Morgunblaðið - 08.10.2006, Qupperneq 18
18 SUNNUDAGUR 8. OKTÓBER 2006 MORGUNBLAÐIÐ
Borgartún 35 • 105 Reykjavík • sími 511 4000 • fax 511 4040 • utflutningsrad@utflutningsrad.is
www.utflutningsrad.is
Leiðbeinandinn Chris Bowerman kemur nú í þriðja sinn til landsins
og þjálfar stjórnendur og starfsmenn útflutningsfyrirtækja.
Námskeiðið hefst mánudaginn 23. október og lýkur fimmtudaginn
26. október. Kennt er frá kl. 9.00 til kl. 17.00 alla daga.
Hámarksfjöldi þátttakenda er 12 manns.
Verð er 61.900 kr. með veitingum.
Nánari upplýsingar gefa Hermann Ottósson og Inga Hlín Pálsdóttir
hjá Útflutningsráði Íslands. Áhugasamir skrái sig í síma 511 4000
eða með tölvupósti á utflutningsrad@utflutningsrad.is
23.– 26. október
Sölu- og
samningatækni
í alþjóðaviðskiptum
P
IP
A
R
•
S
ÍA
•
6
04
46
N
ú um helgina mun
Femínistafélag Ís-
lands standa fyrir
stjórnmálaskóla fyrir
konur að Borgartúni
6 á föstudagskvöld og eftir hádegi
á laugardag. Í frétt um þetta mál
segir að markmiðið með skólanum
sé að vekja áhuga á stjórnmálum
meðal kvenna og kynna þær leiðir
sem konur hafa til áhrifa.
Þegar Kvennalistinn sálugi var
með góðu lífi var gjarnan talað um
áhrif hans í þá átt að skóla konur
innan hans vébanda til starfa á
stjórnmálavettvangnum, með því
að skipta fulltrúum listans jafn-
aðarlega út á Alþingi. Stjórn-
málaflokkar hafa og staðið fyrir
stjórnmálanámskeiðum fyrir konur.
En hvers vegna skyldi Femínista-
félagið sjá þörf á þessum skóla –
skyldi þeim ekki lítast á þá skóla
sem fyrir hendi er fyrir konur sem
hyggja á stjórnmálaþátttöku innan
flokkana?
„Við hjá Femínistafélaginu telj-
um að þessu sé ekki nægilega vel
sinnt innan stjórnmálaflokkana,“
segir Kristín Ástgeirsdóttir sem
mun sjá um vinnustofu í stjórn-
málaskóla Femínistafélagsins. Hún
sagði að þótt öðru hvoru væru
haldin námskeið um þetta efni inn-
an flokkana væru þau ekki sér-
staklega jafnréttissjónarmiðuð.
„En þessi skóli okkar hjá Fem-
ínistafélaginu er öðru vísi en hjá
flokkunum, við erum með verklega
þætti og síðan verða samræður við
konur úr öllum flokkum. Tilgang-
urinn er ekki síst að ná til ungra
kvenna sem eru utan flokkana,
vilja ekki ganga til liðs við ákveð-
inn flokk en gætu hugsað sér að
taka þátt í svona námskeiði,“ segir
Kristín. Markmiðið segir hún vera
að kenna konum til verka og leiða í
ljós hvað beri að varast, hvað sé
gott, hverjar séu hindranirnar og
hvernig sé hægt að bregðast við
þeim.
„Við höfum fundið þörf fyrir
svona skóla og þess vegna er þessi
tilraun gerð. Við erum ekki með
neina fyrirmynd innlenda eða er-
lenda en ungliðahópur Femínista-
félagsins hefur smíðað þetta nám-
skeið og byggir þar á því sem þeim
finnst þurfa að ræða. Markmiðið er
að fjölga konum á stjórnmálavett-
vangi, hvar í flokki sem þær
standa, bæði fræðikonur og stjórn-
málakonur munu þarna miðla
reynslu sinni.“
Skyldu starfandi stjórn-
málakonur telja að nægilega vel sé
staðið að skólun kvenna innan
flokkana?
„Nei, í raun og veru ekki, það er
þó mismunandi eftir flokkum,“ seg-
ir Margrét Sverrisdóttir Frjáls-
lynda flokknum, sem er einn þeirra
sem taka mun þátt í stjórnmála-
skóla Femínistafélagsins.
„Sjálfstæðisflokkurinn hefur ver-
ið með öflugt svona starf, en við í
Frjálslynda flokknum höfum átt
erfitt með þetta vegna fámennis.
Þess vegna fagna ég þessu fram-
taki Femínistafélagsins. Ég sendi
póst á félagsmenn um framtakið en
fékk fáein svör þar sem spurt var
hvort þörf væri á svona sérstökum
skóla fyrir konur, – hvort þetta
Morgunblaðið/Kristinn
Á skólabekk Fylgst með í stjórnmálaskóla Femínistafélagsins fyrir konur á föstudagskvöld.
Stjórnmálaskólun kvenna
INNLENT»eftir Guðrúnu Guðlaugsdóttur
gudrung@mbl.is
Leitast við að leiðrétta þá mismunum sem er að finna í stjórnmálum okkar daga og hvetja konur
J
ack Straw hefur með því að
skora á múslímskar konur,
sem hylja andlit sitt með
slæðu, að taka hana niður
þegar þær tala við hann,
kveikt heitar umræður í Bretlandi.
Þegar Straw var utanríkisráðherra
var hann þekktur fyrir að gæta orða
sinna, en hann lét varkárni lögfræð-
ingsins lönd og leið þegar hann skrif-
aði dálk til birtingar í blaðinu Lan-
cashire Telegraph í vikunni og sagði
að slæða fyrir andliti „væri svo skýr
yfirlýsing um aðskilnað og mun“ að
hún stefndi félagslegu jafnvægi í
hættu.
Straw hafði áður nefnt þau áhrif,
sem konur með slæður fyrir andlit-
inu hefðu á sig. Það var á fundi með
múslímaleiðtogum fyrir tæpu ári.
Hermt er að Straw hafi þá sagt að
tilraunir til að gera ummæli sín að
fjölmiðlamáli myndu aðeins vekja
reiði. Nú ákvað hann hins vegar að
láta sjálfur til skarar skríða og hjá
Lancashire Telegraph virðast menn
ekki hafa verið í neinum vafa um
fréttagildið þegar dálkurinn barst á
miðvikudag því efni hans var slegið
upp á forsíðu næsta dag og leitað við-
bragða. Í breskum fjölmiðlum hefur
komið fram að hann virðist ekki hafa
borið málið undir stjórnina. Þegar
talsmaður Tonys Blairs forsætisráð-
herra var spurður um ummælin var
svarið: „Hann telur að það sé rétt að
fólk geti átt samræður um og sagt
persónulegar skoðanir sínar á mál-
efnum eins og þessu.“ Tekið var
fram að ekki væri um að ræða
stjórnarstefnu og skoðanir Blairs á
málinu komu ekki fram.
Neikvæð áhrif í samfélaginu
Straw var spurður um ummæli sín
í viðtali í breska útvarpinu, BBC, og
hvort hann teldi að konur ættu ekki
að ganga með slæðu fyrir andlitinu:
„Já. Það þarf að vera ljóst að ég er
ekki að tala um að segja fyrir verk-
um, en með öllum fyrirvörum, já, ég
myndi frekar vilja það.“
Í viðtalinu sagði Straw, sem marg-
ir telja að muni sækjast eftir vara-
formennsku í Verkamannaflokknum
þegar John Prescott hættir, að hann
teldi að slæður fyrir andlitinu hefðu
neikvæð áhrif í samfélagi þar sem
það er mikilvægt að fylgjast með
svipbrigðum í samskiptum fólks.
„Samfélög tengjast meðal annars
saman með óformlegum samskiptum
ókunnugra, fólk þarf að geta heilsast
á götum úti eða átt samskipti í dags-
ins önn,“ sagði hann. „Það verður
erfiðara þegar fólk hylur andlit sitt.
Það er einfaldlega staðreynd lífsins.“
Straw sagðist skilja áhyggjur
vegna þessa máls. Hann kvaðst hafa
sterka vitund um jöfn réttindi sam-
félaga múslíma, en að sama skapi
hefði hann áhyggjur af öfugþróun og
aðskildum samfélagshópum. Hann
lagði einnig áherslu á að um væri að
ræða beiðni til kvenna, en ekki
kröfu.
Harkaleg gagnrýni
Ummæli Straws hafa verið gagn-
rýnd harkalega. Bresk dagblöð hafa
sakað hann um að hafa dýpkað gjána
sem fyrir er í samfélaginu og stuðla
að einangrun múslíma.
Íslömsku mannréttindasamtökin
sögðust furðu lostin yfir ummælum
Straws og sökuðu hann um mis-
munun. Samtökin „Verndum slæð-
una“ sögðu ummælin „ógeðfelld“ og
bættu við að þau sýndu „djúpstæðan
skort á skilningi“. Dr. Daud Abdul-
lah sagði hins vegar fyrir hönd Músl-
ímaráðs Bretlands að hann hefði
skilning á þeim óþægindum, sem
Straw hefði lýst, og konur ættu val
um að fjarlægja andlitsslæðuna.
Shadid Malik, þingmaður í Dews-
bury, sagði að málið væri kannski
ekki hvað Straw hefði sagt, heldur
það andrúmsloft, sem fyrir ríkti í
samfélaginu, og múslímar og aðrir
hefðu fengið nóg af múslímafréttum.
„Slæðan er ekki vandamálið, vanda-
málið er að fólk er hrætt við hana og
hefur aldrei talað við manneskju
með slæðu,“ sagði hann. „Þetta get-
ur ekki og má ekki snúast um að
koma sökinni á ákveðinn hóp, heldur
að við þurfum öll að axla ábyrgð.“
Í Kóraninum er fjallað um klæða-
burð og sagt að fólk skuli klæðast af
hógværð. Þetta hefur verið túlkað
sem svo að karlar skuli hylja líkam-
ann frá hnjám og upp fyrir nafla, en
konur eigi að hylja allt nema hendur,
fætur og andlit. Íslamskir fræði-
menn hafa hins vegar deilt um þetta
og hefur verið gerður greinarmunur
á að hylja hár og háls með slæðu (hi-
jab) og hylja andlitið þannig að rétt
sjáist í augun (eða bera jafnvel gagn-
sætt efni fyrir augum) og bera
hanska á höndum (niqab). Í ummæl-
um sínum á Straw við niqab. Einnig
eru til frjálslegri túlkanir á Kór-
aninum, þess efnis að konur þurfi
ekki að hylja höfuð sitt, svo fremi að
þær gæti hógværðar í klæðaburði.
Deilur um hvort múslímskar kon-
ur eigi að bera slæður eru ekki nýj-
ar. Bann við slæðum í Tyrklandi við
tilteknar kringumstæður hefur vak-
ið heiftarlegar deilur. Sömuleiðis
blossaði upp ágreiningur um slæð-
una í Frakklandi 2004 þegar áber-
andi trúarleg tákn voru bönnuð í
skólum. Í báðum tilfellum hafa kom-
ið fram þau mótrök að það sé skerð-
ing á mannréttindum að banna fólki
að klæða sig eins og það vill. Slæðan
hefur einnig verið sögð tákn feðra-
veldisins meðal múslíma og merki
um kúgun kvenna af hálfu karla.
Slæðudeila blossar upp í Bretlandi
Jack Straw skorar á múslímskar konur að bera ekki slæðu fyrir andliti
ERLENT»Eftir Karl Blöndal
kbl@mbl.is
Reuters
Slæðudeila Múslímskar konur með
slæður fyrir andliti á gangi í Black-
burn, kjördæmi Jacks Straws. Um-
mæli Straws um að slæður fyrir
andliti séu til marks um aðskilnað
og geti raskað jafnvægi í samfélag-
inu hafa vakið deilur.