Morgunblaðið - 17.02.2007, Blaðsíða 59

MORGUNBLAÐIÐ LAUGARDAGUR 17. FEBRÚAR 2007 59
KIRKJUSTARF
Æðruleysismessa
í Dómkirkjunni
Æðruleysismessa verður í Dóm-
kirkjunni á sunnudaginn kl. 20. Að
þessu sinni munu kvennakórarnir
Vox feminae og Gospelsystur
Reykjavíkur ásamt félögum úr
Stúlknakór Reykjavíkur annast
söng undir stjórn Margétar J.
Pálmadóttur og Arnhildar Val-
garðsdóttur píanóleikara. Þá verð-
ur einnig tjáning leikmanns en
prestarnir Anna Sigríður Páls-
dóttir, Bára Friðriksdóttir og Karl
V. Matthíasson munu þjóna að öðru
leyti. Allir eru hjartanlega vel-
komnir í þessa messu sem mun ein-
kennast af þakklæti, von, gleði og
bænagjörð.
Kirkjuskólinn í Mýrdal
Munið samveru Kirkjuskólans í
Mýrdal í grunnskólanum í Vík laug-
ardaginn 17. febrúar kl. 11.15.
Sóknarprestur
Sr. Sigurður Pálsson á
mannræktarkvöldum í
Laugarneskirkju
Þriðjudagskvöld eru sérstök mann-
ræktarkvöld í Laugarneskirkju.
Þau hefjast kl. 20 með kvöldsöng í
kirkjunni sem Þorvaldur Hall-
dórsson leiðir auk Gunnars Gunn-
arssonar píanóleikara og organista.
Sigurbjörn Þorkelsson fram-
kvæmdastjóri safnaðarins segir
nokkur orð og leiðir bæn.
Næstkomandi tvö þriðjudags-
kvöld þ.e. 20. og 27. febrúar mun sr.
Sigurður Pálsson flytja athygl-
isverð erindi sem hefjast að kvöld-
söngnum loknum eða um kl. 20.30.
Trúarlegt uppeldi í orði og verki,
er yfirskrift erindisins hinn 20.
febrúar og Trúarsannfæring og
umburðarlyndi í fjölmenning-
arsamfélagi er yfirskriftin þriðju-
dagskvöldið 27. febrúar.
Sr. Sigurður Pálsson er f.v. sókn-
arprestur í Hallgrímskirkju, f.v.
námsstjóri í kristnum fræðum og
fíknivörnum í menntamálaráðu-
neytinu, deildarstjóri hjá Náms-
gagnastofnun og fv. fram-
kvæmdastjóri Hins íslenska
Biblíufélags. Allir eru velkomnir á
mannræktarkvöld í Laugarnes-
kirkju.
Á sama tíma og erindin eru flutt
að loknum kvöldsöng í kirkjunni
kom einnig 12 spora-hópar kirkj-
unnar saman og halda áfram sinni
mikilvægu vinnu.
Eva María predikar
á konudaginn
Sunnudaginn 18. febrúar sem er
konudagurinn er messa kl. 11 í Ví-
dalínskirkju í Garðabæ. Í tilefni
dagsins munu einungis konur koma
að helgihaldinu. Sr. Jóna Hrönn
Bolladóttir leiðir helgihaldið ásamt
sr. Önnu Sigríði Pálsdóttur, sr.
Irmu Sjöfn Óskarsdóttur og Nönnu
Guðrúnu Zoëga djákna. Eva María
Jónsdóttir sjónvarpskona predikar.
Kvennakór Garðabæjar leiðir lof-
gjörðina undir stjórn Ingibjargar
Guðjónsdóttur kórstjóra og söng-
konu. Eftir messuna verður boðið
upp á súpu sem Lionsmenn í
Garðbæ reiða fram. Þar að auki
verður tískusýning í safnaðarheim-
ilinu frá Ise Jacobsen og einnig
verða sýndar töskur eftir listakon-
una Eddu Jónsdóttur. Það er
sunnudagaskóli á sama tíma í safn-
aðarheimilinu og þeim sem koma til
kirkjunnar gefst kostur á að
styrkja sunnudagaskólann með
fjárframlögum því börnin þar undir
stjórn Ármanns H. Gunnarssonar
æskulýðsfulltrúa hafa ættleidd þrjú
börn í gegnum Hjálparstarf þjóð-
kirkjunnar á þessum vetri. Allir
velkomnir. Sjá www.gardasokn.is
Kristni og íslensk
myndlist
Eru trú og list systur, flétta, eitt-
hvað allt annað og jafnvel óskyld
efni? Myndlistarmenn hafa um allar
aldir glímt við djúpgildin og túlkað
trúna með ýmsum hætti. Í opnu
húsi Neskirkju, miðvikudaginn 21.
febrúar, verður efnið skoðað. Dr.
Pétur Pétursson, guðfræðiprófess-
or, mun ræða um kristin stef í ís-
lenskri tuttugustu aldar myndlist
og sýna mynddæmi. Allir velkomn-
ir, kaffiveitingar frá kl. 15 á Torgi
Neskirkju.
Forsætisráðherra les
úr Passíusálmunum
Forsætisráðherra, Geir H. Haarde,
les fyrsta Passíusálminn í Graf-
arvogskirkju á öskudag 21. febrúar
nk. kl. 18. Þessi lestur markar upp-
hafið af lestri ráðherra og þing-
manna úr Passíusálmunum á föst-
unni, en þeir munu lesa einn
Passíusálm hvern virkan dag föst-
unnar. Þetta er þriðja árið í röð
sem þeir gera það. Hver stund hefst
kl. 18 og lýkur fimmtán mínútum
síðar. Þessar stundir bera yf-
irskriftina: Á leiðinni heim. Hugs-
unin
er sú, að fólk geti komið við í
Grafarvogskirkju á leiðinni heim til
sín í lok vinnudagsins og hlýtt á
einn Passíusálm. Síðasta skiptið
verður miðvikudaginn 4. apríl nk.
Þá mun Jón Sigurðsson, viðskipta-
og iðnaðarráðherra, lesa síðasta
sálminn.
Sálgæslusamvera
fyrir börn gömlu
upptökuheimilanna
Í tilefni af þeirri umræðu sem fram
hefur farið síðustu vikur um lífs-
reynslu og stöðu þeirra sem voru
börn á upptökuheimilum hins op-
inbera á árum áður, hefur hópur
fólks tekið sig saman um að halda
sálgæslusamveru í Laugarnes-
kirkju næstkomandi sunnudag, 18.
febrúar, kl. 17. Rúdolf Adólfsson
geðhjúkrunarfræðingur mun stýra
samkomunni. Til þessarar sálgæsu-
samveru er öllum sem voru börn á
upptökuheimilum boðið að koma og
deila reynslu sinni. Skipt verður í
smærri samtalshópa og mun prest-
ur eða djáknin leiða samtal hvers
hóps, þar sem rifjaðar verða upp
minningar æskuáranna jafnt ljúfar
sem leiðar. Kl. 19 verður súpa og
meðlæti í boði heilsufyritækisins
Maður Lifandi en kl. 20 mun haldin
hin mánaðarlega kvöldmessa í
Laugarneskirkju, sem að þessu
sinni verður helguð umhugsun um
menningu gömlu upptökuheim-
ilanna og fyrirbæn fyrir minn-
ingum þeirra sem þar áttu sína
daga. Rósa Ólöf Svavarsdóttir sem
nýlega kom fram í Kastljósi mun
þar greina frá lífi sínu og trú, sr.
Bjarni Karlsson prédikar, sr. Hild-
ur Eir Bolladóttir þjónar ásamt Sig-
urbirni Þorkelssyni meðhjálpara en
djasskvartett Gunnars Gunn-
arssonar leikur og Kór Laugarnes-
kirkju leiðir gospelsöng. Að lokum
verður á messukaffi í safn-
aðarheimilinu.
Konudagurinn í Fella-
og Hólakirkju
Á sunnudaginn er konudagurinn
enda hinn forni góu-mánuður að
hefjast og þorrinn að baki. Það hef-
ur verið venjan á konudaginn í
Fella- og Hólakirkju undanfarin ár
að konur taki virkan þátt, öðrum
dögum fremur, í helgihaldi kirkj-
unnar. Að þessu sinni munu konur
lesa lestra dagsins í messunni, org-
anisti er Arngerður María Árna-
dóttir. Sóknarprestur Fellasóknar
sr. Svavar Stefánsson prédikar og
þjónar fyrir altari. Að lokinni
messu munu karlar í söfnuðunum
bjóða kirkjugestum upp á nýbak-
aðar vöfflur með rjóma en þeir
munu sjá um baksturinn. Verið vel-
kominn á sunnudaginn og njótið
helgihaldsins og samverunnar í
kirkjunni.
Ríki og kirkja og konu-
dagur í Hallgríms-
kirkju
Sunnudagurinn í Hallgrímskirkju
hefst með Fræðslumorgni í suð-
ursalnum kl. 10. Að þessu sinni tal-
ar dr. Sigurjón Árni Eyjólfsson um
efnið „ríki og kirkja“. Nýlega sendi
dr. Sigurjón frá sér bók undir þessu
nafni þar sem hann rekur á skýran
hátt hin flóknu tengsl ríkisvaldsins
og kirkjustofnunarinnar í gegn um
aldirnar. Aðgangur að þessu
áhugaverða erindi er öllum opinn
og án endurgjalds. Að loknu spjalli
yfir kaffibolla býðst þeim sem það
kjósa að ganga inn í kirkju til mess-
unnar kl. 11. Að messunni þjónar
hópur messuþjóna ásamt sr. Birgi
Ásgeirssyni og sr. Maríu Ágústs-
dóttur sem í prédikun sinni ræðir
hinar ýmsu birtingarmyndir of-
beldis gegn konum og á hvern hátt
kristin trú getur verið okkur áskor-
un og hvati til aðgerða. Drengjakór
Reykjavíkur syngur þekkta sálma
eftir konur undir stjórn Friðriks S.
Kristinssonar og við orgelið situr
Hörður Áskelsson. Verið öll inni-
lega velkomin í Hallgrímskirkju.
Morgunblaðið/ÓmarPapeyjarkirkja
FRÉTTIR
JÁ, sem rekur upplýsingaþjón-
ustuna 118, annast ritstjórn og út-
gáfu Símaskrárinnar og rekstur
vefjarins ja.is, hefur gert samning
við Skógræktarfélag Íslands um að
árlega verði gróðursettar 1.500
trjáplöntur á jörðinni Ingunnar-
stöðum í Brynjudal.
Með samningnum, sem er til
þriggja ára, vill Já skapa mótvægi
við þau 1.500 tré sem felld eru
vegna prentunar símaskrárinnar á
ári hverju og stuðla að sjálfbærum
rekstri og skynsamlegri nýtingu
þeirrar auðlindar sem skógar eru.
Já mun styrkja Skógræktarfélagið
vegna gróðursetningarinnar og
tengdra verkefna.
Samningur Magnús Jóhannesson, formaður Skógræktarfélags Íslands, og
Sigríður Margrét Oddsdóttir, framkvæmdastjóri Já, handsala samninginn.
Já styrkir skógrækt
UMFERÐARÓHAPP varð á mótum
Breiðholtsbrautar og Stekkjar-
bakka föstudaginn 2. febrúar síð-
astliðinn um kl. 13.54, en umferð
þar er stjórnað með umferðar-
ljósum. Lentu þar saman fólks-
bifreið af Honda Civic-gerð, hvít að
lit, sem ekið var suður Stekkjar-
bakka og fólksbifreið af gerðinni
Toyota Yaris, hvít að lit, sem ekið
hafði verið vestur Breiðholtsbraut.
Ágreiningur er uppi um stöðu
umferðarljósa þegar áreksturinn
varð og því eru þeir vegfarendur
sem kunna að hafa orðið vitni að
óhappinu, beðnir um að hafa sam-
band við lögreglu í síma 444 1000.
Lýst eftir vitnum
NÝLEGA kom upp tilvik fugla-
flensu í Bretlandi og salmonellu-
smit í Svíþjóð.
„Kjúklingaframleiðendur í Ís-
landi vilja benda á að allt innra eft-
irlit hér á landi er mjög virkt, mun
betra en í öðrum löndum, og mjög
litlar líkur á að það komi upp skæð-
ir faraldrar eins og almenningur
hefur heyrt og séð í fréttum,“ segir
í tilkynningu frá kjúklinga-
framleiðendum. „Á sama tíma er
verið að afvegaleiða neytendur í
auglýsingum um lágt draumalands-
verð á kjúklingakjöti, verð sem
stenst ekki þar sem um innkaups-
verð er að ræða út úr kjötvinnslum
í nágrannalöndunum (þ.á m. Sví-
þjóð og Danmörku), en ekki er tek-
ið inn í verðið kostnaður við að
koma vörunni til landsins, dreifa
henni og álagning verslunarinnar
felld niður, allt til að skapa neyt-
endum óraunhæfar væntingar. Hér
á landi er allt eftirlit mjög gott en
hafa ber í huga að slíkt eftirlit kost-
ar, en á móti fær neytandinn hér á
landi ferska gæðavöru lausa við allt
smit og sjúkdóma,“ segir í tilkynn-
ingu kjúklingaframleiðenda.
Segja innra eft-
irlit mjög virkt
VESTNORRÆNA ráðið, sem er
samstarfsvettvangur þjóðþinga
Færeyja, Grænlands og Íslands,
verður 10 ára í ár. Af því tilefni
standa löndin í fyrsta skipti að sam-
eiginlegri vestnorrænni frímerkja-
útgáfu.
Þema frímerkjanna er umhverf-
isvæn orka, en ráðið hefur jafnan
lagt áherslu á að þróaðir séu og not-
aðir hreinir orkugjafar. Myndin á
færeyska frímerkinu táknar haf-
ölduorku, myndefni grænlenska frí-
merkisins er vatnsorka og íslenska
frímerkisins jarðvarmi. Merki Vest-
norræna ráðsins er jafnframt á öll-
um frímerkjunum.
Vestnorrænu ríkin þrjú hafa öll
lagt áherslu á að minnka notkun
jarðefnaeldsneytis og þróa þess í
stað og nota umhverfisvæna end-
urnýjanlega orkugjafa, svo sem
vatns-, haföldu- og jarðvarmaorku. Í
Færeyjum eru uppi áform um að
þróa hafölduorkuver til að framleiða
hreina endurnýjanlega orku, Græn-
land nýtir í síauknum mæli vatns-
orku og á Íslandi fjölgar jarð-
varmaorkuverum.
Vestnorræna ráðið var stofnað ár-
ið 1997 og tók þá við af Vestnorræna
þingmannaráðinu sem stofnað var
árið 1985. Samþykktur var stofn-
sáttmáli árið 1997 og komið var á fót
skrifstofu ráðsins í Reykjavík. Með-
al mála sem ráðið hefur beint athygli
að frá stofnun eru nánara samstarf
ríkisstjórna landanna, umhverfis-
mál, bættar samgöngur á Vestur-
Norðurlöndum, aukin viðskipti á
milli landanna, sjálfbær nýting nátt-
úruauðlinda, menningarsamskipti
þjóðanna, málefni Norður-Atlants-
hafsins og Norðurskautsins, sam-
starf á sviði öryggismála, staða
Vestur-Norðurlanda í alþjóða-
samfélaginu o.fl.
Í ráðinu eru sex þingmenn frá
hverju landi. Formaður þess er
Jonathan Motzfeldt en formaður Ís-
landsdeildar ráðsins er Halldór
Blöndal. Ráðið heldur upp á 10 ára
afmælið á hátíðarársfundi sem hald-
inn verður í Nuuk í Grænlandi í
ágúst.
10 ára Afmæli Vestnorræna
ráðsins er fagnað með sameig-
inlegri frímerkjaútgáfu.
10 ára afmæli fagnað
með frímerkjaútgáfu