Morgunblaðið - 08.10.2006, Qupperneq 1

STOFNAÐ 1913 273. TBL. 94. ÁRG. SUNNUDAGUR 8. OKTÓBER 2006 PRENTSMIÐJA MORGUNBLAÐSINS mbl.is
ÞJÓÐARSÁLIN
KRAFTAJÖTNAR, FEGURÐARDÍSIR,
SÖNGHÓPUR OG HESTAÞJÁLFARAR >> 38
TÍMAMÓT
20 ÁR LIÐIN FRÁ
FUNDINUM Í HÖFÐA
SEGJA FRÆÐIMENN >> 70
Eftir Ragnhildi Sverrisdóttur
rsv@mbl.is
SKIPULAGÐRI glæpastarfsemi
hefur vaxið mjög fiskur um
hrygg undanfarin ár og angar
hennar teygja sig hingað til
lands. Þeir sem gerst þekkja til
segja engan vafa á að fíkniefna-
innflutningur til landsins sé liður
í skipulagðri glæpastarfsemi, en
eðli málsins samkvæmt er erfitt
að sanna það. Lögreglumenn
benda hins vegar á að öll smá-
málin sem koma upp, að
ógleymdum stærri málum, raðist
saman í eina heildarmynd af
skipulagðri glæpastarfsemi.
Á nokkrum árum hefur fíkni-
efnamarkaðurinn hér á landi
gjörbreyst. Innflutningur er ekki
lengur „einkaframtak“ fólks sem
fer sjálft til útlanda, kaupir þar
efni og flytur til landsins, heldur
skipulagður af erlendum aðilum
sem framleiða fíkniefnin, verða
sér úti um burðardýr, senda þau
hingað til lands og halda utan um
dreifingu og sölu efnanna.
Átti að stækka hóp fíkla?
Á þessu ári hefur lögregla og
tollgæsla náð 40–60 þúsund
skömmtum af amfetamíni, fyrir
utan önnur fíkniefni. „Menn
hljóta að hugleiða hvað er að
gerast þegar við náum 40–60
þúsund skömmtum,“ segir Jó-
hann R. Benediktsson, sýslumað-
ur á Keflavíkurflugvelli.„Hvað
átti að gera við allt þetta efni
hér? Átti að lækka verðið og ná
þannig að stækka hratt hóp fíkla,
með framtíðarviðskipti í huga?
Það er alveg klárt að Ísland var
endastöðin í þessum viðskiptum
og stóð ekki til að senda fíkniefn-
in til annars lands. Magnið eitt
vekur óhug. Sem betur fer eru
augu almennings og Alþingis að
opnast fyrir nauðsyn þess að efla
lögregluna og tollgæsluna til að
takast á við þessa ógn.“
Gjörbreyting á fíkni-
efnamarkaði á Íslandi
Lögregluyfirvöld standa frammi fyrir skipulagðri glæpastarfsemi

Skipulögð | 10
Í HNOTSKURN
» Tilraunir Vítisengla tilað hasla sér völl hér á
landi, er til marks um skipu-
lagða glæpastarfsemi.
» Fram kemur í skýrslufrá Europol, að glæpa-
starfsemin verði æ alþjóð-
legri.
ORKUVEITA Reykjavíkur (OR)
hefur gert athugasemdir við mats-
áætlun Landsnets vegna tenginga
fyrirhugaðra jarðvarmavirkjana á
Hengilssvæðinu. Um er að ræða
tengingu virkjana við Ölkelduháls
og í Hverahlíð við orkuverið hjá
Kolviðarhóli, en þaðan verður ork-
an flutt til orkukaupenda.
Að sögn Guðlaugs Þórs Þórð-
arsonar stjórnarformanns telur
Orkuveitan nauðsynlegt að sá val-
kostur að leggja háspennulínur í
jörð, og lágmarka með því loftlín-
ur á svæðinu, verði skoðaður til
jafns við aðra kosti.
Sem kunnugt er undirbýr
Landsnet nú framkvæmdir við
fyrrgreindar háspennulínur. Nátt-
úruvaktin hefur þegar lýst ein-
dreginni andstöðu sinni við fyr-
irhugaðar framkvæmdir
Landsnets og telur að þær muni
hafa mikla sjónmengun í för með
sér.
Náttúruvernd vill að lagðir
verði jarðstrengir í stað háspennu-
línanna en Landsnet hefur talið
það vera of dýrt. Fram hefur kom-
ið að kostnaður við að leggja há-
spennulínur í jörð er talinn vera tí-
falt hærri en við sambærilegar
loftlínur.
Kanni alla kosti
OR hefur gert athugasemdir við matsáætlun Landsnets
STJÓRNVÖLD í Georgíu sökuðu í gær
Rússa um hafa gerst seka um „væga útgáfu
af þjóðernishreinsunum“ í aðgerðum sínum
gegn Georgíumönnum á síðustu dögum.
Vísuðu þau til þess, að Rússar hafa sent á
annað hundrað Georgíumenn úr landi og
lokað fyrirtækjum í þeirra eigu í Moskvu.
„Þetta er ekki aðeins útlendingahatur,“
sagði Gela Bezhuashvili, utanríkisráðherra
Georgíu. „Þetta er væg útgáfa þjóðernis-
hreinsana.“
Spennuna í samskiptum ríkjanna má
rekja til þess, að stjórnvöld í Georgíu hand-
tóku fyrir skömmu fjóra rússneska herfor-
ingja fyrir meintar njósnir.
Þótt mönnunum hafi verið sleppt eftir
mikinn þrýsting Evrópuríkja hafa stjórn-
völd í Moskvu hvatt þegna sína til að yf-
irgefa Georgíu, sem þau segja ekki lengur
öruggan stað fyrir þá. Aðgerðir rússneskra
stjórnvalda eru sagðar koma hart niður á
mörgum Georgíumönnum, sem reiða sig á
peningasendingar frá ættingjum sínum sem
eru við störf í Rússlandi.
Reuters
Reknir Georgíumenn ganga út úr flugvél
eftir að hafa verið vísað frá Rússlandi.
Saka Rússa
um útlend-
ingahatur
Utanríkisráðherra
Georgíu ómyrkur í máli
Kaliforníu. AFP. | Melson
Bacos, sjúkraliði í
bandaríska sjóhernum,
var á föstudag dæmdur í
árs fangelsi fyrir að hafa
tekið þátt í ráni á Íraka,
sem síðan var skotinn til
bana af hópi bandarískra
hermanna.
Bacos skýrði frá atvik-
inu, sem átti sér stað í
íraska þorpinu Hamd-
ania 26. apríl sl., fyrir herrétti í Kaliforníu.
Bacos er lykilvitni í málinu og vegna fram-
burðar hans var tíu ára fangelsisdómur
mildaður í eitt ár, eftir að hann viðurkenndi
aðild að ráninu á Hashim Ibrahim Awad.
Hann var sýknaður af morðákæru en enn
er eftir að rétta yfir sjö hermönnum sem
tóku þátt í atvikinu. Að sögn Bacos átti
morðið sér þann aðdraganda að hermenn-
irnir voru mjög ósáttir eftir að „þekktum
hryðjuverkamanni“ var sleppt úr fangelsi.
Þegar hann fannst ekki var Awad dreginn
út úr húsi sínu og skotinn til bana.
Dæmdur fyrir
aðild að morði
Bacos á leið
í réttarsalinn.
♦♦♦
HAFÖRNINN Sigurörn, sem
dvalist hefur í Fjölskyldu- og hús-
dýragarðinum, fær brátt að njóta
frelsis á ný en gert er ráð fyrir að
honum verði sleppt innan tveggja
vikna. Það mun falla í skaut
bjargvættar arnarins, Sig-
urbjargar S. Pétursdóttur, að
sleppa honum en Sigurbjörg fann
örninn grútarblautan og án allra
stélfjaðra í júní við Grundarfjörð
en þar verður honum sleppt aftur.
Morgunblaðið/Kristinn
Sigurörn
brátt frjáls
ferða sinna