Morgunblaðið - 25.08.2006, Page 60
60 FÖSTUDAGUR 25. ÁGÚST 2006 MORGUNBLAÐIÐ
menning
Hvað segirðu gott?
Ég segi allt merkilega gott,
haustið virðist verða ljúft.
Hvað er það vandræðalegasta
sem þú hefur upplifað? (spurt af
síðasta viðmælanda, Bríeti Sunnu
Valdemarsdóttur, Idol-stjörnu)
Í fljótu bragði man ég eftir atviki
um daginn þar sem ég sagði vini
mínum aulasögu af einhverjum
strák sem reyndist síðan vera þessi
vinur minn. Það var þó bara vand-
ræðalegt örstutt og varð síðan bara
fyndið.
Kanntu þjóðsönginn?
Já, auðvitað, erfitt að kunna hann
ekki eftir ítrekaðar endurtekn-
ingar. En auðvitað fallegt lag og
sjálfsagt að geta tekið undir með
þjóð sinni.
Hvenær fórstu síðast til útlanda
og hvert?
Ég fór núna í byrjun ágúst til
Parísar ásamt frænda mínum. Ynd-
islegt að komast aðeins burt og
slaka á við Signubakka, væri reynd-
ar mjög til í að vera þar ennþá.
Uppáhalds maturinn?
Indverskur og pakistanskur mat-
ur hefur hrifið mig ansi mikið síð-
ustu misseri, og já, ég held að hann
hafi yfirhöndina. Það er eitthvað við
þetta bragð sem heillar svona rosa-
lega.
Bragðbesti skyndibitinn?
Alveg án alls efa Austurlenska
hraðlestin, langbesti skyndibitinn
sem þú færð.
Besti barinn?
Kaffibarinn er oftast traustastur,
fer auðvitað líka eftir stemmingu.
Hvaða bók lastu síðast?
Ég las Kafka on the Shore eftir
Murakami og hann heillar mig alltaf
jafnmikið.
Hvaða leikrit sástu síðast?
Líklega var það Fögnuður eftir
Harold Pinter í vor. Með svolítið
óvenjulegar áherslur en mér líkaði
voðalega vel við það, Pinter er flott-
ur.
En kvikmynd?
The Lost City með Andy Garcia,
var alls ekki ánægður með hana,
óttalega misheppnað eitthvað. Hin
gullfallega Inés Sastre gerði þó
myndina vissulega áhorfanlega.
Hvaða plötu ertu að hlusta á?
Comic Strip með Serge Gainsbo-
urg, aldrei hægt að fá leið á þessum
manni, sjarminn nær alltaf í gegn.
Uppáhalds útvarpsstöðin?
Rás 2 er með langtum skemmti-
legustu heildarmyndina.
Besti sjónvarpsþátturinn?
Prison Break, hann alveg heldur
manni fram að síðasta þætti. Stund-
um það spennandi að erfitt er að
halda áfram.
Gætirðu hugsað þér að taka þátt
í raunveruleikaþætti í sjónvarpi?
Nei, veistu, ég er alls ekki fyrir
þetta raunveruleikaþáttaæði. Ekk-
ert er eins og það sýnist.
G-strengur eða venjulegar nær-
buxur?
Tja, hingað til hef ég allavega
mest notað venjulegar.
Helstu kostir þínir?
Ég get verið mjög ákveðinn og
haft mikla trú á því sem ég er að
gera.
En gallar?
Það kemur fyrir að ég sé svolítið
þrjóskur.
Besta líkamsræktin?
Því miður er ég langt því frá besti
maðurinn til að dæma um það, ein-
hverskonar hreyfing?
Hvaða ilmvatn notarðu?
Bara það sem hendi er næst
hverju sinni og lyktar vel, auðvitað
nauðsynlegt að lykta vel á þessum
tímum.
Ertu með bloggsíðu?
Nei, því miður, en er einn af að-
standendum jelena.is sem mun
opna núna í byrjun september.
Pantar þú þér vörur á netinu?
Já, ég geri reyndar talsvert af
því, voðalega patent lausn á öllum
þessum efnislegu þörfum manns.
Flugvöllinn burt?
Já auðvitað, þó ekki til Keflavíkur
Hvers viltu spyrja næsta viðmæl-
anda?
Hverjir tilheyra íslenskum aðli?
Íslenskur aðall | Sigurður Kjartan Kristinsson
Vildi vera á Signubökkum
Aðalsmaður vikunnar er formaður leikhópsins
Jelena sem setti upp leikverkið Purpuri fyrr í
þessum mánuði. Hann er einnig formaður
Herranætur, leikfélags Menntaskólans í
Reykjavík, sem mun setja upp leikverk í vetur.
Þá er fyrsti skóladagur hans í dag, en hann er
að hefja nám í fimmta bekk í MR.
Morgunblaðið/Eyþór
Menntaskólanemi Sigurður sest á fimmta bekk í MR í dag.
VINNUSTOFUSETUR Sambands
íslenskra myndlistarmanna var
opnað með formlegum hætti að
Seljavegi 32 í gær. Í húsinu voru
höfuðstöðvar Landhelgisgæslu Ís-
lands áður til húsa en héðan í frá
munu 55 félagar í SÍM hafa þar
vinnuaðstöðu auk þess sem gesta-
vinnustofur fyrir fimm listamenn
eru í húsnæðinu. Þá er einnig sýn-
ingarsalur í húsinu, auk verk-
stæðis. Það var Þorgerður Katrín
Gunnarsdóttir menntamálaráð-
herra sem opnaði húsið formlega
en Dorrit Moussaieff forsetafrú er
sérstakur verndari þess.
Við opnunina í gær gaf að líta
sýningu á verkum eftir þrjár
Huldur sem allar hafa vinnustofu í
húsinu, þær Huldu Hákon, Huldu
Stefánsdóttur og Huldu Vilhjálms-
dóttur.
Morgunblaðið/Golli
Hugsi Óskar Jónasson og Þorgerður Katrín Gunnarsdóttir virða fyrir sér verk Huldu Vilhjálmsdóttur.
Morgunblaðið/Golli
Menningarlegir Björgólfur Guðmundsson og Daði Guðbjörnsson.
Vinnustofur við Seljaveg
FRAMHALDSMYNDIN um lata og
úrilla, en þó alltaf yndislega skemmti-
lega köttinn Gretti verður frumsýnd í
kvöld. Þetta er fjölskyldumynd sem
verður sýnd með íslensku og ensku
tali víðsvegar um landið: í Smárabíói,
Regnboganum, Laugarásbíói, Borg-
arbíói Akureyri og Selfossbíói.
Árið 2004 kom fyrri myndin út og
varð ein vinsælasta mynd þess árs, en
um 30.500 manns sáu myndina. Leik-
arinn góðkunni Bill Murray (Lost in
Translation, Broken Dreams, Life
Aquatic, Ghostbusters) talar inn á
myndina fyrir Gretti líkt og í fyrri
myndinni. Hjálmar Hjálmarsson
snýr einnig aftur til að ljá kettinum
rödd í íslensku útgáfunni.
Líkt og í fyrri myndinni blandast
saman lifandi tökur af raunverulegu
fólki og tölvuteiknaðri útgáfu af kett-
inum sem Jim Davis skapaði. Í nýju
myndinni fer Grettir fyrir slysni í
ferðalag til Englands ásamt Jóni
(Breckin Meyer) og kærustu Jóns
(Jennifer Love Hewitt). Þar ruglast
menn á honum og hinum konunglega
ketti Prinsi, sem Tim Curry ljær
rödd sína. Nokkrir frægir breskir
leikarar eins og Bob Hoskins og
Richard E. Grant fara jafnframt með
raddir dýra á garðinum. En bíræfinn
einstaklingur, leikinn af skoska grín-
istanum Billy Connolly, hefur jafn-
framt illar áætlanir um að stela land-
inu hans Prins, og Grettir verður að
klófesta hann. Ef hann getur litið upp
úr lasagnanu sínu í smástund.
Frumsýning | Saga tveggja kettlinga
Grettir fer
til Englands
Heimsborgari Grettir við Big Ben-
klukkuna í Lundúnum.
Erlendir dómar:
Metacritic.com: 37/100
Chicago Sun-Times: 75/100
Washington Post 50/100
Entertainment Weekly 42/100
Empire 40/100
New York Post 38/100
Boston Globe 38/100
Allt skv. Metacritic.com
BLÓMSTRANDI dagar hófust í
Hveragerði í gær og munu þeir
standa yfir alla helgina. Meðal þess
sem boðið verður upp á er brekku-
söngur, flugeldasýning og markaðs-
torg. Kántrísveit Baggalúts og
Brimkló ætla svo að spila í Hvera-
gerði í tilefni hátíðarinnar og munu
Baggalútsmenn ríða á vaðið í kvöld
með tónleikum á Hótel Örk. Á efnis-
skránni eru verk af glænýrri plötu
sveitarinnar sem heitir Aparnir í
Eden auk efnis af plötunni Pabbi
þarf að vinna. Hljómsveitin Brimkló
ætlar í framhaldi að mæta á Örkina
annað kvöld og verður þar slegið
upp stórdansleik en langt er síðan
Brimklóarmenn stigu síðast á svið í
Hveragerði.
Baggalútur og Brimkló
spila í Hveragerði
www.blomstrandidagar.is