í haust segir Þráinn að sett verði
upp frumsamið leikrit á Iðavöllum
og ýmis námskeið á næstunni og
má þar m.a. nefna leiklist-
arnámskeið fyrir 10–15 ára börn á
Fljótsdalshéraði, búninga-, förð-
unar-, sviðsmynda- og ljósa-
námskeið. Í vor heldur Leikfélag
Fljótsdalshéraðs aðalfund Banda-
lags íslenskra leikfélaga og býður
þannig öllum leikfélögum á landinu
í afmælið.
Fertugt
fjör á
Ormsteiti
Öflug á sínu sviði Félagar úr
Leikfélagi Fljótsdalshéraðs hafa
sett upp hvert stórverkið á fætur
öðru gegnum tíðina.
Dalabyggð | Nýtt þjónustuhús
Hjarðarholtskirkju í Dölum var
blessað við hátíðarmessu sem fram
fór síðastliðinn sunnudag. Með til-
komu hússins batnar öll aðstaða við
kirkjuna til mikilla muna.
Athöfnin fór fram í góðu veðri. Svo
stillt og fagurt var veðrið að hægt
var að bera logandi kerti úr kirkju í
þjónustuhús án þess að á því slokkn-
aði.
Séra Óskar Ingi Ingason sóknar-
prestur þjónaði fyrir altari ásamt
prófastinum, sr. Gunnari Eiríki
Haukssyni. Biskup Íslands, herra
Karl Sigurbjörnsson, predikaði.
Kirkjukór Hjarðarholtsprestakalls
leiddi sönginn, undir stjórn organist-
ans, Halldórs Þ. Þórðarsonar. Fjöl-
menni var við athöfnina. „Gott er að
kirkjan á slíka að á slíkum hátíðar-
degi sem og annarra í lífi safnaðar-
ins. Vonandi líður þessi dagur ekki
seint úr minni biskups, presta, ráð-
herra, þingmanna, Dalamanna og
annarra gesta frekar en barnanna
sem herra Karl kallaði til sín í kirkj-
unni og gaf fallega krossa,“ sagði sr.
Óskar Ingi í samtali við fréttaritara.
Eftir guðsþjónustuna var gengið í
nýtt þjónustuhús safnaðarins og það
blessað af biskupi Íslands við hátíð-
lega stund. Þessar athafnir í Hjarð-
arholti voru síðasti hluti afmælis-
halda vegna 100 ára afmælis
kirkjunnar.
Að því loknu var haldið í kaffi í
Dalabúð þar sem menn þáðu veiting-
ar og áttu saman góðan dag. Þar
þakkaði Melkorka Benediktsdóttir,
formaður sóknarnefndar, öllum þeim
er komu að framkvæmdum við þjón-
ustuhús og lóð kirkjunnar. Sr. Óskar
Ingi afhenti Melkorku gjöf fyrir
óeigingjarnt starf í þágu safnaðar-
ins, einnig færði hann Víví Krist-
óbertsdóttur og Gísla Þórðarsyni
sóknarnefndarmönnum gjafir fyrir
mikið og gott starf í þágu kirkjunnar.
Nýtt þjónustuhús við Hjarðarholtskirkju tekið í notkun
Morgunblaðið/Björn Anton Einarsson
Í Dölum Biskup Íslands, Karl Sigurbjörnsson, blessaði nýtt þjónustuhús Hjarðarholtskirkju sl. sunnudag.
Aðstaða við kirkjuna batnar mikið
Eftir Björn Anton Einarsson
Meðmælaganga | Skipulögð hefur
verið svokölluð meðmælaganga út á
athafnasvæði hugsanlegs álvers við
Húsavík. Gangan fer fram laug-
ardaginn 26. ágúst og hefst klukkan
11. Gengið verður frá Gónhól út á
Bakka við Húsavík. Rúta tekur upp
meðmælendur á Olís klukkan 10.30,
Esso kl. 10.40 og á Shell kl. 10.50.
Tilvonandi byggingarlóð og um-
hverfi væntanlegs álvers verður
skoðað og göngunni lýkur við styttu
Einars Benediktssonar. Ef veður
verður gott verður slegið upp með-
mælendabúðum með söng og gleði,
segir í tilkynningu frá skipuleggj-
endum. Ef veður verða válynd verð-
ur fundinn annar dagur.
Egilsstaðir | Stefán Sölvi Pét-
ursson kraftlyftingamaður var
stigahæstur bæði úr Austurlands-
og Austfjarðatröllskeppnunum
sem fram fóru á Austurlandi um
síðustu helgi. Stefán Sölvi mun
taka þátt í keppni um sterkasta
mann heims innan tíðar. Að sögn
mótshaldara var keppnin á
löngum köflum jöfn og því mjög
spennandi. Áhorfendur létu sig
ekki vanta, en keppnin fór fram á
Vopnafirði, Seyðisfirði, Eskifirði,
Egilsstöðum, Fáskrúðsfirði, Breið-
dalsvík Stöðvarfirði og í Neskaup-
stað. Þetta er í tíunda sinn sem
keppnin er haldin.
Annar í Austurlandströllinu
varð hinn finnski Juha Pekke og
Georg Ögmundsson þriðji. Annar
maður Austfjarðatröllsins varð
Magnús Ver Magnússon og Georg
aftur í því þriðja.
Morgunblaðið/Steinunn Ásmundsdóttir
Austurlands- og Austfjarðatröll
Stefán Sölvi Pétursson vann báðar
kraftakeppnirnar og þótti strax
sigurstranglegastur.
Stefán Sölvi
sjálft Aust-
urtröllið
AUSTURLAND
LANDIÐ
AUGLÝSINGADEILD
netfang: augl@mbl.is eða sími 569 1111