Morgunblaðið - 25.08.2006, Blaðsíða 29

vín
MORGUNBLAÐIÐ FÖSTUDAGUR 25. ÁGÚST 2006 29
ALLT AÐ
100%
LÁN!
OPEL VECTRA 2.0CD
Nýskráður 04.99 - Sjálfskiptur - Ekinn 121 þús.
290.000,-Verð áður: 640.000,- Nú:
HYUNDAI SONATA
Nýskráður 08.03 - Beinskiptur - Ekinn 40 þús.
16.012,- á mánuði
miðað við 100% lán.
780.000,-Verð áður: 1.340.000,- Nú:
NISSAN X-TRAIL SPORT
Nýskráður 04.02 - Beinskiptur - Ekinn 93 þús.
27.225,- á mánuði
miðað við 100% lán.
1.280.000,-Verð áður: 1.620.000,- Nú:
VOLKSWAGEN GOLF TRENDLINE
Nýskráður 07.04 - Beinskiptur - Ekinn 49 þús.
27.850,- á mánuði
miðað við 100% lán.
1.360.000,-Verð áður: 1.690.000,- Nú:
OPEL ASTRA 1.2
Nýskáður 06.02 - Beinskiptur - Ekinn 85 þús.
13.230,- á mánuði
miðað við 100% lán.
490.000,-Verð áður: 730.000,- Nú:
OPEL VECTRA 1.6GL
Nýskráður 09.99 - Sjálfskiptur - Ekinn 129 þús.
12.150,- á mánuði
miðað við 100% lán.
390.000,-Verð áður: 630.000,- Nú:
SUBARU IMPREZA GL
Nýskráður 12.97 - Beinskiptur - Ekinn 193
þús.
30.250,- á mánuði
miðað við 100% lán.
630.000,-Verð áður: 880.000,- Nú:
FORD ESCAPE 3000 XLT
Nýskráður 06.03 - Sjálfskiptur - Ekinn 57 þús.
34.308,- á mánuði
miðað við 100% lán.
1.680.000,-Verð áður: 1.980.000,- Nú:
Birt með fyrirvara um innsláttarvillur.
Búrgund eða Bourgogne – víngerðarhéraðið í hjartaFrakklands – hefur heillað margan vínáhuga-manninn í gegnum aldirnar og oft orðið til þess aðvínáhuginn kviknaði í brjósti.
Þetta er hins vegar með flóknari víngerðarhéruðum að
kynna sér og má segja að það sé ævistarf að setja sig inn í
leyndardóma Búrgundarvína.
Víngerðarsvæðin sem kennd eru við Bourgogne eru sex:
Auxerrois, Chablis, Cote de Nuits, Cote de Beaune,
Cote Chalonnais og Maconnais. Öll með sína sérstöðu
og einkenni þrátt fyrir að í megindráttum séu einungis
tvær þrúgur ræktaðar. Pinot Noir fyrir rauðvín og
Chardonnay fyrir hvítvín.
Innan víngerðarsvæðanna eru hins vegar mýmörg
undirsvæði sem vínin eru kennd við, stundum eru
undirsvæðin stór, stundum eru þau kennd við þorp
en allra bestu svæðin eru einstakar litlar ekrur.
Þær ekrur sem skara fram úr eru flokkaðar sem
Premier Cru og þær allra bestu eru kallaðar
Grand Cru. Í síðastnefnda flokknum má finna nöfn
á borð við Corton, Musigny og Montrachet. Það
flækir svo enn málið að yfirleitt eru þeir nokkuð
margir bændurnir sem eiga hlut í hverjum skika
fyrir sig.
Í Bourgogne eru það því ekki stór Chateau sem
framleiða eitt vín á tugum hektara sem ráða ferð-
inni heldur vínhús sem yfirleitt eiga skika hér og
þar í héraðinu en kaupa einnig þrúgur af vínbænd-
um á mismunandi svæðum.
Eitt af þekktari víngerðarhúsum Bourgogne er Mai-
son Chanson. Það var upphaflega stofnað árið 1750 og lengi
vel rekið af Chanson-fjölskyldunni en er nú í eigu kampa-
vínsfyrirtækisins Bollinger. Chanson þótti lengi vel vera
sæmilegur framleiðandi en segja má að Bollinger hafi tekist
að vekja vínhúsið af þyrnirósarsvefni og vínin blómstra sem
aldrei fyrr. Með nýjum áherslum og nýju fólki er Chanson
komið í fremstu röð Búrgundarhúsa.
Vín frá Chanson komu í fyrsta skipti í sölu í vínbúðunum
í byrjun ágúst og eru sannkallaður happafengur fyrir unn-
endur Búrgundarvína. Það eru fyrst og fremst hvítvínin frá
Chanson sem við fáum að njóta af, allt frá einföldum
„A.O.C. Bourgogne“ upp í vín af bestu svæðum Cote de
Beaune og Chablis.
Eina rauðvínið er Chanson Le Bourgogne Pinot Noir
2004, sem er „standard“ Pinot framleiðandans en þrúg-
urnar koma þó einungis af toppsvæðum, þ.e. Cote de
Beaune og Cote de Nuits. Þurrt og kryddað með angan af
grænni papriku, laufum, tóbaki og við. Góður tannískur
strúktúr. 1.590 krónur. 17/20
Chanson Le Bourgogne Chardonnay 2004 hefur þurra,
steinefnakennda angan, ágætlega þétt í munni og vel bal-
anserað, með beiskum ávexti. 1.550 krónur. 17/20
Chanson Chassagne-Montrachet 2004 er hreint út sagt
magnað hvítvín. Ungt og öflugt og með gífurlega dýpt. Að-
gengilegt en samt með allt sem þarf til að þroskast vel og
lengi næsta áratuginn eða svo. Eikað og smjörkennt með
mikilli vanillu en jafnframt þykkum hnetu- og stein-
efnamassa í bland við hvít ber. Vín sem er í senn algjört
sælgæti en sömuleiðis heimspekilegt hugleiðingavín. Og það
á fínu verði miðað við gæði. 3.490 krónur. 20/20
Chanson Beaune 1er Cru Clos du Roi er svo fantagott
rauðvín. Rauð skógarber, möndlukaramellur og mjólkur-
súkkulaði í nefi. Byrjað að þroskast, tannín byrjuð að mild-
ast, mikið um sig og langt. 2.460 krónur. 18/20
Eftir Steingrím Sigurgeirsson
sts@mbl.is
Chanson – í fremstu
röð Búrgundarhúsa
Létum svínið standa í eina tvo tíma
og settum það svo á kolin. Til þess
að gera langa sögu stutta tók sex
tíma að grilla það í gegn, en það
hefði í raun alveg getað hangið í tvo
tíma í viðbót án þess að kjötið þorn-
aði. Þetta útheimti 18 kolapoka og
heilan sekk af furukubbum sem við
notuðum til að fá smá reykj-
arbragð,“ segir hann.
Grillið var sett saman í Hólkoti á
Snæfellsnesi, sem er í eigu foreldra
eins úr hópnum. Þar er góð aðstaða
og skemma til þess að smíða í og að
því loknu grilluðum við úti undir
skemmuveggnum í einu besta veðri
sem gert hefur í allt sumar,“ segir
Þorsteinn.
Hann leggur áherslu á að nauð-
synlegt sé að nota góðan kjarnhita-
mæli til að stinga í kjötið annað
veifið, annars sé engin leið að sjá
hvort það sé steikt í gegn. Þegar
spurt er hvernig kjötið hafi smakk-
ast er ekkert hik á þeim sem svarar.
„Ég hef aldrei borðað jafn rosalega
gott svínakjöt um ævina,“ segir
hann.
Sem fyrr segir, voru það hreinir
órar hjá hópnum að hægt væri að
leita beint til svínabónda og falast
eftir skepnu í hæfilegri þyngd. „Það
hvarflaði hreinlega ekki að okkur að
ekki væri hægt að fá svínakjöt
nema í verksmiðjum. Okkur var
tjáð að sláturþyngd svíns væri 60
kíló en til að torga því hefðum við
þurft að fjölga börnum í hópnum
talsvert og þar sem það hefði tekið
of langan tíma og við vorum þegar
búin að bíða í tvö ár, ákváðum við
að láta slag standa. Reyndar feng-
um við á endanum 35–40 kílóa
grillgrís frá Vallá, sem samt er ansi
mikið fyrir hóp sem ekki er stærri
en þetta. Daginn eftir brugðum við
því á það ráð, að baka risastór flat-
brauð og bera fram með köldu kjöt-
inu og gómsætri fyllingu.“
Þorsteinn segir skrýtið að ekki
skuli vera hægt að hafa bænda-
markað í þjóðfélagi eins og okkar,
þar sem fólk geti komið og keypt af-
urðirnar sem það hafi lyst á. „Og
maður fer ósjálfrátt að velta því fyr-
ir sér af hverju við flytjum ekki
svínakjöt bara inn. Ef þetta er
framleitt í verksmiðju hér, er
örugglega hægt að gera það á hag-
kvæmari hátt í verksmiðju í Dan-
mörku, til dæmis. Hér er ekki um
að ræða hreinræktað íslenskt svína-
kyn og fóðrið er innflutt meira og
minna, held ég.“
Næsta verkefni er að setja plötur
á hliðar grillsins og þak ofan á það,
til að kalla fram eiginleika til ofn-
bökunar, segir Þorsteinn loks, en
áður en samtalinu er slitið er nauð-
synlegt að fá svar við einni grund-
vallarspurningu. Skyldi svínið hafa
verið grillað með epli í kjaftinum?
„Ég tók reyndar með mér epli, en
það var of bústið og komst því ekki
upp í svínið. Líklega þarf maður að
nota konfektepli,“ segir Þorsteinn
Torfason að síðustu.
ÞAÐ er vandasamt verk að gefa vínum ein-
kunn enda byggist slíkt jafnan að hluta til á
huglægu og að hluta til á hlutlægu mati. Ég
er stundum spurður að því hvers vegna
fleiri vín fái ekki lægri einkunn – svarið er
einfalt. Hér er fjallað um vín sem ég tel mig
geta mælt með við lesendur Morgunblaðs-
ins. Vín sem ég tel mig ekki geta mælt með
fá ekki umfjöllun. Einnig tekur einkunn
ávallt mið af verði vínsins, þ.e. vínið fær
einkunn miðað við sinn verðflokk.
Það er mismunandi hvaða kvarða menn
nota þegar vín eru metin. Algengustu
kvarðarnir alþjóðlega eru fimm, tíu, tutt-
ugu og hundrað punkta kerfi. En rétt eins
og segja má að 75–80 sé þröskuldurinn í 100
punkta kerfi eru 10 punktar þröskuldurinn
í 20 punkta kerfi.
Segja má að allt undir 10 punktum séu
vín sem ættu að enda sem edik.
10 punkta vín er á mörkum þess að vera boðlegt sem borðvín
11–12 punktar eru slöpp vín sem ekki er hægt að mæla með
kaupum á.
13–14 punkta vín eru sæmileg en ég myndi aldrei kaupa þau
sjálfur.
15–16 punkta vín eru ágætis meðalvín og ágætis kaup. Hafa
þó ekki þá dýpt, þann þokka eða þau einkenni sem þarf til að
ná lengra.
17–18 punkta vín eru vönduð vín og mjög góð kaup í sínum
verðflokki. Endurspegla upprunasvæði/þrúgu vel. Víngerð
til fyrirmyndar.
19–20 punkta vín eru afburðavín. Endurspegla víngerð-
arsvæði/þrúgu frábærlega og/eða eru einfaldlega bragð-
upplifun sem enginn vínunnandi ætti að missa af.
Einkunnagjöfin
Þær ekrur sem skara
fram úr eru flokk-
aðar sem Premier
Cru og þær allra
bestu eru kallaðar
Grand Cru.