Morgunblaðið - 15.02.2007, Blaðsíða 20
20 FIMMTUDAGUR 15. FEBRÚAR 2007 MORGUNBLAÐIÐ
HÖFUÐBORGARSVÆÐIÐ
HÓPUR sem kallar sig Vallarvini
hefur boðað til almenns borgara-
fundar í Sjallanum í kvöld kl. 20.30.
Hópurinn vill berjast fyrir því að
íþróttavöllurinn í miðbænum verði
ekki aflagður.
Frummælendur á fundinum eru
Anna Rebekka Hermannsdóttir,
Benedikt Guðmundsson, Dýrleif
Skjóldal og Jón Hjaltason. Fundar-
stjóri verður Hjörleifur Hallgríms.
Mikið og lengi hefur verið deilt um
málefni íþróttavallarins, en bæjar-
stjórn samþykkti í haust nýtt deili-
skipulag sem gerir ráð fyrir því að
völlurinn verði lagður af og svæðið
tekið undir íbúðir, þjónustu og versl-
anir og fasteignafélagið Þyrping hef-
ur einmitt sóst eftir því nokkuð lengi
að fá að byggja Hagkaupsverslun á
svæðinu. „Þeim virðist hafa fjölgað
mjög undanfarið sem eru á því að
völlurinn eigi ekki að fara heldur sé
best að vinda sér í að byggja hann
upp fyrir Landsmót UMFÍ 2009,
sem mikið hefur verið í umræðunni,“
sagði Hjörleifur Hallgríms í gær.
„Fyrrverandi bæjarstjóri sagði í
haust að völlurinn væri barn síns
tíma, en það má auðvitað segja um
fleira í bænum; kirkjuna, Mennta-
skólann og gömlu húsin í bænum
sem Sigmundur [Einarsson] hefur
verið að gera upp; munurinn er bara
sá að þessu hefur öllu verið haldið við
en Akureyrarvelli ekki.“
„Vallarvinir“ blása til
borgarafundar í kvöld
AKUREYRI
MIKILL áhugi er á einhvers konar
samstarfi allra skólastiga á Akureyri,
miðað við umræðu á hádegisfundi
sem nemendafélög framhaldsskól-
anna tveggja, MA og VMA, og Há-
skólans á Akureyri, héldu í gær.
Akureyri hefur oft verið nefnd
skólabær – og í fundarboði var spurt
hvað það er, hvaða þýðingu það hafi
að búa í slíkum bæ og hver stefna
bæjaryfirvalda er í skólamálum.
Jón Már Héðinsson, skólameistari
MA, lýsti eftir skýrari stefnu í skóla-
málum; sagði að í þeim yrði að vera
gróska og að Akureyringar ættu að
búa svo um hnútana að annars staðar
væri litið til bæjarins sem fyrirmynd-
ar. „Það á að vera samhengi frá leik-
skóla til háskóla; frá vöggustofu til sí-
menntunar,“ sagði skólameistari og í
ljós kom að mikill einhugur var að
þessu leyti; Jóna Jónsdóttir, forstöðu-
maður markaðs- og kynningarsviðs
Háskólans á Akureyri tók í sama
streng svo og Sigrún Björk Jakobs-
dóttir bæjarstjóri.
„Akureyrarmódelið“
„Akureyri á að vera stefnumark-
andi; á að leiða sýn og viðmið um það
hvað er að vera skólabær,“ sagði Jón
Már. „Það módel er ekki til á
landsvísu en við eigum að búa það til
sjálf; ekki að bíða eftir því að það
verði teiknað upp fyrir okkur,“ sagði
hann.
Sigrún Björk tók Jón á orðinu,
sagði hugmyndina góða og hún hefði
einmitt rætt hana áður. Bærinn
myndi koma að slíkri vinnu af heil-
indum og sér litist vel á að talað yrði
um „Akureyrarmódelið“.
Jóna Jónsdóttir sagði kjörið að
auka samstarf allra skólastiga „til
þess að skilgreina skólabæinn og
ímyndina og til þess að benda á gall-
ana inn á við, og vekja athygli út á við
á því sem vel er gert. Við eigum að
vera óhrædd við að miða okkur við og
leita fyrirmynda í þekktum skólabæj-
um,“ sagði hún og nefndi Oxford,
Harvard og Oulu í Finnlandi sem
dæmi.
Bakhjarl
Frummælandinn Ottó Elíasson,
nemandi, sagði margt vel gert í skóla-
málum á Akureyri en ýmislegt mætti
bæta. Hann sagði bæjaryfirvöld þurfa
að vera öflugan bakhjarl skólanna,
berjast gegn niðurskurði fjárveitinga
og þar fram eftir götunum. Sigrún
Björk sagði bæinn ætíð tala máli skól-
anna á fundum með þingmönnum og
fjárveitingavaldinu. Það færi ekki
alltaf hátt, en væri síður staðreynd.
„Bókvitið verður nefnilega í askana
látið,“ sagði bæjarstjóri, fólk væri al-
mennt búið að gera sér grein fyrir því.
„Bókvit verður nefni-
lega í askana látið“
Morgunblaðið/Skapti Hallgrímsson
Samstarf Jón Már Héðinsson, skólameistari MA, við ræðupúltið. Fremst
t.v. eru Jóna Jónsdóttir frá HA og Sigrún Björk Jakobsdóttir bæjarstjóri.
Áhugi á samstarfi
allra skólastiga
Í HNOTSKURN
» Nemendafélög MA, VMAog HA héldu sameig-
inlegan fund um skólabæinn
Akureyri.
» Mikill áhugi er á meðalskólamanna og yfirvalda á
samstarfi allra skólastiga.
SIV Friðleifsdóttir heilbrigðisráð-
herra og Vilhjálmur Þ. Vilhjálms-
son borgarstjóri tóku fyrstu
skóflustunguna að nýju hjúkrunar-
heimili fyrir aldraða austarlega við
Suðurlandsbraut í gær, en ráðgert
er að heimilið verið tilbúið til starf-
rækslu í ársbyrjun 2009 eftir tæp
tvö ár.
Á hjúkrunarheimilinu verða 110
rými og eru 40 rými sérstaklega
ætluð fyrir heilabilaða, auk þess
sem tíu rýma deild verður ætluð
fyrir aldraða sem eiga við geð-
sjúkdóma að stríða, en það er
fyrsta hjúkrunardeildin hér á landi
sem er sérstaklega ætluð þeim
hópi. Öll herbergin á heimilinu eru
einbýli um 24 fermetrar að stærð
að meðtöldu baðherbergi.
Tæpir tveir milljarðar
Gert er ráð fyrir að heildar-
kostnaður við byggingu heimilisins
nemi tæpum tveimur milljörðum
króna og miðast sá kostnaður við
að heimilið verði fullbúið til rekst-
urs með öllum nauðsynlegum bún-
aði. Fjármögnun skiptist þannig að
40% koma úr Framkvæmdasjóði
aldraðra, Reykjavíkurborg greiðir
30% og 30% koma á fjárlögum.
Auglýst verður eftir rekstraraðil-
um á grundvelli kröfulýsingar sem
heilbrigðisráðuneytið gerir til
þjónustu og aðbúnaðar. Daggjalda-
greiðslur til heimilisins munu
byggjast á greiðslulíkani ráðuneyt-
isins og munu þeir sem bjóða í
reksturinn ekki keppa um verð
heldur um fyrirkomulag og gæði
þjónustunnar.
Siv Friðleifsdóttir heilbrigðis-
ráðherra sagði að það væri mjög
ánægjulegt að jarðvegsfram-
kvæmdir væru hafnar. Aðdragand-
inn hefði verið nokkur og fram-
kvæmdir tafist en ráðuneytið og
borgin hefðu lagt mikla áherslu á
að ýta á eftir að framkvæmdir
gætu hafist. Reykjavíkurborg
kæmi að þessu með hærra fram-
lagi en lög gerðu ráð fyrir en sveit-
arfélög væru farin að gera það í
auknum mæli.
Aðspurð sagði Siv að þessi fram-
kvæmd ein og sér leysti ekki brýn-
ustu þörfina í þessum efnum. Auk
þessa væri í undirbúningi bygging
90 rýma hjúkrunarheimilis á Lýs-
islóðinni í samvinnu við Reykjavík-
urborg og Seltjarnarnesbæ og að
auki væri í undirbúningi bygging
174 rýma samanlagt í ýmsum
sveitarfélögum, t.a.m. 44 rými í
Kópavogi. „Þegar þetta er allt risið
erum við líklega búin að mæta
þörfinni,“ sagði Siv. Hún sagði að
jafnhliða þyrfti að leggja áherslu á
að auka heimahjúkrun, sem unnið
hefði verið markvisst að, auk þess
sem stórauka þyrfti félagsþjónustu
sveitarfélaga fyrir aldraða. Sér
fyndist mjög alvarlegt að yfir
helmingur sveitarfélaga hefði
dregið úr félagslegri heimaþjón-
ustu fyrir aldraða samkvæmt nýút-
kominni skýrslu Ríkisendurskoð-
unar, sem tæki til tímabilsins
1999–2003.
Efnum kosningaloforðin
Vilhjálmur Þ. Vilhjálmsson
borgarstjóri sagði að það væri
ánægjulegt að framkvæmdir væru
komnar af stað því þörfin væri
mikil. Nú væru um 240 á biðlista
og þar af um 200 í afar brýnni
þörf. Þá væri annað hjúkrunar-
heimili í undirbúningi á Lýsislóð-
inni. Einnig hefði verið ákveðið að
byggðar yrðu um 200 öryggis- og
þjónustuíbúðir, annars vegar í
Spönginni og hins vegar við Sléttu-
veginn, en engar slíkar íbúðir hafi
verið byggðar á síðustu árum.
„Þetta er í anda nýs meirihluta.
Hjólin eru loksins farin að hreyf-
ast. Við erum bara að efna kosn-
ingaloforðin,“ sagði Vilhjálmur.
Hann sagði að þessar fram-
kvæmdir kæmu að verulegu leyti
til móts við þá þörf sem fyrir hendi
væri.
Nýtt hjúkrunarheimili fyrir aldraða
í borginni með 110 sjúkrarýmum
Morgunblaðið/RAX
Skóflustunga Vilhjálmur Þ. Vilhjálmsson borgarstjóri og Siv Friðleifsdóttir heilbrigðisráðherra.
Sérstök deild fyrir
aldraða geðsjúka
Í HNOTSKURN
» Heilbrigðisráðherra segirað í framtíðinni muni auk-
in útgjöld fara til þess að end-
urbyggja gömul rými fyrir
aldraða sem ekki standist nú-
tímakröfur, til að mynda þar
sem um sé að ræða stofur í
fjölbýli og þar sem ekki sé um
að ræða sérbaðherbergi.
Fimmtudagur 15. febrúar 2007
Samvera eldri borgara kl. 15.00.
Óskar Pétursson tenór syngur nokkur lög
við undirleik Hjartar Steinbergssonar.
Kaffiveitingar og helgistund að venju.
Vonumst til að sjá ykkur.
Starfsfólk Glerárkirkju.
GLERÁRKIRKJA