Morgunblaðið - 15.02.2007, Blaðsíða 12
12 FIMMTUDAGUR 15. FEBRÚAR 2007 MORGUNBLAÐIÐ
FRÉTTIR
Í FROSTSTILLUM und-
anfarið hafa fegurstu vetr-
arblóm vaxið og dafnað í rík-
um mæli. Fjölbreytni í gerð
er óendanleg og vaxtarstaðir
sömuleiðis. Þó má segja að
kjöraðstæður séu þar sem lít-
ilsháttar volg uppgufun er úr
gjá eða gjótu. Bílstjóri á ferð
austan Mývatns þarf ekki
annað en fara rétt út fyrir
vegkantinn til að skoða þessa
undraveröld. Á myndinni
hafa ískristallar náð að vaxa
utanum eitt visið strá, sem
fyllist stolti og reynir að
halda reisn sinni. Ísblómið
þroskast og vex dag frá degi
á meðan lognið er. En lítill
vindblær eyðir því á svip-
stundu.
Fjölbreytt vetrarblóm í
norðlenskri undraveröld
Morgunblaðið/Birkir Fanndal
MEÐ breytingu á reglugerð um greiðslur úr Fæðing-
arorlofssjóði og greiðslu fæðingarstyrks sem Magnús
Stefánsson félagsmálaráðherra undirritaði í febrúar
2007 var horfið frá því að greiðslur úr Fæðing-
arorlofssjóði vegna fyrra fæðingarorlofs yrðu lagðar
til grundvallar við útreikning greiðslna úr Fæðing-
arorlofssjóði í síðara fæðingarorlofi.
Þeir foreldrar sem fengið hafa greiðslur úr Fæð-
ingarorlofssjóði á framangreindum forsendum frá 1.
janúar 2005 skulu senda Fæðingarorlofssjóði beiðni
um að fæðingarorlofsgreiðslur þeirra verði endur-
ákvarðaðar á grundvelli breyttra reglna, segir í frétt frá félagsmálaráðu-
neytinu.
Í framhaldi af endurskoðun Fæðingarorlofssjóðs munu foreldrar fá leið-
réttingu á umræddum greiðslum komi í ljós að viðkomandi hafi orðið fyrir
skerðingu á þeim vegna fyrra fæðingarorlofs. Nánari upplýsingar er að
finna á vefnum www.faedingarorlof.is
Fá leiðréttingu á greiðslum
úr Fæðingarorlofssjóði
FERÐAFÉLAG Íslands hefur ráðið
skálavörð í skála félagsins í Land-
mannalaugum nú yfir vetrarmán-
uðina. Skálavörðurinn tók til starfa
9. febrúar og sinnir gæslu í skál-
anum um helgar fram yfir páska.
Ferðafélagið endurnýjaði í haust
hitavatnsleiðslur að skálanum og
verður í framhaldi af því heitt og
kalt rennandi vatn í skálanum í vet-
ur sem og vatnssalerni og hægt að
komast í sturtu, eftir að skálavörð-
urinn er mættur til starfa.
Ferðafélagið hefur áður haft
skálaverði í skálum félagsins yfir
vetrarmánuðina og eykur það þjón-
ustu og þægindi fyrir ferðamenn til
muna. Komið er að skálanum heit-
um og heitt kaffi á könnunni.
Morgunblaðið/Árni Sæberg
Aukið öryggi Skálavörðurinn get-
ur fylgst með ferðamönnum.
Gæsla í Land-
mannalaugum
FERÐAKLÚBBURINN 4x4 hefur mótmælt
harðlega öllum áformum um uppbyggingu
Kjalvegar í einkaframkvæmd, klúbburinn mót-
mælir einnig þeirri sjónmengun og hávaða-
mengun sem þessar framkvæmdir hafa í för
með sér.
„Vegur af þeirri gerð sem hér er rætt um
sviptir hálendið sérkennum sínum og þeirri
öræfastemningu sem ferðamenn sækjast eftir. Hálendi landsins hefur mik-
ið gildi fyrir þjóðina og með því að leggja uppbyggða samgönguæð í gegn-
um eitt helsta hálendissvæðið er verið að spilla verulega þeirri upplifun
sem menn sækjast eftir á Kili.
Kjölur verður aldrei samur eftir að slík framkvæmd hefur verið heim-
iluð," segir einnig í ályktun frá Ferðaklúbbnum 4x4.
4x4 mótmælir Kjalvegi
FRANZ Árnason, Norðurorku, var
nýlega kjörinn formaður stjórnar
Samorku og tekur hann við for-
mennsku af Friðriki Sophussyni,
Landsvirkjun. Þórður Guðmunds-
son, Landsneti, kemur nýr í stjórn.
Leiðir Samorku
UNNUR A. Valdimarsdóttir hefur
verið ráðin dósent og forstöðumað-
ur Miðstöðvar HÍ í lýðheilsufræði.
Lýðheilsufræði er nýtt þverfræði-
legt meistara- og doktorsnám.
Nýtt nám við HÍ
VINSTRIHREYFINGIN – grænt
framboð heldur landsfund um aðra
helgi, 23.-25. febrúar. Á fundinum
verða áherslur flokksins í komandi
kosningum kynntar svo og fram-
bjóðendur í hverju kjördæmi. Yf-
irskrift fundarins verður „Allt ann-
að líf!“
Á fundinum verður forysta flokks-
ins kosin en ekki er búist við að mikil
breyting verði á henni. Sérstakt mál-
þing verður á laugardeginum þar
sem fjallað verður um þá möguleika
sem búa í íslensku atvinnulífi.
Landsfundur VG
Eftir Sunnu Ósk Logadóttur
sunna@mbl.is
„VIÐ erum að undirbúa næst skref.
Nú eru línurnar skýrar, það verður
haldið áfram á þeirri braut sem við
höfum verið á frá upphafi, að vera
þverpólitískt þrýstiafl og hugmynda-
veita,“ segir María Ellingsen, leik-
kona og stjórnarmaður í Framtíðar-
landinu, en á félagsfundi í síðustu
viku var tekin bindandi ákvörðun um
að félagið muni ekki vinda sér í slag
framboðs- og flokkastjórnmála fyrir
kosningarnar í vor. Stjórnar Fram-
tíðarlandsins bíður því það verkefni
að leiða félagið áfram undir óflokks-
bundnum merkjum og jafnframt að
sameina og samtvinna ólíkar hug-
myndir félagsmanna um eðli sam-
takanna.
María segir stjórn Framtíðar-
landsins hafa verið tilbúna að fara
báðar leiðir, þ.e. halda áfram á sömu
braut eða að undirbúa framboð. Það
hafi hins vegar verið undir fé-
lagsmönnum komið. „Báðar leiðirn-
ar hafa ótvíræða kosti. En þetta er
sú leið sem við höfum verið á og það
er því mjög einfalt fyrir okkur að
halda áfram. Við erum með í und-
irbúningi margþætta aðgerðaáætlun
sem verður hrint í framkvæmd á
næstu vikum.“
María vill ekki fara nákvæmlega
út í í hverju aðgerðir Framtíðar-
landsins felast að svo stöddu. Hún
segir samtökin ætla að beita sér af
afli fram að kosningum. „Þetta verð-
ur aðgerðaáætlun í anda Framtíðar-
landsins sem vonandi mun vera upp-
lýsandi og veita innblástur, styðja
við okkar málefni, skapandi atvinnu
og undanhald stóriðju.“
Viðar Þorsteinsson, vefritstjóri
Framtíðarlandsins, segir margt á
döfinni. „Við ætlum að stuðla að því
að umhverfismál verði kosningamál
og við munum gera okkar besta til að
svo megi verða.“
María segir að frá upphafi hafi
Framtíðarlandið lagt áherslu á að
nota ákveðin gildi sem áttavita, en
þau eru ábyrgð, náttúruvernd, virð-
ing, fjölbreytni, sjálfstæði, sköpun-
argleði, kjarkur og frumkvæði.
Einnig vilji samtökin ýta undir skap-
andi og skemmtilegar hugmyndir.
„Við sýndum fram á það á haustþingi
okkar að við sitjum á eldfjalli verð-
mætra hugmynda í þessu landi sem
gerir gamaldags hugmyndir eins og
stóriðju algjörlega óþarfar. Ekki nóg
með það heldur skyggja þær á og
skemma fyrir öllum öðrum mögu-
leikum.“
María segir af heilmörgu að taka
varðandi valmöguleika við álver og
aðra stóriðju. „Við vorum með mál-
þing í heilan dag þar sem var svo
mikill straumur af góðum hugmynd-
um, bæði sem eru í gangi og eru í far-
vatninu, að við hefðum getað setið í
marga daga. Það skortir ekki hug-
myndirnar, alvöru og risastórar hug-
myndir sem m.a. byggjast á því að fá
að vera í friði fyrir stóriðju.“
María segir Framtíðarlandið telja
ástæðu til að láta staðar numið í stór-
iðjuframkvæmdum og hverfa frá
hugmyndum um tvö álver til viðbót-
ar og stækkun þess þriðja. „Við get-
um ekki bæði átt kökuna og étið
hana, það er svo einfalt.“
María segist vona að Framtíðar-
landið veiti stjórnmálaflokkunum í
landinu „aðhald, innblástur og
stuðning til góðra verka,“ í aðdrag-
anda kosninga.
Búið er að koma upp öflugri
heimasíðu Framtíðarlandsins og
málefnahópar innan samtakanna eru
að komast á fullt skrið. Hver hópur
fjallar um afmarkað efni; Náttúru,
lýðræði, menntun eða atvinnulíf.
Nýta á tölvutæknina og Netið til
vinnunnar svo að fólk hvar sem er á
landinu geti tekið þátt.
Ekki á leið í framboð
Margir hafa velt fyrir sér hvort
María ætli sjálf út í pólitík þótt
Framtíðarlandið hafi ákveðið að
hverfa frá slíku. María segir slíkar
hugmyndir hafa komið nokkuð flatt
upp á sig, sérstaklega þar sem hún
hafi verið í fararbroddi innan sam-
takanna hvað varðar þverpólitískar
áherslur. „En ég er sem sagt ekki á
leiðinni í framboð en mun beita mér
mjög ötullega á vettvangi Framtíð-
arlandsins.“ María játar því að
stjórnmálaflokkar hafi falast eftir
kröftum hennar en hún líti svo á að
þeim sé best varið innan vébanda
Framtíðarlandsins.
Morgunblaðið/Kristinn
Framtíðin María Ellingsen, stjórnarmaður í Framtíðarlandinu, segir samtökin ætla að veita stjórnmálaflokkum
aðhald, innblástur og stuðning til góðra verka í aðdraganda kosninga til Alþingis í vor.
„Við sitjum á eldfjalli
verðmætra hugmynda“
Framtíðarlandið vill að kosið verði um umhverfismálin í vor
Í HNOTSKURN
» Framtíðarlandið ætlar aðbeita sér á ýmsan hátt fyr-
ir kosningarnar í vor og fyrir
því að umhverfismál verði
kosningamál.
» Um 2.800 félagar eru íFramtíðarlandinu. Koma
þeir alls staðar að af landinu
og úr öllum stjórnmálaflokk-
um.
» Á vef samtakanna, fram-tidarlandid.is má nálgast
vikulegt fréttabréf sem og
annan fróðleik.
MARÍA Ellingsen er með mörg járn í eldinum því fyr-
ir utan tímafreka vinnu fyrir Framtíðarlandið er hún
upptekin við að leika, leikstýra, framleiða og skrifa
handrit.
„Ég er nýbúin að klára mitt fyrsta leikstjórnarverk-
efni fyrir Þjóðleikhúsið, leikrit um ástina á tímum
erfðagreiningar,“ segir María og á þar við Sælueyjuna
sem sýnd er í Kassanum. Verkinu lýsir hún m.a. sem
vísindaskáldsögu innblásinni af íslenskum veruleika.
Þá er María að undirbúa verk ásamt Charlotte Bø-
ving. „Þetta verk smíðum við saman en það heitir
Mamma. Við höfum safnað sögum kvenna og vinnum
þetta í hópi listakvenna, þvert á listirnar.“ Báðar munu
þær koma fram í sýningunni þegar þar að kemur.
Að auki vinnur María að verki með Bjarna Hauki
Þórssyni. „Þetta er flott, nýtt, ástralskt verk, skemmti-
legt drama,“ segir María. Í verkinu leika fjórir leikarar
og hefjast æfingar væntanlega í vor í Iðnó.
Með mörg járn í eldinum
Morgunblaðið/Kristinn
Leikhús Úr Úlfhams sögu sem María leikstýrði.