Morgunblaðið - 25.02.2007, Qupperneq 44

44 SUNNUDAGUR 25. FEBRÚAR 2007 MORGUNBLAÐIÐ
UMRÆÐAN
Sérlega glæsileg 173 fm íbúð á einni hæð í nýlegu húsi í Þingholtun-
um. Íbúðin er mjög opin og björt. Útsýni er gott og það sér í Snæfells-
jökul úr stofu og af svölum. Aðeins eru 2 íbúðir í húsinu sem er fyrir
ofan bílastæðahús í eigu Reykjavíkurborgar. V. 57,0 m. 6416
EIGNIN VERÐUR TIL SÝNIS Í DAG (SUNNUDAG) FRÁ KL. 13-14.
Gengið inn frá efra bílastæði.
Sverrir Kristinsson, löggiltur fasteignasali
OPIÐ HÚS Bergstaðastræti 6 - 2. hæð
Hraunhamar fasteignasala hefur fengið í sölu glæsilegt einbýlishús, um 250 fm, vel
staðsett á frábærum útsýnisstað í Hvammahverfi í Hafnarfirði. Falleg lóð með u.þ.b.
80 fm sólpalli, frábæru útsýni og möguleiki á aukaíbúð á neðri hæð. Húsið er skráð
234 fm en að sögn eiganda er 15 fm ósamþykkt rými á neðri hæð. Eignin skiptist í for-
stofu, hol, eldhús með þvottahúsi inn af, stofu með arni, borðstofu, sjónvarpshol,
gang, 3 barnaherbergi, baðherbergi, hjónaherbergi með fataherbergi og baðherbergi
inn af. Á neðri hæð er sérinngangur, þrjú herbergi, baðherbergi og geymsla.
Verð 63,7 millj. Upplýsingar Þorbjörn Helgi, s. 896 0058.
Bæjarhrauni 10 • Hafnarfirði • Sími 520 7500 • www.hraunhamar.is
Háihvammur - Hf. Glæsilegt
Karl Gunnarsson hdl., lögg. fasteignasali
F A S T E I G N A S A L A
SUÐURLANDSBRAUT 10, 2. HÆÐ F. OFAN BLÓMASTOFU FRIÐFINNS, 108 REYKJAVÍK
SÍMI 533 1616 FAX 533 1617
Falleg og rúmgóð nýlega
standsett 91 fm 3ja herbergja
íbúð á 3. hæð. Sérinngangur af
svölum. Nýleg tæki í eldhúsi,
nýlega standsett flísalagt bað-
herbergi, nýleg innrétting. Ný-
legt parket. LAUS STRAX.
Verð 18,9 millj.
OPIÐ HÚS Í DAG KL. 14-16
AUSTURBERG 30 – 3. HÆÐ
ÞAÐ hefur varla farið framhjá
neinum sú umræða sem átt hefur
sér stað um tengibrautina við
Helgafellshverfið og hugsanleg
áhrif lagningar hennar á Álafoss-
kvosina og umhverfi
Varmárinnar. Var-
mársamtökin hafa
gengið fram fyrir
skjöldu til að freista
þess að hafa áhrif á
bæjaryfirvöld og leiða
þeim fyrir sjónir að
nauðsyn beri til vand-
aðri vinnubragða og
stefnumörkunar af
hálfu bæjarstjórnar
þegar framkvæmdir
eru fyrirhugaðar við
svo viðkvæm svæði.
Hafa samtökin ásakað
meirihluta sjálfstæð-
ismanna og VG í bæj-
arstjórn Mosfells-
bæjar fyrir óbilgirni í
samskiptum. Þegar
ferill málsins er skoð-
aður allt frá vorinu
2006 má sjá að meiri-
hluti sjálfstæðismanna
þá og síðar með full-
tingi VG hafa engan
vilja haft til að skoða
þær athugasemdir og
varnaðarorð sem fram
hafa komið vegna
þessarar fram-
kvæmdar.
Afstaða Samfylkingar
Við vinnslu deiliskipulagsins af
tengibrautinni á sl. vori komu fram
mjög alvarlegar athugasemdir og
varnaðarorð m.a. frá Varmárs-
amtökunum og Umhverfisstofnun
um möguleg skaðleg áhrif tengi-
brautarinnar á Varmána og um-
hverfi hennar sem og á Álafoss-
kvosina. Þá strax í maí á sl. ári
lagði Samfylkingin til að þessi varn-
aðarorð yrðu tekin alvarlega og all-
ar fyrirætlanir um legu braut-
arinnar yrðu endurskoðaðar í heild
sinni og hefur síðan á öllum stigum
málsins lagt slík hið sama til. End-
urskoðun sú sem Samfylkingin
lagði til fólst í því að allir hugs-
anlegir kostir á legu tengingar að
Helgafellshverfi yrðu skoðaðir m.a.
með tilliti til umhverfisáhrifa,
tæknilegra lausna og kostnaðar.
Hinir mismunandi kostir yrðu síðan
bornir saman á grundvelli rann-
sókna og athugana sérfræðinga á
hverju sviði fyrir sig. Á grundvelli
slíkra rannsókna væri því hægt að
beita markvissari mótvæg-
isaðgerðum en ella
hvað varðar þann kost
sem fyrir valinu yrði.
Hvað slíka athugun
varðar dugar ekki eig-
in rannsókn forseta
bæjarstjórnar, sem
hann nefnir í grein
sinni í Morgunblaðinu
14. febr. sl., né það
huglæga mat sem
meirihluti sjálfstæð-
ismanna og VG hafa
beitt í málinu.
Rök meirihlutans
Meirihluti sjálfstæð-
ismanna og VG telur
sig hafa lagt fram
haldbær rök fyrir
ákvörðun sinni sem að
mestu leyti eru fullyrð-
ingar sem ekki stand-
ast nánari skoðun og
pólitísk fúkyrði í anda
þeirra sem eiga vond-
an málstað að verja.
Lykilorðið í rök-
semdafærslu þeirra er
að tengibrautin hafi
verið á aðalskipulagi
Mosfellsbæjar frá því
á árinu 1983. Þar með
eru allir þeir sem komið hafa að
staðfestingu aðalskipulags frá þeim
tíma ábyrgir. Slík röksemdafærsla
er í anda óþroskaðra barna sem
segja „Hann byrjaði“ „Hann líka“.
Með slíkri röksemdafærslu er verið
að halda því fram að ekkert hafi
breyst frá þessum tíma í umhverfi
okkar, í viðhorfum eða lagaum-
hverfi. Að umfang íbúahverfisins og
þar með brautarinnar sem því á að
þjóna hafi ekkert breyst á þessum
árum. Í aðalskipulagi frá árinu 1983
var gert ráð fyrir 200 manna íbúða-
byggð í Helgafellslandi, í að-
alskipulagi sem tók gildi á árinu
1994 var gert ráð fyrir 200 íbúðum
og í gildandi aðalskipulagi sem tók
gildi á árinu 2003 er gert ráð fyrir
um 800 íbúðum. Í þeim deiliskipu-
lagsáætlunum sem liggja fyrir nú
um íbúðabyggð í Helgafellshverfi er
gert ráð fyrir ríflega 1.000 íbúðum.
Deiliskipulagið er nánari útfærsla
aðalskipulags og þegar svo alvar-
legar athugasemdir og viðvaranir
koma upp við vinnslu þess eins og í
tilfelli tengibrautarinnar eiga kjörn-
ir fulltrúar ekki að slá hausnum við
steininn heldur að vera menn til að
endurskoða fyrri ákvarðanir á
grundvelli nýrra athugasemda og
viðhorfa.
Ábendingar
Vegna greinar forseta bæj-
arstjórnar, sem jafnframt er oddviti
VG í bæjarstjórn Mosfellsbæjar, í
Morgunblaðinu er rétt að benda á
eftirfarandi: Fyrir tíu árum, eða
1997, í tíð fyrrum meirihluta vinstri
manna, tók gildi umhverfisskipulag
Varmársvæðis með Álafosskvos
sem hjarta þess. Með þeirri vinnu
sem hafði þá staðið í nokkurn tíma
var lagður grunnur að stefnumörk-
un um verndun Varmársvæðisins til
útivistar í hjarta bæjarins og upp-
reisnar kvosarinnar í menningar-
og sögulegu tilliti. Til þessa virðist
núverandi meirihluti vera að vitna
þegar þeir nefna til sögunnar ná-
kvæmar athuganir á umhverfi
Varmár og umfangsmikla kynningu
og umræðu meðal bæjarbúa. A.m.k.
hafa þeir ekki getað lagt fram nýrri
gögn þó eftir þeim væri kallað.
Einnig er rétt að benda á að tengi-
brautin yfir Varmá var felld út af
aðalskipulagi í framhaldi af vinnu
við umhverfisskipulag Varmárinnar
en ekki í tíð núverandi meirihluta.
Jafnframt er rétt að fram komi að á
núverandi aðalskipulagi sem og á
deiliskipulagstillögum Helgafells-
svæðis er einnig gert ráð fyrir
tengibraut úr hverfinu yfir á Þing-
vallaveg sem oddviti VG virðist ekki
gera sér grein fyrir.
Að lokum
Þess verður að krefjast að kjörn-
ir fulltrúar hafi vilja og getu til að
efla upplýsta umræðu um málefni
bæjarins og hlusta á raddir bæj-
arbúa við undirbúning mála. Sinnu-
leysi, offors, blíðmælgi eða rang-
færslur allt eftir því hvernig vindar
blása hverju sinni er ekki kjörnum
fulltrúum sæmandi.
Enn af tengibraut í Mosfellsbæ
Jónas Sigurðsson fjallar um
tengibraut í Mosfellsbæ
» Þegar ferillmálsins er
skoðaður má sjá
að meirihlutinn
hefur engan
vilja haft til að
skoða þær at-
hugasemdir og
varnaðarorð
sem fram hafa
komið.
Jónas Sigurðsson
Höfundur er oddviti Samfylkingar
í bæjarstjórn Mosfellbæjar.
ENN á ný bendir allt til kjara-
deilu milli grunnskóla landsins og
menntamálayfirvalda. Nýverið
mátti sjá Geir Haarde og Guðlaug
Þórðarson kokhrausta í þinginu,
benda á sveitarfélögin og skilja
ekki hvernig nokkrum manni dett-
ur í hug að fara fram á að rík-
isstjórnin blandi sér í málið.
Nýlega horfði ég einnig á flokks-
systur þeirra, Þorgerði Katrínu,
hæla sér af góðri stöðu mennta-
mála í landinu í sjónvarpinu. Hún
sagðist aldeilis stolt og glöð axla
ábyrgð á þeim, þetta er víst í svo
myljandi góðu lagi allt saman.
Menntastefna ríkisstjórnar sjálf-
stæðismanna síðasta rúman áratug
er heldur betur að virka.
Ég veit ekki um aðra en ég hef
fengið nóg af því áróðursbragði
sjálfstæðismanna að segja í sífellu í
fjölmiðlum að svart sé hvítt í krafti
þeirrar staðreyndar að þeir sem
ekki þekki málin nægilega vel muni
trúa. Sú aðferð hefur dugað þeim
vel en er hún nógu „málefnaleg“?
Hvar eru skólamálin stödd eftir
gæfuríka og styrka stjórn sjálf-
stæðismanna allan
þennan tíma? Ef litið
er á alþjóðlegar kann-
anir koma staðreyndir
málsins fljótt og
örugglega í ljós.
Í PISA-könnun á
stöðu 15 ára nemenda
OECD og fleiri landa í
þremur greinum árið
2003 mælist marktæk
afturför á árangri Ís-
lendinga í lestri og
stærðfræði, frá því í
PISA-könnun árið
2000. Hérlendir ung-
lingar eru rétt í með-
allagi í lestri, í með-
allagi í stærðfræði og
undir meðallagi í nátt-
úrufræði (sem end-
urspeglar kannski
áherslur ríkisstjórn-
arinnar í hérlendum
náttúrufræðum, hver
þarf svosem nátt-
úrufræðisafn? Enda er
þetta víst mikið til hundljót nátt-
úra, a.m.k. ef marka má nokkra af
helstu ráðamönnum þjóðarinnar).
Í PIRLS, alþjóðlegri lestr-
arkönnun 9 ára barna, 2001, eru ís-
lensk skólabörn í 20. sæti, standa
sig síður en t.d. börn í Grikklandi,
Rússlandi, Tékklandi og Ungverja-
landi. Hins vegar eru þau með
svipað mörg stig og nemendur í
Rúmeníu, Slóvakíu og Ísrael. Ís-
lendingar eru 12 stigum yfir með-
altalinu 500. Enn stöndum við okk-
ur þó betur í lestrarkunnáttu en
Belize, Tyrkland og Kólumbía. At-
hygli vekur að ef kunnáttu barna í
lestri er skipt í upp-
lýsinga- og bók-
menntalestur eru ís-
lensk börn enn lægri í
að lesa til að afla sér
upplýsinga, með 504
stig.
Alþjóðleg könnun
um upplýsingamennt
í skólum, SITES, tek-
ur til 4. og 8. bekkjar
grunnskóla og 2.
bekkjar í mennta-
skóla. Önnur lönd í
könnuninni eru t.d.
Danmörk, Finnland,
Noregur, Rússland og
Frakkland. Íslensk
fjórðu bekkjar börn
eru langlægst í tölvu-
kunnáttu, hvort sem
um er að ræða að
skrifa skjöl, nota
töflureikni eða al-
menna notkun. Í öðr-
um bekk í mennta-
skóla er ástandið
ennþá þannig að Íslendingar eru á
botninum þegar kemur að því að
leita upplýsinga (30% móti 60–
70%) og í sjálfsnámi (5% móti
20%).
Það er sjálfsagt hægt að vera
stoltur af þessum árangri ef metn-
aður er ekki mikill. Ég finn ekki
fyrir stolti. Í mínum huga er 17.–
20. sæti í þrautalausnum, 13.–16. í
stærðfræði, 19.–23. í náttúrufræði
og 17.–24. í lestri (PISA) ekki góð-
ur árangur og alveg á skjön við há-
fleygan talsmáta fyrirmenna í
menntamálum fyrir kosningar.
Veruleikanum verður ekki lýst með
ódýrum kosningaloforðum.
Ástandið í grunnskólum landsins
er nefnilega ekki gott. Og fer
versnandi. Ég veit að flestir vilja í
lengstu lög halda í þá trú að allt sé
í lagi í skólum barna sinna. Það er
bara ekki þannig. Kennsla verður
sífellt erfiðara starf. Sveitarfélög
hafa velflest ekki bolmagn til að
mæta þeirri staðreynd, eða aukn-
um kröfum samfélagsins, með
hærri launum handa þeim sem við
hana starfa. Lítil sveitarfélög eru
þvert á móti að kikna undan
rekstri skóla. En menntun í land-
inu er víst ekki vandamál rík-
isstjórnarinnar lengur. Kannski er
Þorgerður svona stolt af því meist-
araverki kollega síns að þvo hend-
ur sínar af grunnskólum landsins
og velta þeim yfir á sveitarfélögin –
án fjármagns sem til þurfti svo
reka megi þá með sóma.
Þegar ég skrifaði grein í Morg-
unblaðið sl. sumar um illa samin
samræmd próf fékk ég persónulegt
bréf frá menntamálaráðherra þar
sem hún taldi mig slá niður jafn-
réttisbaráttu kvenna með því að
finna að störfum sínum. Ég vona að
slíkur misskilningur stingi ekki
upp kollinum nú. Ég er sumsé að
gagnrýna ríkisstjórnina af því að
ég hef hálfgerða skömm á því sem
hún stendur fyrir og setur á oddinn
í nánast öllum málaflokkum.
Hverjir eru í alvöru að hugsa um
að kjósa þetta lið í vor? Léttum nú
af okkur farginu og kjósum bjart-
ari framtíð handa börnunum okkar.
Í góðu lagi?
Ingunn Snædal fjallar
um menntamál
» Það er sjálf-sagt hægt að
vera stoltur af
þessum árangri
ef metnaður er
ekki mikill. Ég
finn ekki fyrir
stolti.
Ingunn Snædal
Höfundur er kennari og andstæð-
ingur sitjandi ríkisstjórnar.