Morgunblaðið - 08.10.2006, Blaðsíða 6

6 SUNNUDAGUR 8. OKTÓBER 2006 MORGUNBLAÐIÐ
FRÉTTIR
Stofustólar
Borðstofustóla
SkrifstofEldhússtólar
STÓLAR Í ÚRVALI
Komið og gerið góð kaup
Varnarliðssala Geymslusvæðisins - Sigtúni 40
Lazyboy
Barstólar
StaflanlegirHægindastólar
Barnastólar
Borðstofustólar
Lazyboy
Plaststólar
Kollar
OPIÐ: Mánud. Þriðjud. Miðvikud. Fimmtud. Föstud. Laugard. Sunnud. 12-18 12-18 12-18 12-21 10-18 10-18 12-18
ATORKA hefur sent Morgun-
blaðinu eftirfarandi yfirlýsingu í
tengslum við ágreining félagsins við
Kauphöll Íslands er snýr að frétta-
tilkynningu sem Atorka sendi
Kauphöllinni vegna birtingar á sex
mánaða uppgjöri félagsins:
„Ágreiningur Atorku og Kaup-
hallarinnar snýst ekki um reikninga
félagsins, en ágreiningslaust er að
reikningsskil félagsins séu í sam-
ræmi við alþjóðlega reikningsskila-
staðla (IFRS). Ágreiningurinn
snýst eingöngu um það hvernig
Atorka skýrir frá afkomu sinni í
fréttatilkynningu sem fylgir reikn-
ingum félagsins.
Kauphöllin heldur því fram að
fréttatilkynningin eigi fyrst og
fremst að snúast um samstæðuupp-
gjör félagsins, en móðurfélagsupp-
gjör þess sé aukaatriði. Þessu mót-
mælir Atorku og telur þetta bera
vott um lítinn skilning á starfsemi
Atorku.
Atorka er fyrst sambærilegra fé-
laga til að skila bæði móðurfélags-
og samstæðureikningi í samræmi
við afar ítarleg og nákvæm ákvæði
alþjóðlegra reikningsskilastaðla
(IFRS). Þar sem Atorka er fjárfest-
ingarfélag en ekki rekstrarfélag
telja stjórnendur Atorku að móður-
félagsreikningur félagsins sé ekki
síður mikilvægur en samstæðu-
reikningur, ef ekki mikilvægari.
Stafar það af því að fjárfestingar-
félög eru einatt metin út frá virði
einstakra fjárfestinga.
Í samstæðureikningi er lögð sam-
an afkoma einstakra félaga sem
fjárfestingarfélag ræður yfir. Það
þýðir að afkoma ýmissa félaga er
lögð saman jafnvel þótt þau stundi
mismunandi rekstur, eigi sér mis-
munandi vaxtamöguleika, búi við
mismunandi fjárfestingarþörf
o.s.frv.
Í tilviki Atorku þýðir þetta m.a.
að lögð er saman afkoma félaga í af-
ar ólíkum rekstri, þótt þau séu rekin
algjörlega sjálfstætt. T.d. er lögð
saman afkoma Jarðborana, sem
stunda háhitaboranir, og Promens,
sem er stærsta fyrirtæki í hverfi-
steypu á plasti í heiminum. Þessi
samlagning á eplum og appelsínum
hjálpar fjárfestum ekki.
Í móðurfélagsreikningi eru eignir
fjárfestingarfélags hins vegar færð-
ar á gangvirði, sem m.a. er ákvarðað
á grundvelli verðmats hlutlauss
þriðja aðila. Móðurfélagsreikningur
segir því afar mikið um virði ein-
stakra fjárfestinga. Þetta skiptir
miklu máli þegar um fjárfestingar-
félag er að ræða enda markmið þess
að kaupa og selja einstakar eignir.
Af þessum ástæðum telur Atorka að
móðurfélagsuppgjör félagsins skipti
þá miklu máli sem vilja glöggva sig
á efnahag og rekstri félagsins. Þetta
á ekki síst við þar sem Atorka hefur
að markmiði að selja einstakar eign-
ir eftir tiltölulega stutt tímabil eign-
arhalds, þ.e. 3 til 5 ár.
Eins og hér hefur verið lýst gilda
mismunandi reglur um móður-
félags- og samstæðuuppgjör félags-
ins. Af því leiðir m.a. að ekki er
sama afkoma í móðurfélagsreikn-
ingum og samstæðureikningum. Til
að fyrirbyggja allan misskilning hef-
ur því Atorka birt bæði móðurfélags
og samstæðuuppgjör á sama tíma í
kauphöll. Með þeim fylgja síðan ít-
arlegar skýringar sem m.a. gera
grein fyrir mismunandi afkomu og
reikningsskilaaðferðum í hvoru
uppgjöri fyrir sig.
Samkvæmt því sem Kauphöll Ís-
lands heldur fram, þá hefði Atorka
að meinalausu mátt sleppa því að
birta móðurfélagsuppgjör sitt. Ef
það væri raunin hefði hending ráðið
því hvort fjárfestar hefðu áttað sig á
þeirri gríðarlegu eignamyndun sem
átt hefur sér stað á fyrri helmingi
ársins hjá félaginu. Hver hefði
grætt á því? Ekki hinn almenni fjár-
festir, það er víst. En er það ekki
einmitt Kauphallarinnar að gæta
hagsmuna hans? Það héldum við og
skiljum því ekkert í þessu.“
Yfirlýsing frá Atorku
vegna ágreinings
við Kauphöll Íslands
Morgunblaðið/Kristinn
Eftir Rúnar Pálmason
runarp@mbl.is
HÆSTIRÉTTUR staðfesti á
fimmtudag úrskurð óbyggðanefndar
um að afréttarland sem Grímsnes-
og Grafningshreppur hafði fengið úr
landi Þingvallakirkju með maka-
skiptasamningi árið 1896 væri þjóð-
lenda. Með þessu sneri rétturinn við
dómi Héraðsdóms Suðurlands sem
hafði dæmt hreppnum í vil.
Í dómi Hæstaréttar kemur fram
að talið var að eldri heimildir en
landamerkjabréf Þingvallakirkju frá
1896 skæru ekki úr um hvernig eign-
arrétti á svæðinu hefði verið varið.
Þá var gróðurfar á svæðinu talið
benda til þess að það hefði aðeins
verið notað til sumarbeitar en það
hefði einmitt verið sumarbeitin sem
Grímsneshreppur hefði á sínum tíma
sóst eftir þegar hann samdi um
makaskiptin við kirkjuna.
Í dómnum er vísað til dóms
Hæstaréttar frá 1926 þar sem yfir-
lýsing Grímsneshrepps um að hann
ætti aðeins upprekstrarrétt í Þing-
vallahreppi var lögð til grundvallar
því að hreppurinn væri ekki útsvars-
skyldur vegna hins umdeilda land-
svæðis. Einnig var vísað til bréfs
hreppstjóra Grímsneshrepps frá
1920 um að hreppurinn hefði keypt
til afréttarnotkunar hluta af
Þingvallaafrétti sem tilheyrði Þing-
vallakirkju. Að öllu virtu taldi Hæsti-
réttur að ekki hefði verið sýnt fram á
að umrætt landsvæði hefði nokkurn
tíma verið háð beinum eignarrétti,
hvorki einstaklinga né kirkjunnar.
Hefur afréttarnot
Ekki var um það deilt í málinu að
hreppurinn nýtur afréttarnotanna
að fullu. Hin hefðbundnu afréttarnot
gætu á hinn bóginn ekki stofnað til
beins eignarréttar yfir því.
Málið dæmdu Hrafn Bragason,
Garðar Gíslason, Ingibjörg Bene-
diktsdóttir, Markús Sigurbjörnsson
og Pétur Hafstein, fyrrv. hæstarétt-
ardómari. Skarphéðinn Þórisson hrl.
og Jón Sigurðsson hdl. fluttu málið
fyrir ríkið. Óskar Sigurðsson hrl. og
Guðjón Ægir Sigurjónsson hdl.
fluttu málið af hálfu hreppsins.
Ósannað að landið hafi
lotið beinum eignarrétti
Hæstiréttur staðfestir með dómi úrskurð óbyggðanefndar
vegna afréttarlands Grímsnes- og Grafningshrepps
REGLUGERÐ um merkingu erfða-
breyttra matvæla hefur verið til lengi
en ekki sett sökum þess að beðið hef-
ur verið eftir Evrópusambandsgerð
um málefnið sem hefur verið vænt-
anleg í tíu ár. Þetta segir Birgir Þórð-
arson, heilbrigðisfulltrúi á Selfossi og
stjórnarmaður í Neytendasamtökun-
um, en Jónína Bjartmarz umhverf-
isráðherra lýsti þeirri skoðun sinni á
þingi Neytendasamtakanna 2006 að
slíkar reglur ætti að setja hér á landi.
Birgir segist fagna yfirlýsingu ráð-
herra en hann telur að það geti
reynst hægara sagt en gert að setja
reglugerð um merkingu erfða-
breyttra matvæla hér á landi. Þeir
sem telji sér hag í að slík reglugerð
verði ekki sett séu margir.
„Það er fullt af þrýstihópum sem
vilja ekki fá reglur um merkingar á
erfðabreyttum neysluvörum. [...] Það
er spurning hvað vilji ráðherra er
staðfastur í málinu og hverjir hafa að-
gengi að ráðherra,“ segir Birgir en
hann telur að tillögur að fyrri reglu-
gerðum hafi verið stoppaðar af sam-
tökum iðnaðarins og samtökum at-
vinnuveganna. „Út frá neytenda-
sjónarmiðum finnst mér þetta löngu
tímabært en reglugerð þessa efnis
hefur lengi verið til staðar í Noregi.
Neytandinn verður að geta haft síð-
asta orðið í þessum efnum.“
Íslenskir neytendur búa ekki við
lágmarksvernd
Gunnar Á. Gunnarsson, fram-
kvæmdastjóri vottunarstofunnar
Túns, segir ljóst að íslenskir neytend-
ur séu einu neytendurnir í Evrópu
sem búi ekki við þá lágmarksvernd
sem merkingarlöggjöfin veitir.
„Lönd sem eru utan Evrópusam-
bandsins hafa sett sér löggjöf um
merkingar á erfðabreyttum matvæl-
um en það er ekki forsvaranlegt að ís-
lenskir neytendur búi ekki við þá
vernd. Ég fagna því mjög að um-
hverfisráðherra skuli huga að því að
setja slíka löggjöf þrátt fyrir að sam-
eiginlega EES-nefndin hafi ekki enn
komist að niðurstöðu um að fella Evr-
ópulöggjöfina undir EES-samning-
inn,“ segir Gunnar.
„Spurning hvað vilji
ráðherra er staðfastur“
Reglugerð um merkingu erfðabreyttra matvæla hefur
verið til lengi en ekki sett sökum utanaðkomandi þrýstings
Í HNOTSKURN
»Jónína Bjartmarz um-hverfisráðherra sagði í
viðtali við Morgunblaðið síð-
astliðinn fimmtudag að hún
hygðist taka ákvörðun um
hvort sérstök reglugerð yrði
sett um merkingu erfða-
breyttra matvæla á næstu
dögum.
»Hún sagðist þeirrar skoð-unar að ekki ætti að bíða
eftir því að reglurnar yrðu
hluti af EES-samningnum en
matvælalögin veittu slíkri
reglugerð lagastoð.
RÁÐSTEFNU um Downs-heilkenni lauk á Grand hótel
á föstudag en í ráðstefnulok var kynnt útgáfa dagatals
til styrktar börnum með Downs-heilkenni. Lára Magn-
ea Jónsdóttir, hugmyndasmiður þess og ritstjóri, er hér
fyrir miðju ásamt Indriða Björnssyni, formanni Félags
áhugafólks um Downs-heilkenni (t.v.), og Sverri D.
Haukssyni frá Svansprenti. Rennur andvirði dagatal-
anna óskert til barna með DH.
Morgunblaðið/Ásdís
Börn með Downs-heilkenni styrkt