Morgunblaðið - 15.02.2007, Blaðsíða 26

daglegt líf
26 FIMMTUDAGUR 15. FEBRÚAR 2007 MORGUNBLAÐIÐ
VIÐBÓTARNÁM FYRIR GRUNNSKÓLAKENNARA
vegna endurskoðunar á námskrám grunnskóla
Í mars 2007 mun menntamálaráðuneytið að nýju bjóða upp á viðbótarnám fyrir
kennara í íslensku, ensku, dönsku og stærðfræði. Uppsetning námsins verður
með eftirfarandi hætti:
1. Aðfaranám - fyrri hluti, hefst í mars 2007. Áhersla á námskrár.
Í mars hefst almennt námskeið þar sem farið verður yfir drög að námskrám og þátt-
takendum kynnt upplýsingatækni til að auka færni þeirra í fjarnámi. Stefnt er að því
að staðbundnar lotur verða haldnar eins og hér segir:
2. Aðfaranám - síðari hluti, hefst í september 2007.
Áhersla á kennsluaðferðir og tækni.
3. Viðbótarnám á háskólastigi (12 ein.). Að aðfaranáminu loknu verður boðið upp á
áfanga, kenndir eru við Kennaraháskóla Íslands, Háskóla Íslands, Háskólann á
Akureyri og Háskólann í Reykjavík sem henta til viðbótarmenntunar í viðkomandi
fagi. Þátttakendur geta valið námskeið í öllum háskólunum og stundað þau
í fjarnámi.
Umsóknir um þátttöku berist í síðasta lagi 2. mars nk. til SRR - Símenntun Rannsóknir Ráðgjöf
KHÍ, sem hefur umsjón með skráningu og staðfestingu á þátttöku kennara. Upplýsingar um
námskeiðin verða á vef Símenntunar http://simenntun.khi.is
Vor 2007 Reykjavík Akureyri
Stærðfræði 9. og 10. mars 16. og 17. mars
Danska og enska 23. og 24. mars 16. og 17. mars
Íslenska 30. og 31. mars 30. og 31. mars
Ferðakostnaður milli landshluta er endurgreiddur.
Eftir Kristínu Heiðu Kristinsdóttur
khk@mbl.is
Þessi kókkista geymir heil-mikla sögu, til dæmis erhún snjáð á þeirri hliðinnisem stelpurnar hoppuðu
alltaf upp á og sátu löngum stund-
um. Við köllum þetta rassafar. Ég
man það sjálfur frá minni bernsku
að stelpurnar sátu alltaf uppi á kók-
kistunum þegar ungdómurinn hékk í
sjoppunum. Þetta er mjög skemmti-
legur gripur og sagan á bak við hann
líka,“ segir Jónas Halldórsson antik-
og listmunasali sem ætlar næsta
laugardag að halda uppboð á forláta
kókkistu í Antikbúðinni í Hafnar-
firði.
„Margir eiga gamlar og góðar
minningar tengdar svona kistum.
Ég var til dæmis alltaf á Billjard-
inum á Klapparstíg í gamla daga og
þá var það nánast regla að fara beint
í kistuna og fá sér eina litla ískalda
kók þegar maður kom inn.“
Margar góðar minningar
Jónas segir svona kókkistur sem
eru í góðu lagi, vera orðnar mjög
sjaldséðar. „Þessi er komin til ára
sinna því ég held að þær hafi byrjað
að berast hingað til lands upp úr
1950. Þessi kista kom upphaflega í
verslunina Svalbarða, harðfiskbúð-
ina svokölluðu sem var við Fram-
nesveg og þar var hún lengst af.
Margir eiga góðar minningar frá
Svalbarða og mannlífinu þar. Þegar
ég var strákpjakkur og vann sem
sendill fór ég til dæmis oft í Sval-
barða og keypti mér gos þar. Þegar
Svalbarðaverslunin var seld, þá fór
kistan ekki langt, heldur yfir í Nóa-
tún í JL-húsinu. Ég er með þá kenn-
ingu að þegar svona kókkistur voru
fjarlægðar úr verslunum, þá fóru
þær skömmu síðar á hausinn, af því
að sálin fór með kistunni.“
Jónas segist oft hafa keypt sér
kók úr þessari kistu þegar hún var í
Nóatúni. „En hún endaði úti í bíl-
skúr hjá þeirri fjölskyldu sem hafði
eignast hana við kaupin á Svalbarða.
Innst inni í bílskúrnum hefur hún
sofið í mörg ár en þegar tekið var til
í honum nýlega þá áskotnaðist mér
þessi kostagripur. En það var ekki
auðunnið verk, ég þurfti að bjóða vel
í hana áður en ég fékk já.“
Hæstbjóðandi fer
með hana heim
Jónas segir kistuna vera í góðu
lagi og að hún svínvirki, ekki þurfi
annað en að stinga henni í samband
og þá fari hún að kæla. „Og hún kæl-
ir rosalega vel. Þeir sem fengu sér
kók úr svona kistu, þegar þær voru
og hétu, vita að þaðan kemur kald-
asta kók sem hægt er að fá. Ég hef
ekkert verið að raska henni, það eru
til dæmis enn gamlir verðmiðar
límdir innan á kantana, þar sem sjá
má hvað kókflöskurnar kostuðu.“
Jónas segir marga hafa sýnt kist-
unni áhuga en hann hafi ákveðið að
bjóða hana upp svo allir eigi jafna
möguleika. „Hæstbjóðandi fer með
hana heim og aldrei að vita hver það
verður en ég held að hún myndi
sóma sér vel inni á einhverri for-
stjóraskrifstofu. Þetta er massífur
eðalgripur og hún er svakalega
þung. Ég fæ verk í bakið við það eitt
að hugsa um hvað hún er þung. Þeg-
ar ég sótti hana um áramótin í ka-
faldssnjó, þá fékk ég einn vin minn
til að bera hana með mér og það er
alveg ljóst að ég endurtek það ekki.
Næst fæ ég með mér aðstoðarmenn,
það duga ekki færri en fjórir fílefldir
til að bera þetta djásn.“
Sálin fór með kistunni
Morgunblaðið/Ásdís
Ískalt Jónas fær sér eina kók úr kistunni góðu sem hann segir gefa kaldasta kók sem hægt er að fá.
„Ég held að hún myndi
sóma sér vel inni á ein-
hverri forstjóraskrifstofu.“
Uppboðið hefst kl. 16.00 á laug-
ardag í Antikbúðinni, Strandgötu
24 í Hafnarfirði.
BANDARÍSKIR vísindamenn segj-
ast hafa framleitt „sýklavarða“ húð
sem gæti í framtíðinni bjargað lífi
þeirra sem hafa brennst alvarlega.
Frá þessu er sagt á vef breska rík-
isútvarpsins, BBC.
Hinar erfðabreyttu húðfrumur
drápu fleiri sýkla, þegar þeim var
bætt við ræktaðar húðígræðslur, í
rannsóknastofunni. Rannsóknar-
hópurinn, sem var á vegum Háskól-
ans í Cinncinnati, upplýsti að vonast
væri til að hægt yrði að hefja tilraun-
ir á dýrum snemma á þessu ári.
Húð er viðkvæmari fyrir sýking-
um eftir bruna vegna þess að þá er
hún verr í stakk búin til að vernda
sjálfa sig fyrir bakteríum. Alvarleg
brunasár þarf að hylja og halda
hreinum á meðan húðin grær. Vís-
indamennirnir segja að ef erfða-
breytta húðin er notuð eftir bruna
gæti það minnkað sýkingarhættu,
bætt húðígræðslur og minnkað þörf
fórnarlambanna fyrir sýklalyf.
Haft er eftir dr. Dorothy Supp,
sem fór fyrir rannsókninni, að rækt-
uð húð geti bætt líf margra fórnar-
lamba bruna. „En hún hefur líka tak-
markanir. Þar á meðal er viðkvæmni
gagnvart sýkingum. Það kemur til af
því að ágrædd húð er ekki í tengslum
við hringrás líkamans á meðan hún
er að gróa. Þar af leiðandi kemst hin
ágrædda húð ekki strax í samband
við sýklalyf og mótefni líkamans til
að berjast gegn sýkingum.“
Rannsóknarhópurinn komst að
því að erfðabreyttar húðfrumur sem
framleiða meira magn próteins sem
kallast „human beta defensin 4“
(HBD4) grönduðu fleiri bakteríum
en venjulegar húðfrumur. Próteinið
HBD4 er hluti af náttúrulegu varn-
arkerfi líkamans. Vísindamennirnir
álíta að erfðabreyttu húðfrumurnar
muni efla varnarkerfið.
Dr. Supp sagði jafnframt: „Ef
áframhaldandi tilraunir koma vel út
gæti þetta meðferðarform lofað góðu
í baráttu fórnarlamba bruna við sýk-
ingar.“
Sýklavarin
húð fyrir
brunasjúklinga
BRETINN Paul Smith er hvað þekktastur
fyrir herrafatahönnun sína en hann lætur
einnig til sín taka í kvenfatatísku. Hann er
meðal hönnuða sem nú sýna tísku komandi
hausts og vetrar á tískuviku í London. Jafn-
an hefur mikilla áhrifa frá heimalandi
Smiths gætt í fatalínum hans. Hans ein-
kennismerki er breskur nútímastíll sem hef-
ur náð hylli um allan heim. Nú mátti vel
greina þessi bresku áhrif en þau voru þó
mjög krydduð áhrifum frá þriðja áratug
síðustu aldar að því leyti að mittið var lágt
og fötin laus á líkamanum.
AP
Stutt Pilsið er ekki sítt en
klæðnaðurinn engu að
síður þægilegur.
Skært Litrík og létt-
leikandi föt í sýningu
Paul Smith.
Breskur
nútímastíll
Enska rósin Lily Cole,
ein þekktasta fyrir-
sæta Bretlands.
tíska