Morgunblaðið - 10.09.2006, Blaðsíða 2

2 SUNNUDAGUR 10. SEPTEMBER 2006 MORGUNBLAÐIÐ
FRÉTTIR
Viltu gerast ferðaráðgjafi?
Ferðamálaskóli Íslands er eini skólinn hér á landi sem býður upp á
alþjóðlegt nám frá IATA/UFTAA, sem eru alþjóðleg samtök flugfélaga
og ferðaskrifstofa, og útskrifar skólinn á hverju ári „ferðaráðgjafa“ til
starfa hjá flugfélögum, ferðaskrifstofum og við aðra ferðaþjónustu.
Með aukningu ferðamanna hefur þörfin eftir fólki með slíka menntun
aldrei verið meiri. Flestir, sem útskrifuðust í vor, fengu starf innan
ferðaþjónustunnar að loknu námi. www.menntun.is
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskiptablað vidsk@mbl.is Umsjón Björn Jóhann Björns-
son, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Sveinn Guðjónsson,
svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Auður Jónsdóttir, dagskra@mbl.is mbl.is
netfrett@mbl.is Guðmundur Sv. Hermannsson fréttastjóri gummi@mbl.is
Morgunblaðið í dag
Yf i r l i t
Í dag
Fréttaskýring 6 Hugvekja 57
Sigmund 8 Minningar 57/61
Staksteinar 8 Listir 64/71
Veður 8 Sjónspegill 66
Ummælin 21 Myndasögur 70
Daglegt líf 22/39 Dægradvöl 72/73
Forystugrein 32 Dagbók 76/77
Reykjavíkurbréf 40 Víkverji 76
Umræðan 42/55 Leikhús 68/69
Bréf 55 Bíó 74/77
Auðlesið efni 56 Sjónvarp 78
* * *
Innlent

Sjávarútvegsráðherra segir ljóst
að Íslendingar hafi lögformlegar
heimildir til að hefja hvalveiðar, þótt
pólitísk ákvörðun hafi ekki verið tek-
in um veiðarnar af hálfu rík-
isstjórnar. Framkvæmdastjóri
Hvals segir ekki eftir neinu að bíða,
fara verði yfir veiðibúnaðinn svo að
hægt verði að hefja veiðar á næst-
unni. » 6

Prófessor við HÍ segir sjónarmið
þeirra sem deila um virkjanafram-
kvæmdir ósættanleg í eðli sínu og
enga millileið mögulega í deilum
þeirra. Hann kveður deilurnar end-
urspegla breyttan tíðaranda, áhrif
hnattvæðingar og nýjar áherslur í
þjóðernisvitund landsmanna. » 10

Íslendingar taka nú þátt í Fen-
eyjatvíæringnum í fyrsta sinn, en
sýningin er einn mikilvægasti vett-
vangur heims fyrir kynningu á
byggingarlist. Hönnun Tónlistar- og
ráðstefnuhúss við Reykjavíkurhöfn
verður kynnt á sýningunni auk þess
sem gestum íslenska skálans gefst
kostur á að upplifa íslenska sum-
arbirtu og þriggja tonna drang úr
Dómadal. » 4

Nánast engin þjónusta er við
blind börn á Íslandi, segir móðir
tveggja daufblindra stúlkna á
grunnskólaaldri. Þjónusta við blind
börn hér á landi stendur þjónustu á
öðrum Norðurlöndum langt að baki.
Í vikunni kynntu fullltrúar frá þekk-
ingarmiðstöðvum fyrir blinda á
Norðurlöndum sér aðstöðu hér á
landi. Einn þeirra lagði til að Íslend-
ingum yrði veitt þróunaraðstoð í
þessum málum. »6

Sjötíu ár eru liðin frá því að
franska rannsóknarskipið Pourquoi-
Pas? fórst í ofsaveðri við Mýrar og
með því hinn frægi vísindamaður
Charcot, auk 38 skipverja. Í blaðinu
í dag er birt skýrsla Eugenes
Gonidecs um slysið, en hann var eini
skipverji Pourquoi-Pas? sem komst
lífs af. » 28
Erlent

Samningamenn Evrópuríkjanna
og Írans hugðust í gær eiga fund í
Vín og reyna að finna grundvöll að
viðræðum um kjarnorkumál klerka-
stjórnarinnar í Teheran. Íranar hafa
hunsað kröfur öryggisráðs Samein-
uðu þjóðanna um að stöðva tilraunir
með auðgað úran sem nota má til
sprengjugerðar. Til greina kemur að
öryggisráðið samþykki refsiaðgerðir
gegn Íran. » 1 ÞAÐ mátti ekki miklu muna að suð-
urgarðurinn í Hafnarfjarðarhöfn
færi á kaf í stórstreyminu á föstu-
dag, og voru rétt um 20 cm sem
vantaði upp á að flæddi yfir bryggj-
una. Ingvi Einarsson hafnarvörður
segir þetta alvanalegt þegar stór-
streymt sé, og á stundum flæði yfir
suðurgarðinn, svo menn þurfi að
vaða sjóinn upp í hné. Ástæðan sé
sú að bryggjukanturinn hafi sigið í
gegnum tíðina, en aðrir garðar í
bryggjunni standi ofar. Þetta valdi
þó ekki sérstakri hættu þar sem
varnargarðar verji höfnina fyrir
öldugangi.
Morgunblaðið/Ómar
Stórstreymi í
Hafnarfjarðarhöfn
VEGNA mikillar eftirspurnar og
fjölda áskorana hefur verið ákveðið
að bæta við aukatónleikum með
Björgvini Halldórssyni og Sinfón-
íuhljómsveit Íslands í Laugardals-
höll. Tónleikarnir fara fram að
kvöldi sunnudagsins 24. september,
en eins og kunnugt er seldust miðar
á laugardagstónleika Björgvins upp
á örskotsstundu.
Í tilefni af 40 ára afmæli Alcan í
Straumsvík bauð fyrirtækið hátt í
2.000 Hafnfirðingum á tónleika með
Björgvini og Sinfóníuhljómsveitinni,
en þeir tónleikar verða fyrstir í röð-
inni, fara fram kl. 17 á laugardeg-
inum. Það má því segja að kátt verði
í Höllinni að tveimur vikum liðnum,
þrennir tónleikar verða haldnir á
tveimur dögum og reikna má með
því að hátt í tíu þúsund aðdáendur
Bó Halldórs muni berja átrún-
aðargoðið augum.
Fjöldi landsþekktra listamanna
kemur fram á tónleikunum, þar á
meðal Karlakórinn Fóstbræður,
börn Björgvins, Svala og Krummi,
og rytmaband Björgvins. „Svo má
ekki gleyma flottustu hljómsveit
landsins, Melabandinu eða Sinfón-
íuhljómsveit Íslands eins og hún
nefnist í daglegu tali,“ segir Björg-
vin. Aðspurður hvernig undirbún-
ingur gengur kveður Björgvin æf-
ingar hafa gengið vel, enda ekki við
öðru að búast þegar svo stór hópur
fagmanna kemur saman, en þegar
mest lætur verða 136 uppi á sviði
Laugardalshallarinnar. „Ég finn
fyrir jákvæðum straumum og þegar
maður hefur svo margt gott fólk á
bak við sig getur þetta varla klikk-
að.“
Almenn miðasala hefst á föstu-
daginn kemur, en forsala fyrir M12-
áskrifendur Stöðvar 2 mun fara
fram daginn áður. Salan fer fram á
www.midi.is, í verslunum Skífunnar
og verslunum BT á Akureyri, Egils-
stöðum og Selfossi.
Þrennir tónleikar
Björgvins og
Sinfóníunnar
Morgunblaðið/Árni Sæberg
Vinsæll Reikna má með að hátt í 10
þúsund aðdáendur Björgvins Hall-
dórssonar sjái tónleika hans í Laug-
ardalshöllinni eftir tvær vikur.
ELDUR kviknaði í íbúðarhúsi við
Hlíðarveg í Kópavogi um sexleyt-
ið í gærmorgun. Að sögn varð-
stjóra hjá Slökkviliði höfuðborg-
arsvæðisins hafði eldur kviknað í
kjallara hússins þar sem tveir eru
búsettir. Þeir komust af sjálfs-
dáðum út svo og fjögurra manna
fjölskylda sem býr á efri hæð
hússins.
Eldurinn var ekki mikill en
reykur var talsverður, að sögn
slökkviliðs. Íbúar kjallarans voru
fluttir á sjúkrahús til aðhlynn-
ingar en þeir eru taldir hafa feng-
ið snert af reykeitrun. Tveir reyk-
kafarar fóru inn í kjallarann og í
kjölfarið var húsið reykræst.
Íbúar sluppu
þegar kviknaði
í íbúðarhúsi
JÓNMUNDUR Guðmarsson, bæj-
arstjóri Seltjarnarness, segir niður-
stöðu hafa fengist í máli fatlaðra
barna, sem sækja
hina nýju sund-
laug, á fundi for-
eldra barnanna,
bæjaryfirvalda og
fulltrúa skóla- og
félagsmála í bæn-
um. „Við brugð-
um á það ráð að
skilgreina einn
nýrra búnings-
klefa íþróttamið-
stöðvarinnar við
sundlaugina sem skiptiklefa fyrir
þau fötluðu börn sem þurfa aðstoð
við að fara úr og í,“ segir Jónmund-
ur.
Tilefni fundarins var öðrum þræði
að leita leiða við að betrumbæta hina
almennu búningsklefa þannig að þeir
sem eru fatlaðir eigi auðveldara með
að komast sjálfir í sund. „Við munum
funda að nýju á mánudaginn varð-
andi handrið og setur og þegar við
höfum í höndum ábendingar um
hvað það sé nákvæmlega sem betur
megi fara verður ráðin bót á vand-
anum,“ segir Jónmundur að lokum.
Fötluð
börn fá sér-
stakan bún-
ingsklefa
Jónmundur
Guðmarsson
♦♦♦
Kynningar – Morgunblaðinu fylgir
bæklingur frá Icelandair.