Morgunblaðið - 25.08.2006, Qupperneq 30

matur
30 FÖSTUDAGUR 25. ÁGÚST 2006 MORGUNBLAÐIÐ
Möndlur frá Marokkó
Á meðan gestirnir koma sér vel fyrir og kjötið
tekur á sig lit á grillinu er tilvalið að bjóða upp
á þessar marokkósku möndlur.
3 msk. smjör
1 msk. flórsykur
3 dl möndlur
1 msk. kummin
½ msk. cayenne-pipar
½ tsk. salt
1 tsk. kanill
Bræðið smjörið á pönnunni og blandið flór-
sykri saman við. Hrærið í og látið krauma
saman við meðalhita. Blandið kryddi og
möndlum saman við og látið brúnast á pönn-
unni eða í ofni í um það bil 10 mínútur. Þegar
möndlurnar eru orðnar þurrar má njóta þessa
kryddaða og sæta möndlugóðgætis.
Viskí-kryddpenslaðar
lærissneiðar
fyrir 4
4 lambalærissneiðar, 900 g
Kryddjurtalögur:
2 hvítlauksgeirar
1 tsk. tabasco-sósa
1 dl ananassafi
½ dl viskí
½ dl sykur
¼ dl nautakraftur (fljótandi fond)
¼ dl vatn
1 msk. hvítvínsedik
1 msk. Worcester-sósa
Saxið hvítlauk smátt og steikið í potti, hellið
afganginum af hráefninu sem fara á í krydd-
lögin út í og látið sjóða saman í 15 mínútur.
Penslið á kjötið á meðan það er að grillast.
Viskíið er ekki nauðsynlegt en gefur lamba-
kjötinu skemmtilegan keim. Ef vill má setja
ananassafa í staðinn og auka þá aðeins Wor-
cester-sósuna.
Jógúrtsósa með
grilluðum hvítlauk og timjan
fyrir 4
2 hvítlauksgeirar
3 dl hrein jógúrt
1 msk. fljótandi hunang
2 msk. ferskt smátt saxað timjan
salt og pipar
Grillið hvítlauksgeirana í stutta stund þar til
þeir mýkjast aðeins. Merjið hvítlaukinn með
gaffli eða í mortéli og setjið út í jógúrtina.
Blandið hunangi, timjan, salti og pipar saman
við og látið standa í um það bil klukkutíma áð-
ur en borið er fram. Smakkið til með timían.
Grillað ratatouille-
parmesan-salat
fyrir 4
1 eggaldin
1 kúrbítur (zucchini)
1 rauð paprika
1 laukur
3 msk. ólífuolía
salt
klettasalat (rucola)
1 dl parmesan, skorinn í sneiðar
2 msk. balsamedik
fersk basilíka
Skerið eggaldin, kúrbít, papriku og lauk í
stóra bita. Saltið eggaldinsneiðarnar og látið
standa um stund. Þerrið af allan vökva sem
myndast á yfirborðinu. Saltið örlítið yfir af-
ganginn af grænmetinu og blandið eggaldin-
sneiðunum saman við. Hellið örlítilli olíu yfir
og grillið grænmetið. Setjið í skál og blandið
klettasalati saman við. Dreifið yfir parmesan,
balsamediki og ferskri basilíku.
Uppskriftirnar sem hér fylgja á eftir passa
líka vel í sumarveisluna en eiga þó ekki síður
vel með öðrum mat. Ólífur eru enda ekki árs-
tíðabundnar þótt hver fari e.t.v. að vera síð-
astur að tína rabarbarann fyrir haustið.
Hvítlauksmaríneraðar
ólífur með oreganó
1 dós grænar ólífur
4 hvítlauksgeirar
1 rautt chili
4 greinar ferskt oreganó
1 dl ólífuolía
Hellið leginum af ólífunum og setjið þær í
krukku með loki. Setjið hvítlauk, smátt saxað
chili og oreganó saman við og blandið vel. Það
er algjör óþarfi að mæla kryddið nákvæmlega.
Hellið ólífuolíu yfir þannig að fljóti yfir og látið
standa í kæli eins lengi og þið getið beðið eftir
að smakka, eða að minnsta kosti í 3–4 daga.
Rabarbaragúrkusalat
1 gúrka
2–3 rabarbarar, u.þ.b. 250 g
1 msk. salt
1 msk. brúnn hrásykur
2 dl vatn
1 dl hrásykur
2 msk. hvítvínsedik
ferskt dill (má sleppa)
Afhýðið gúrku og skerið í sneiðar, skerið
rabarbarastilka í sneiðar og blandið saman
ásamt 1 msk. af salti og 1 msk. af sykri. Látið
standa í 15 mínútur. Síið vandlega frá allan
vökva. Setjið vatn og sykur í pott og látið
suðuna koma upp. Setjið edik, gúrkur og rab-
arbara saman við. Setjið í krukku og látið
standa í sólarhring í kæli. Gott er að setja
ferskt dill saman við þegar borið er fram, en
það þarf alls ekki. Gott meðlæti með ýmsum
mat, bæði kjöti og fiski.
Ómissandi Jógúrtsósa með grillkjötinu.
Morgunblaðið/Kristinn
Ljúffengar Hvítlauksmarineraðar ólífur með oreganó.
Nasl Framandi marokkóskar möndlur.
Steikin Viskí gefur lærisneiðum gott bragð.
Veisluréttir á sumarlegum nótum
„Góða veislu gjöra skal“ segir í
laginu og þó að íslenskt veðurfar
hafi verið frekar dyntótt þetta
sumarið er það engin ástæða til
að sitja heima og sýta eða fresta
veisluhöldum. Heiða Björg
Hilmisdóttir kann að bjóða til
góðrar veislu þar sem ýmislegt
sumarlegt góðgæti er að finna.
Ljósmynd/Arnaldur Halldórsson
Þjóðlegur Íslenskur rabarbari.