Morgunblaðið - 17.02.2007, Blaðsíða 12
12 LAUGARDAGUR 17. FEBRÚAR 2007 MORGUNBLAÐIÐ
FRÉTTIR
FYRSTI tog-
arinn sem var
smíðaður sér-
staklega fyrir
Íslendinga er
myndefni á frí-
merki sem Ís-
landspóstur
gaf út 15. febr-
úar. Sama dag
komu út frí-
merki í tilefni
af 100 ára af-
mæli Kvenrétt-
indafélags Ís-
lands og
smáörk í til-
efni af Al-
þjóðlega heim-
skautaárinu
2007–2008.
Sameiginleg frímerkjaútgáfa Ís-
lands, Grænlands og Færeyja leit
einnig dagsins ljós þennan sama
dag.
Tímamót urðu í janúar 1907 í
útgerðarsögu Íslendinga þegar
Jón forseti, nýsmíðaður 230
brúttólesta togari, kom til Reykja-
víkur. Jón forseti var eign útgerð-
arfélagsins Alliance og var fyrsti
úthafstogarinn sem smíðaður var
sérstaklega fyrir Íslendinga. Rúm-
um tuttugu árum eftir að Jón for-
seti kom til landsins strandaði tog-
arinn í illviðri við Stafnes. Af 25
manna áhöfn skipsins björguðust
10 en 15 fórust.
Verðgildi frímerkisins er 65
krónur. Hönnuður er Borgar Hjör-
leifur Árnason, grafískur hönn-
uður hjá H2 hönnun.
Þegar Hið íslenska kvenrétt-
indafélag var stofnað árið 1907
höfðu konur almennt ekki kosn-
ingarétt. Hönnuður frímerkisins til
að minnast kvenréttindabarátt-
unnar er Elsa Nielsen, grafískur
hönnuður hjá EnnEmm auglýs-
ingastofu.
Heimskautaárið Átta lönd gefa út smáarkir með frí-
merkjum auk gjafamöppu sem inniheldur smáarkirnar.
Hönnuður smáarkarinnar er Hlynur Ólafsson.
Jón forseti og kvenréttinda-
baráttan á nýjum frímerkjum
ALLS bárust ríflega 2.700 umsóknir
um leyfi til hreindýraveiða áður en
umsóknarfrestur rann út á miðnætti
15. febrúar. Nú verður farið yfir
hvort einhverjar umsóknir eru
ógildar þ.e. hvort vantað hefur stað-
festingar um full skotvopnaréttindi
(B-leyfi). Þá gætu einhverjar bréf-
legar umsóknir með réttum dags-
timpli verið ókomnar.
Dregið verður úr gildum umsókn-
um á mánudaginn kl. 20.30. Útdrátt-
urinn fer fram í húsnæði Þekking-
arnets Austurlands að Tjarnarbraut
39 á Egilsstöðum
en einnig verður hægt að fylgjast
með í aðalstöðvum Umhverfisstofn-
unar Suðurlandsbraut 24, á skrif-
stofu Veiðistjórnunarsviðs UST á
Akureyri, Borgum við Norðurslóð
og í Verkmenntaskóla Austurlands í
Neskaupstað. Eru allir áhugasamir
velkomnir á þessa staði. Niðurstöður
verða sendar út á þriðjudag.
Margir vilja
veiða hreindýr
VALGERÐUR Sverrisdóttir, utanríkisráðherra, og
Magnús Stefánsson, félagsmálaráðherra, hafa undir-
ritað yfirlýsingu sem er ætlað að renna styrkari stoðum
undir reglulega móttöku flóttamanna hér á landi og
samvinnu við Flóttamannastofnun Sameinuðu þjóðanna,
UNHCR.
Nýtt fyrirkomulag á samstarfi utanríkis- og félags-
málaráðuneytisins á þessu sviði felur í sér að utanrík-
isráðuneytið kemur beint að fjármögnun flóttamanna-
verkefna og ennfremur að utanríkis- og félags-
málaráðherra munu framvegis leggja fram sameiginlega tillögu til
ríkisstjórnar um móttöku flóttamanna að höfðu samráði við flótta-
mannanefnd.
Málefni innflytjenda og þar með talið flóttamanna eru á verksviði félags-
málaráðuneytisins, en kostnaður við flóttamannaverkefni er á vettvangi
OECD skilgreindur sem þróunaraðstoð.
Regluleg móttaka flóttamanna
FJÓRÐUNGUR netfyrirtækja sem
bjóða upp á gagnaflutning erlendis
frá, taka ekki gjald fyrir þá þjón-
ustu. Þetta kemur fram í nýrri
könnun meðal netfyrirtækja sem
Félagsvísindastofnun gerði hjá 41
fyrirtæki fyrir Póst- og fjar-
skiptastofnun. Einnig kom í ljós í
könnuninni, að fáir áskrifendur
þeirra fyrirtækja sem þátt tóku í
könnuninni, hafa óskað eftir upp-
lýsingum um hvenær þeir hlaða
niður gögnum erlendis frá.
Gagnaflutningar
BROT 152 ökumanna voru mynduð
í Hvalfjarðargöngum fyrr í vikunni.
Meðalhraði hinna brotlegu var tæp-
lega 84 km/klst. en leyfður há-
markshraði í göngunum er 70km/
klst. Ellefu ökumenn óku á yfir 90
km hraða og einn á yfir 100 en sá
mældist á 120 km hraða.
Hraði í göngum
Í VIKUNNI kom sex þúsundasti
Akurnesingurinn í heiminn en þá
fæddist hárprúð og falleg lítil
stúlka á Sjúkrahúsinu á Akranesi.
Þessi tímamóta-Skagamaður vó 15
merkur og var 52 cm við fæðingu.
6.000 Skagamenn
Fjölgun Íbúar Akraness eru nú
komnir á sjöunda þúsundið.
Eftir Steinþór Guðbjartsson
steinthor@mbl.is
YFIRLEITT er mikið að gera í
fiskbúðinni Hafberg við Gnoðarvog
í Reykjavík og segir eigandinn
Geir Hafberg að viðskiptavinirnir
séu á öllum aldri. Fólk eldra en 40
ára sæki gjarnan í gömlu gildin
eins og siginn fisk og rauðmaga en
ýsuflök, þorskur og almennir fisk-
réttir séu vinsælustu tegundirnar
hjá unga fólkinu.
Undanfarna daga hefur Geir
meðal annars boðið upp á rauð-
maga. „Vertíðin er ekki byrjuð og
því er rauðmaginn á þessum tíma
meðafli á netaveiðunum,“ segir
hann og bætir við að hann fái
rauðmagann nú einna helst frá
bátum sem geri út frá Snæfells-
nesi. Fyrir fimm árum hafi yf-
irleitt ekki verið byrjað að selja
rauðmagann, „vorboðann ljúfa“
eins og hann kallar hann, fyrr en í
mars en eftirspurnin sé svo mikil
að fiskurinn renni út. Sömu sögu
sé að segja af signum fiski. „Hann
rennur út eins og heitar lummur,“
segir hann.
Geir segir að hann fái um 450 til
500 manns í búðina á dag og fjölg-
un ungs fólks sé áberandi. Mið-
aldra og eldra fólk, sem sé alið upp
við að borða fisk, hafi gjarnan fisk
í matinn þrisvar til fjórum sinnum
í viku en unga fólkið virðist al-
mennt borða fisk tvisvar í viku
miðað við komur í búðina. „Við
fáum mikið meira af ungu fólki nú
en fyrir fjórum árum,“ segir hann.
„Þegar fólk eignast börn verður
það oft meðvitaðra um að það þurfi
að vera með meiri hollustu á borð-
um og þá verður fiskurinn fyrir
valinu. Eins fer fólk æ meira út að
borða og fiskréttir á veitinga-
húsum njóta stöðugt meiri vin-
sælda. Þessi þróun helst í hendur
við venjurnar heima fyrir.“
Unga fólkið kaupir
meira af fiski en áður
Morgunblaðið/RAX
Gömlu gildin Rauðmagi rennur út hjá Geir Hafberg í fiskbúðinni Hafberg.
FORMAÐUR Samtaka iðnaðarins
sagði á menntadegi samtakanna í
vikunni að viðbrögð við hugmynd-
um um að sameina Fjöltækniskól-
ann og Iðnskólann í Reykjavík
hefðu að mestu verið jákvæð. Nú
væri beðið lokaafgreiðslu Þorgerð-
ar Katrínar Gunnarsdóttur
menntamálaráðherra til að ljúka
málinu. Þorgerður sagði á þinginu
að hugmyndin væri góð og sjálf-
sagt væri að skoða hana vel en út-
listaði ekki nánar áform ráðuneyt-
isins.
„Fram hefur komið að nú stend-
ur yfir vinna við sameiningu Fjöl-
tækniskólans og Iðnskólans í
Reykjavík með aðkomu Samtaka
iðnaðarins og fleiri aðila. Það er
okkar mat að sameining þessara
skóla yrði til góðs og ætti að leiða
til þess að upp risi öflugur skóli at-
vinnulífsins á þessu sviði sem hefði
betri forsendur en núverandi
skólar til að innleiða nýbreytni í
námsframboði og kennsluháttum í
samræmi við kröfur og þarfir at-
vinnulífs.
Samtök iðnaðarins, Iðnaðar-
mannafélagið í
Reykjavík, LÍÚ,
Samband ís-
lenskra kaup-
skipaútgerða og
Samorka eru
reiðubúin að
stofna hlutafélag
sem yrði bak-
hjarl sameinaðs
skóla. Það sýnir
þá trú sem þessi öflugu atvinnu-
rekendasamtök hafa á hugmynd-
inni um sameinaðan skóla. Málið
hefur verið kynnt aðilum í laun-
þegahreyfingunni, m.a. samtökum
kennara, og stjórnvöldum. Við-
brögð hafa í meginatriðum verið
jákvæð og væntum við þess að
unnt verði að ljúka málinu, með
lokaafgreiðslu okkar skelegga
menntamálaráðherra,“ sagði Helgi
Magnússon, formaður Samtaka
iðnaðarins, í ræðu sinni á ráðstefnu
sem efnt var til vegna mennta-
dagsins.
Torben Jenssen, forstjóri SIM-
AC-tækniháskólans í Danmörku
sem sérhæfir sig í skipstjórn og
vélfræði, lagði í erindi sínu mikla
áherslu á að starfsemi skóla þyrfti
að vera sveigjanleg og sinna vel
þörfum viðskiptavina sem væru
bæði nemendur og atvinnurekend-
ur. Með einkavæðingu og frjálsu
félagaformi væri hægt að létta af
ríkisvaldinu smásmugulegu eftir-
litshlutverki en gefa ríkinu í stað
kost á að setja sig í spor kaupanda
þjónustu. Stjórnvöld gætu þannig
einbeitt sér að heildarsamhenginu
og ættu auðveldara með að gera
kröfu um að skólar standist op-
inberar gæðakröfur.
Í lok ráðstefnunnar afhenti Halla
Boga gullsmiður nokkrum aðilum
námsefnisstyrk SI, alls fjórar millj-
ónir. Þeir sem hlutu styrki voru:
Fræðasetrið Iðan til að kynna nám
og störf í iðnaði, bókaútgáfan Iðnú
til að þýða og gefa út bókina Salon
Fundamentals fyrir háriðnir, Iðn-
tæknistofnun til gerðar námsefnis
vegna alhliða framleiðslustýrðs við-
halds og loks Ragnar Ólafsson og
Svanhildur Stefánsdóttir til náms-
efnisgerðar um greiningu kynja-
mynda í fjölmiðlum.
Sameining bíður loka-
afgreiðslu ráðherra
Menntadagur Sameining Iðnskólans í Reykjavík og Fjöltækniskólans er til umræðu.
Helgi Magnússon