Morgunblaðið - 10.09.2006, Blaðsíða 33

MORGUNBLAÐIÐ SUNNUDAGUR 10. SEPTEMBER 2006 33
sem hafði unnið hjá félaginu og frá
erlendum sjónvarpsstöðvum. Einn-
ig eiga Flugleiðir nokkuð safn af
efni sem þeim hefur áskotnast á
nokkuð löngum tíma og haldið er
utan um, bæði ljósmyndir og kvik-
myndir, það var okkur aðgengilegt.
Ég hef reyndar unnið að nokkuð
mörgum myndum um flug og flug-
starfsemi, þ.á m. Flugsögu Íslands,
sem er í fjórum þáttum, mynd um
Geysis-slysið, Frækna flugkappa,
sem fjallar um eldri flugstjóra,
sem og mynd um Þorstein Jónsson
flugkappa – Flugskírteini nr. 13.
Ég var því kunnugur þessu efni og
vissi hvað væri til. Einnig var búið
að taka viðtöl við nokkra af eldri
kynslóðinni sem voru í fram-
varðasveit í fluginu og komu að
sögu Loftleiða og Flugleiða en eru
nú látnir. Tekin voru svo viðtöl við
ýmsa sem koma að félaginu beint
og óbeint og eru enn á lífi. Einnig
er í myndinni viðtal við Bjarna
Benediktsson sem norska sjón-
varpið tók.“
Skiptar skoðanir
um sameininguna
Var eining um þetta starf ykkar
að myndinni?
„Nei, það eru enn í dag skiptar
skoðanir um það hvort Loftleiðir
hafi borið skarðan hlut frá borði í
sameininguna við Flugfélag Ís-
lands eða ekki, það sýnist enn sitt
hverjum um það mál. Við reynum í
myndinni að segja þessa sögu eins
hlutlaust og rétta og mögulegt er
og tökum ekki beinlínis afstöðu til
þessa þáttar í sögunni.“
Höfðuð þið óbundnar hendur við
gerð myndarinnar?
„Ég hafði seinasta orðið en fékk
vissulega margar ábendingar sem
sumar stönguðust reyndar veru-
lega á. Þessi mynd er ekki galla-
laus, sumu hefði mátt gera betri
skil, mér er það ljóst. En ég hef
líklega þroskaðri myndlega sýn en
sagnfræðilega og kannski sér þess
merki í myndinni. En efnið er að
mínu mati mjög áhugavert og
skemmtilegt og hefur mikið heim-
ildagildi. Ég er á þeim aldri að ég
„ólst upp“ með félaginu, ef svo má
segja, það var svo áhrifamikið í
hinu íslenska umhverfi þá. Það
áttu meira að segja starfsmenn
Loftleiða heima rétt hjá mér og
þeir voru beinlínis í guðatölu, t.d.
Smári Karlsson flugstjóri.“
Hefur þú hugsað þér að gera
meira efni um íslenska flugsögu?
„Já, ég hef áhuga á að taka allt
það efni sem þegar hefur verið
fært í myndbúning og allt það
heimildaefni sem er til en ekki hef-
ur enn verið notað og setja það
saman í einn DVD-pakka. Það
væri sannarlega áhugavert efni að
skoða fyrir áhugafólk um flugmál
sem ekki er fátt. Það hefur þegar
verið nefnt við mig að gera þetta
og líklega verður það næst á dag-
skrá.
Við gerð þessarar myndar um
Loftleiðir og aðrar flugmyndir sem
ég hef gert hef ég heyrt óskaplega
mikið af frásögnum skemmtilegum
og fróðlegum frá fyrrverandi
starfsfólki og öðrum sem að þess-
um málum komu, þetta efni væri
vert að taka saman jafnvel í bók.“
New York Skrifstofa Loftleiða við Rockefeller Center í New York.
Fegurðardrottningar María Guðmundsdóttir og
Thelma Ingvarsdóttir fegurðardrottningar
ásamt svæðisstjóra Loftleiða í Þýskalandi.
gudrung@mbl.is
Stjórnarfundur Stjórn Loftleiða á fundi, oft þurfti að taka afdrifaríkar ákvarðanir á stjórnarfundunum.
DC-6b Gengið um borð í Loftleiðavél, Róbert Arnfinnsson
horfir í myndavélina. Flug til New York á DC-6b-vél tók á
þessum tíma 12 til 14 klukkustundir.