Morgunblaðið - 15.02.2007, Blaðsíða 6
6 FIMMTUDAGUR 15. FEBRÚAR 2007 MORGUNBLAÐIÐ
FRÉTTIR
Vikuferð með hálfu fæði frá 69.990 Heimsferðir bjóða frábært
tilboð á skíðaferð til Austurríkis. Flogið verður í beinu morgun-
flugi til Salzburg. Nú er byrjað að snjóa í Austurríki og frábær
aðstaða fyrir skíðamenn t.d. í Zell am See, Flachau eða Lungau.
Frábær og fjölbreytt tilboð.
Skógarhlíð 18 • sími 595 1000 • www.heimsferdir.is
Stökktu á skíði til
Austurríkis
24. febrúar eða 3.mars
frá kr. 29.990
Nú snjóar á fullu í Austurríki
Munið Mastercard
ferðaávísuninaVerð kr.59.990
"Stökktu tilboð" 24. febrúar
Netverð á mann. Innifalið: Flug, skattar og
gisting í tvíbýli með morgunverði í 7
nætur, m.v. "stökktu tilboð".
Verð kr.64.990
Vikuferð með hálfu fæði 3. mars
Netverð á mann. Innifalið: Flug, skattar og
gisting á Skihotel Speiereck í Lungau í
tvíbýli með hálfu fæði í 7 nætur, 3. mars.
Verð kr.29.990
Netverð á mann. Flugsæti með sköttum
3. mars. Ath. takmarkaður fjöldi sæta í
boði á þessu fargjaldi.
Eftir Steinþór Guðbjartsson
steinthor@mbl.is
„LOKSINS,“ sagði Lárus H. Bjarnason, rekt-
or Menntaskólans við Hamrahlíð í Reykjavík,
þegar nýbygging skólans var vígð í gær. Skól-
inn hefur verið án íþróttaaðstöðu frá upphafi
en í nýbyggingunni er meðal annars íþrótta-
hús með fjórum sölum.
Gjörbylting og nýtt líf
Mikil gleði ríkti í skólanum við vígsluna í
gær. „Þetta er gjörbylting í íþróttakennslu
skólans,“ sagði Guðmundur Kristján Jónsson,
sem er á þriðja ári. „Hingað til höfum við eig-
inlega þurft að stunda allar íþróttir utan-
dyra.“ Úlfhildur Þorsteinsdóttir á fyrsta ári
tók í sama streng. „Nú getum við gert miklu
meira og þurfum ekki að fara annað,“ sagði
hún.
Logi Ólafsson hefur verið íþróttakennari
við skólann í 18 ár. Hann segir að Hilmar
Björnsson, fyrsti íþróttakennari MH, hafi
meðal annars kennt í íþróttahúsi Kennarahá-
skólans og lengi vel hafi skólinn fengið inni í
íþróttahúsi Vals, en frá 1994 hafi íþrótta-
kennslan farið fram í hátíðasal skólans eða ut-
anhúss. Til að bregðast við vandanum hafi
verið búnir til ýmsir áfangar eins og til dæmis
fjallgönguáfangi, jógaáfangi, sundáfangi og
hjólreiðaáfangi. Undanfarin ár hafi nemendur
líka fengið að æfa í Laugum gegn vægu gjaldi
og eins notið velvilja stjórnenda Hlíðaskóla og
meðal annars fengið að fara þar í sturtu. „Við
höfum svo sannarlega verið á faraldsfæti,“
segir Helga Gunnarsdóttir, íþróttakennari við
MH síðan 1995.
Kennararnir segja að með íþróttasölunum
hefjist nýtt líf. Helga bendir á að miklu muni
að hafa allt til alls á einum stað og Logi segir
að þetta sé mikill hægðarauki fyrir nem-
endur. Nú geti þeir farið í líkamsrækt innan
veggja skólans í stað þess að fara í rútum og
strætisvögnum hingað og þangað um bæinn,
sem ekki sé boðlegt. „Við höfum alltaf verið
upp á aðra komin, troðið okkur inn hingað og
þangað, þannig að þetta er geysilega mikill
munur fyrir kennara og nemendur,“ segir
Logi. „Hér æfum við heilsunnar vegna. Við
reynum ekki að búa til afreksfólk í íþróttum
heldur höfðum til heilsunnar.“
Auk rektors fluttu Þorgerður Katrín Gunn-
arsdóttir, menntamálaráðherra, og Vilhjálmur
Þ. Vilhjálmsson, borgarstjóri, ávörp.
Nemendur Menntaskólans við
Hamrahlíð fá langþráð íþróttahús
Morgunblaðið/RAX
Aðstaða Íþróttakennararnir Helga Gunnarsdóttir og Logi Ólafsson eru
ánægðir með langþráða íþróttaaðstöðu Menntaskólans við Hamrahlíð.
Bylting Guðmundur Kristján Jónsson og Úlfhildur Þorsteinsdóttir
fagna breytingunni og segja gjörbyltingu verða í íþróttakennslunni.
Morgunblaðið/Kristinn
Barátta Olga Lísa Garðarsdóttir, íþróttakennari við MH, var með líkamsræktartíma fyrir
nemendur sína á Austurvelli í apríl 1996 til að vekja athygli alþingismanna á aðstöðuleysinu.
Eftir Silju Björk Huldudóttur
silja@mbl.is
„ÉG er ofboðslega stolt af fyrsta
blaðinu. Þetta er eins gott og við þorð-
um að vona, því maður veit náttúrlega
aldrei hvernig blaðið lítur út fyrr en
maður fær það í hendurnar,“ segir
Sigríður Dögg Auðunsdóttir, ritstjóri
Krónikunnar, en fyrsta tölublað
fréttatímaritsins kom úr prentun í
gær og kemur út í dag.
Eins og fram hefur komið er Krón-
ikan gefin út af útgáfufélaginu Fréttir
ehf., sem er í eigu Sigríðar Daggar og
eiginmanns hennar, Valdimars Birg-
issonar. Að sögn Sigríðar Daggar er
útgáfan fjármögnuð með lánsfé frá
ýmsum fjársterkum aðilum, m.a.
Björgólfi Guðmundssyni kaupsýslu-
manni.
Aðspurð segist Sigríður Dögg hafa
fengið afar góð viðbrögð við hinu nýja
vikuriti, jafnt frá auglýsendum sem
og almenningi. „Það virðist vera mik-
ill áhugi fyrir blaði af þessari gerð,
þ.e. blaði sem fer aðrar leiðir en hinir
fjölmiðlarnir á Íslandi, setur hluti í
samhengi og fer dýpra í málin,“ segir
Sigríður Dögg og minnir á að stærst-
ur hluti blaðamanna á ritstjórn blaðs-
ins hafi hver allt að 10–15 ára reynslu
í blaðamennsku af öllum helstu fjöl-
miðlum landsins. „Ég held að við get-
um miðlað mikilli þekkingu um það
hvernig eigi að matreiða fréttir á
spennandi og aðgengilegan hátt,“
segir Sigríður Dögg og nefnir í því
samhengi fréttaskýringu um Baugs-
málið, sem er meðal efnis í fyrsta ein-
taki Krónikunnar, undir yfirskrift-
inni: „Allt sem þú vildir vita um
Baugsmálið en þorðir ekki að spyrja!“
Af öðru efni í fyrsta tölublaðinu má
nefna viðtal við Hannes Smárason,
forstjóra FL Group, umfjöllun um
sjóræningjaveiðar í Barentshafi, við-
tal við leikarann og leikstjórann Gísla
Örn Garðarsson, fréttaskýring um
bandaríska öldungadeildarþing-
manninn Barack Obama og umfjöllun
um læknadramað Grey’s Anatomy.
„Þetta er eins gott og
við þorðum að vona“
Morgunblaðið/Júlíus
Fyrsta tölublaðið Valdimar Birgisson og Sigríður Dögg Auðunsdóttir.
Krónikan hefur
göngu sína í dag
MENNTASKÓLINN við Hamrahlíð var stofn-
aður 1966 og þá hófst umræða um byggingu
íþróttahúss við skólann. Lárus H. Bjarnason,
rektor MH, sagði í ávarpi sínu í gær að tvö
helstu baráttumál nemenda hefðu verið
bygging íþróttahúss og að bandaríski herinn
færi úr landi. Síðan skólinn hefði hafið göngu
sína hefðu verið teknar margar táknrænar
skóflustungur að íþróttahúsi og farið í marg-
ar kröfugöngur en innst inni hefðu allir trúað
að um ókomin ár myndu nemendur iðka
íþróttir utanhúss undir öruggri vernd hersins
á Miðnesheiði. Á 40 ár afmælisári skólans
hefðu báðar kröfurnar óvænt horfið.
Í íþróttahúsinu eru auk búningsklefa einn
aðalsalur, jógasalur, skvasssalur og þreksal-
ur með hlaupabrettum, þrekhjólum, stig-
vélum og lyftingatækjum. Í viðbyggingunni
er bókasafn og auk þess 11 eða 12 kennslu-
stofur eftir skilgreiningu, þar af átta sér-
hannaðar raungreinastofur.
Frábær aðstaða
til líkamsræktar