Morgunblaðið - 15.02.2007, Blaðsíða 15
MORGUNBLAÐIÐ FIMMTUDAGUR 15. FEBRÚAR 2007 15
FRÉTTIR
HELGI Pétursson, sem leiddi sameiningu heilbrigðis-
og umhverfisnefndar Reykjavíkurborgar á sínum tíma,
vildi koma á framfæri sínum sjónarmiðum vegna um-
fjöllunar blaðsins í gær. Helgi bendir á, að niðurstöður
kannanna á loftmengun við leikskóla í borginni hafi
verið lagðar fram á fundum fyrir tíu árum, en ekki
komi fram í fundargerðum, hvaða tillögur hafi legið
fyrir.
Helgi „ítrekar líka að umræða og mælikvarðar hafi
verið allt aðrir á þessum árum“, með þeim orðum að
„gott ef skilti með hvatningu til ökumanna um að drepa
á bílunum við leikskóla hafi ekki verið það sem kom út
úr þessum mælingum“.
Helgi bendir einnig á „að bílum hafi fjölgað mikið á
þessu árabili og loftmengun orðið miklu sýnilegri og
áþreifanlegri“. Fyrir tíu árum hafi „almenningur haft
mjög takmarkaðan áhuga á því að draga úr notkun
nagladekkja, þrátt fyrir auglýsingar og hvatningar frá
borgaryfirvöldum. Þetta sé sem bet-
ur fer greinilega að breytast“.
Vill draga úr notkun naglanna
Í skriflegri yfirlýsingu frá Helga
sagði orðrétt: „Það einfalda reikn-
ingsdæmi sem búið er að liggja fyrir
árum saman um kostnað og heilsu-
tap almennings af notkun nagla-
dekkja, er sem betur fer að verða
mönnum ljóst. Nú er um að gera að
gera vandlegar kannanir á loftmeng-
un í borginni og fylgja niðurstöðum þeirra eftir með
markvissum aðgerðum, sem almenningur er aug-
ljóslega mun meira fylgjandi en áður var.
Allar þjóðir í nágrenni okkar hafa gripið til aðgerða
fyrir löngu, ýmist með banni á notkun nagladekkja eða
með sérstöku gjaldi á þá, sem vilja nota nagla.“
Helgi
Pétursson
Mengunin í borginni nú „áþreifanlegri“
Eftir Baldur Arnarson
baldura@mbl.is
ÞAU UMMÆLI Jóns Benjamíns-
sonar umhverfisfræðings í Morgun-
blaðinu í gær að hann væri „hissa á
sinnuleysi borgaryfirvalda“ vegna
niðurstaðna loftmengunarmælinga
sem fram fóru við 41 leikskóla á
árinu 1997 – og svo við átta skóla
1998 og tvo 1999 – vöktu mikla at-
hygli en jafnframt sterk viðbrögð.
Síðdegis í gær bárust blaðinu
skrifleg viðbrögð frá Umhverfisráði
Reykjavíkurborgar þar sem sagði
að borgin hefði „undanfarin ár lagt
metnað sinn í að sinna loftgæða-
mælingum“. Orðrétt sagði: „Allar
niðurstöður og vísbendingar;
skýrslur og rannsóknir, hafa verið
teknar alvarlega og fengið umfjöll-
un og viðbrögð [...] Reykjavíkur-
borg hefur með öðrum orðum verið
í forystu um aðgerðir til að draga úr
svifryksmengun og svo mun verða
áfram.“
Jafnframt var vikið að starfsemi
nagladekkjahóps og fjölmörgum
fréttum á vefsíðu umhverfissviðs.
Ekki var hins vegar minnst á
mælingarnar 1997, 1998 og 1999 eða
hvernig skýrslunum þremur um
þær niðurstöður var tekið á sínum
tíma.
Beiðni svarað með fúkyrðum
Lúðvík Gústafsson, deildarstjóri
hjá umhverfissviði Reykjavíkur-
borgar, segir aðspurður um hvort
til standi að endurtaka mælingar á
loftmengun við leikskóla, líkt og
gert var við 41 skóla 1997, að tvær
staðbundnar mælistöðvar – við
Grensásveg og Fjölskyldu- og hús-
dýragarðinn - hafi frá árinu 2002
veitt góðar vísbendingar um meng-
un í borginni.
Þá sé til færanleg stöð og að
æskilegt sé að fjölga slíkum stöðv-
um í framtíðinni. Hann segir standa
til að mæla kolmónoxíð, CO, sér-
staklega við leikskóla og til skoð-
unar sé, hvernig megi koma viðvör-
unum til skólanna þegar loft- og
svifryksmengun fer yfir heilsu-
verndarmörk í borginni.
Lúðvík segir sig og samstarfs-
menn sína hafa í gegnum árin beðið
fólk á ýmsum stöðum, þ.á. m. við
leikskóla, að drepa á bílnum.
„Við höfum bent ökumönnum á
að þetta væri ólöglegt,“ segir Lúð-
vík. „Viðbrögðin voru allt frá að
drepa á bílnum [...] í það að spyrja
hvað mér kæmi þetta yfir höfuð við.
Við höfum fengið yfir okkur fúk-
yrði sem geta haft áhrif á andlega
heilsu manna. Menn gera þetta því
ekki oft. Það þarf að liggja mikið við
vegna þess að við fáum viðbrögð
sem geta haft áhrif á andlega líð-
an.“
Morgunblaðið/RAX
Óhreint loft Umferðin þyrlar upp svifrykinu á Snorrabraut í fyrradag. „Svifrykstímabilið“ fer nú að hefjast.
Allar niðurstöður
teknar alvarlega
Umhverfisráð Reykjavíkurborgar svarar gagnrýninni
HRANNAR Björn Arnarsson, sem veitti umhverfis- og
heilbrigðisnefnd Reykjavíkurborgar forstöðu frá 4. febr-
úar 2000 til maí 2004, gerði í gær skriflegar og munn-
legar athugasemdir við frétt á forsíðu Morgunblaðsins
sama dag, þar sem haft var eftir honum að „borgaryf-
irvöld [hefðu] „barist við vindmyllur“ í viðleitni sinni til
að vekja athygli almennings á loftmengun“. Hrannar
segist aldrei hafa látið þessi orð falla.
Hann dró hins vegar ekki til baka að hafa ekki munað
eftir mengunarmælingum við leikskóla í samtali við
blaðamann, en viðtalið fór fram í gegnum síma og um-
mæli viðmælenda skrifuð jafnóðum niður á blað.
„Ef eitthvað má segja um þátt minn og nefndarinnar í
loftslagsmálum á starfstíma mínum þá er það miklu
frekar að þar verið unnið afar mikilvægt starf í þeim
málaflokki á stuttum tíma,“ segir Hrannar. „Stað-
reyndin er sú að 21. desember 2000 flyt ég tillögu í um-
hverfis- og heilbrigðisnefnd, sem var samþykkt, að gerð
yrði úttekt á ástandi mála í borginni í mengunarmálum
og kannaðar leiðir til að draga úr loft-
mengun vegna umferðar og sér-
staklega notkun nagladekkja. Það var
gert ráð fyrir að tillögur yrðu lagðar
fyrir nefndina í apríl 2001. Það fór
fram úttekt í kjölfarið hjá Gatna-
málastjóra og heilbrigðiseftirliti sem
skilaði tillögum í maí 2001. Þar voru
lagðar til stórauknar mælingar og
aukin upplýsingagjöf til almennings,
auk ítarlegra aðgerða um hvernig
ætti að sporna gegn svifryksmengun
[...] Við fjárfestum fyrir 25 milljónir í nýjum tækjum, tvö-
földuðum mælingar og komum á rauntímaupplýsingum
um loftgæðin í kjölfarið.“
Spurður um hvers vegna mælingar á loftmengun við á
fimmta tug leikskóla hafi aldrei komið til umræðu í
nefndinni segist Hrannar ekki hafa „neina skýringu á
því“.
Hrannar B.
Arnarsson
Nefndin vann „afar mikilvægt starf“
MORGUNBLAÐINU hefur borist
eftirfarandi yfirlýsing frá Jóni Ger-
ald Sullenberger:
„Við aðalmeðferð í svokölluðu
Baugsmáli hinn 13. febrúar sl.
krafðist verjandi ákærða Jóns Ás-
geirs Jóhannessonar að ég viki af
dómþingi meðan skýrsla væri tekin
af ákærða. Kröfu þessari mótmælti
ég þar sem ég ætti skýlausan rétt
lögum samkvæmt til að vera við-
staddur aðalmeðferð í máli þar sem
ég sætti ákæru um refsiverða hátt-
semi.
Þrátt fyrir mótmæli verjanda
míns tók dómsformaður þá ákvörð-
un að ég skyldi víkja af þinginu með-
an skýrsla væri tekin af ákærða Jóni
Ásgeiri. Verjandi minn krafðist rök-
stuðnings fyrir ákvörðuninni eða úr-
skurðar um að ég viki af þinginu.
Dómsformaður neitaði að verða við
þessum kröfum okkar og vísaði mér
út með frekar dónalegum hætti. Þar
sem þetta er opið þinghald, og allir
fjölmiðlar landsins viðstaddir, þá er
þessi ákvörðun Arngríms Ísbergs
með öllu óskiljanleg, kannski treyst-
ir hann Morgunblaðinu betur til að
koma á framfæri þeim framburði
sem Jón Ásgeiri ber fyrir dómi. Ég
les þá bara Moggann.
Málsmeðferð þessi sem ég þarf að
sæta er bæði ranglát og óskiljanleg
með öllu. Ákvörðun dómsformanns-
ins um að ég skyldi víkja af þinginu
er efnislega röng. Í 4. mgr. 129. gr.
laga um meðferð opinberra mála
segir að ákærði eigi rétt á að vera
við aðalmeðferð máls. Dómari geti
þó ákveðið að ákærði víki af þingi
meðan skýrsla er tekin af vitni eða
meðákærða ef nærvera hans geti
verið sérstaklega íþyngjandi eða
geti haft áhrif á framburð viðkom-
andi, sbr. 6. mgr. 59. gr. laganna.
Þessar undan-
tekningar frá
meginreglunni
um að ákærði eigi
rétt á að vera við-
staddur aðalmeð-
ferðina eiga aug-
ljóslega ekki við í
máli þessu.
Þá vekur það
furðu og er í raun
óskiljanlegt að
það skuli vera neitað verða við kröf-
um um rökstuðning fyrir ákvörðun-
inni, sérstaklega í ljósi þess að ég
hef engin lagaúrræði til að óska end-
urskoðunar á henni. Það hlýtur að
vera réttmæt krafa að dómari rök-
styðji ákvörðun sem er í andstöðu
við meginreglur um rétt ákærðs
manns til að vera viðstaddur aðal-
meðferð í máli sínu.
Það verður því ekki betur séð en
brotið sé gegn grundvallarréttind-
um mínum um að fá að vera við-
staddur aðalmeðferð í málinu og
verja mig. Þegar litið er til alls þessa
er skiljanlegt að ég dragi í efa óhlut-
drægni dómsins í máli þessu eins og
ég gerði þegar ég krafðist að dóms-
formaður viki sæti við meðferð
þessa máls. Það er með öllu óskilj-
anlegt að dómarar sem tóku þá af-
stöðu í fyrra málinu, að framburður
minn sem vitnis hefði minna sönn-
unargildi en ella þar sem ég bæri
þungan hug til Jóns Ásgeirs, teljist
ekki vanhæfir til að fara með mál
þetta. Þegar dómarar hafa tekið
slíka huglæga afstöðu við mat á
framburði mínum eru gild rök til að
draga óhlutdrægni þeirra í efa í máli
þessu, sérstaklega þegar sömu að-
ilar eiga í hlut og í fyrra málinu.
Ekki minnkar sá efi þegar mér er nú
vikið af þinginu án rökstuðnings.“
Réttlát og óhlut-
dræg málsmeðferð?
Jón Gerald
Sullenberger
Yfirlýsing frá Jóni Gerald Sullenberger
NÚ ER UNNIÐ að viðgerðum á
brúnni yfir Jökulsá á Fjöllum, við
Grímsstaði. Þessi brú var byggð á
árunum 1946–47 og vígð í júlí 1948.
Áður var aðeins brú á þessu mikla
vatnsfalli niðri í Öxarfirði.
Brúin var því mikil samgöngu-
bót, en jafnframt brúarsmíðinni
var lagður vegur úr Mývatnssveit
austur fjöllin. Það er flokkur brú-
arsmiða frá Hvammstanga sem
vinnur að lagfæringum á brúnni.
Það sem lagfæra þarf eru enda-
festingar brúargólfsins en þær
hafa látið undan miklum þunga-
flutningum á síðustu misserum.
Annars stendur brúin ótrúlega vel
ef hugsað er til þeirrar byltingar
sem orðið hefur í samgöngum og
samgöngutækjum á þeim 60 árum
sem hún hefur verið í notkun. Hún
lofar sannarlega verk bæði hönn-
uða og brúarsmiða, sem flestir eru
nú horfnir af vettvangi dagsins. Á
nýrri vegaáætlun er lagt til að
byggð verði brú nærri þessum stað
2011 til 2014.
Brúarsmíð Grímsstaðabrúin í byggingu árið 1946.
Viðgerð á brú yfir
Jökulsá á Fjöllum
Viðhald Unnið að viðgerð á Jökuls-
árbrú við Grímsstaði árið 2007.
Morgunblaðið/Birkir