Morgunblaðið - 17.02.2007, Blaðsíða 19

MORGUNBLAÐIÐ LAUGARDAGUR 17. FEBRÚAR 2007 19
VIÐSKIPTI/ATHAFNALÍF
VÍSITALA íbúðaverðs á höfuð-
borgarsvæðinu var 313,4 stig í jan-
úar 2007 (janúar 1994=100) og
hækkaði um 2,3% frá fyrra mán-
uði. Síðastliðna 3 mánuði hækkaði
hún um 2,4%, síðastliðna 6 mánuði
hefur hún hækkað um 3,2% og
hækkun síðastliðna 12 mánuði var
6,9%.
Þetta kemur fram í tölum sem
Fasteignamat ríkisins hefur birt.
Morgunkorn Glitnis fjallar um
þessa hækkun og þar segir svo:
„Undanfarna mánuði hefur íbúða-
verð á höfuðborgarsvæðinu sveifl-
ast nokkuð og ýmist hækkað eða
lækkað. Undanfarna þrjá mánuði
hefur fasteignaverð hækkað um
2,4% og undanfarna sex mánuði
um 3,2%. Á síðustu tólf mánuðum
hefur íbúðaverð hækkað um 6,9%,
þar af hefur verð á fjölbýli hækk-
að um 4,8% en verð á sérbýli tölu-
vert meira eða um 13,7%.
Vísitala byggingarkostnaðar
hækkaði um 1,0% á milli janúar og
febrúar. Á síðustu tólf mánuðum
hefur vísitala byggingarkostnaðar
hækkað um 13,2%. Við samanburð
á þróun íbúðaverðs og byggingar-
vísitölunnar þarf að hafa í huga að
lóðaverð er ekki talið með í bygg-
ingarvísitölu en það er hluti af
fasteignaverði.“
Verð á íbúðum hækkar
Morgunblaðið/Brynjar Gauti
Húsnæði Bæði vísitala íbúðaverðs og vísitala byggingarkostnaðar á
höfuðborgarsvæðinu hafa hækkað töluvert að undanförnu.
NOKKRAR tegundir af ídýfum
sem Bakkavör Group framleiðir í
Bretlandi hafa verið innkallaðar.
Salmonella fannst við reglubundið
innra eftirlit í tveimur tegundum af
hummus-ídýfu (e. houmous dip) í
einni af verksmiðjum félagsins.
Orsökina má rekja til aðkeypts
hráefnis. Ekki er gert ráð fyrir að
atvikið muni hafa áhrif á fjárhags-
lega afkomu félagsins. Þetta segir í
tilkynningu frá félaginu í Kauphöll-
inni.
Þessar ídýfur eru mjög lítill hluti
heildarframleiðslunnar og það
skiptir miklu máli að gallinn fannst
við innra eftirlit en ekki vegna
kvartana neytenda.
Ídýfur
innkallaðar
FJÁRMÁLAEFTIRLITIÐ hefur
veitt Fjárfestingarfélaginu Gretti
hf. heimild til þess að fara með
28,07% virkan eignarhlut í Trygg-
ingamiðstöðinni hf. Framangreind
heimild er veitt með vísan til laga
nr. 60/1994, um vátryggingastarf-
semi.
Samkvæmt lögum um miðlun vá-
trygginga er virkur eignarhlutur
bein eða óbein hlutdeild í félagi sem
nemur 10% eða meira af eigin fé
eða atkvæðisrétti eða önnur hlut-
deild, sem gerir kleift að hafa veru-
leg áhrif á stjórn viðkomandi fé-
lags.
Grettir með
virkan eignar-
hlut í TM
SKORTUR á laxi frá Noregi hefur
valdið hækkun á verði á laxi í Evr-
ópu. Skýringin er sú að Norðmenn
hafa ekki slátrað nægilega miklu til
að svara eftirspurn.
Verð byrjaði að hækka í síðustu
viku og leiddi það til þess að kaup-
endur fóru að birgja sig upp til að
mæta hugsanlegum frekari verð-
hækkunum. Nokkur taugatitringur
hefur verið vegna þessa, þar sem
hækkandi verð dregur úr eftirspurn
og kemur bæði framleiðendum og
kaupendum illa, þegar upp er staðið.
Því munu nokkrir norskir framleið-
endur íhuga að auka slátrun og jafn-
vel bæta einum slátrunardegi við, til
að mæta eftirspurninni. Á hinn bóg-
inn eru margir stærstu framleiðend-
urnir með fasta samninga til lengri
tíma við kaupendur og verða því að
standa við umsamdar afhendingar
og verð.
Í síðustu viku hækkaði verðið um
nálægt 40 krónum íslenzkum, en á
móti styrktist norska krónan gagn-
vart evrunni.
Verð á laxi
fer hækkandi
Morgunblaðið/ÞÖK
♦♦♦
Bikarúrslitaleikur kvenna
Haukar – Keflavík
í Laugardalshöll kl. 14 á laugardaginn
Frímiðar á leikinn í boði Actavis!
Miðarnir liggja frammi í íþróttahúsi Hauka að Ásvöllum
í Hafnarfirði og Íþróttahúsinu við Sunnubraut í Keflavík.
Actavis er öflugur stuðningsaðili körfuknattleiks á Íslandi
Styðjum stelpurnar!
H
V
ÍT
A
H
Ú
S
IÐ
/
S
ÍA
–
8
4
3
2