Morgunblaðið - 25.11.2007, Blaðsíða 2

Maðurinn í héraðsdómi árið 2004.
KARLMAÐUR á þrítugsaldri hefur
verið úrskurðaður í gæsluvarðhald
til 30. nóvember nk. vegna brots á
útlendingalögum og lögum um
ávana- og fíkniefni. Maðurinn var
stöðvaður í Hafnarfirði um miðja síð-
ustu viku ásamt öðrum karlmanni á
svipuðum aldri og fundust í fórum
þeirra um 100 grömm af amfetamíni.
Við nánari skoðun á skilríkjum
mannanna kom í ljós að annar þeirra
er í endurkomubanni vegna dóms
sem hann hlaut á árinu 2004 í
tengslum við svonefnt líkfundarmál.
Í því máli játaði maðurinn að hafa
flutt 220 grömm af amfetamíni til
landsins.
Í tilkynningu frá ríkislögreglu-
stjóra kemur fram að greiningar-
deild og sérsveit ríkislögreglustjóra
hófu leit að manninnum eftir að
grunur vaknaði um að hann hefði
farið huldu höfði hér á landi. Leitin
bar árangur á þriðjudaginn.
Samkvæmt útlendingalögum
varðar það sektum eða fangelsi allt
að sex mánuðum ef endurkomubann
er virt að vettugi.
Tekinn
með am-
fetamín
„Líkfundarmaður“
í gæsluvarðhaldi
2 SUNNUDAGUR 25. NÓVEMBER 2007 MORGUNBLAÐIÐ
FRÉTTIR
Eftir Guðmund Sverri Þór
sverrirth@mbl.is
TÍMABÆRT er að Íslendingar taki
höndum saman við Dani og Norð-
menn og setji reglur um umferð far-
þegaskipa á hafísslóðum. Þetta segir
Halldór B. Nellett, skipherra og
framkvæmdastjóri aðgerðasviðs hjá
Landhelgisgæslunni, en Gæslan hef-
ur að hans sögn áhyggjur af aukinni
umferð skemmtiferðaskipa á hafís-
slóðum fyrir norðan land og við
Grænland enda er ekki ósennilegt að
Landhelgisgæslan þyrfti að sinna
björgunaraðgerðum lentu þau í slysi.
Farþegaskipið M/S Explorer rakst á
hafís úti fyrir Suðurskautslandinu í
fyrradag og af gervitunglamynd sem
birtist í Morgunblaðinu í gær má sjá
að hafís er mjög nálægt Íslandi um
þessar mundir. Því er eðlilegt að
spurningar vakni um það hvernig
Landhelgisgæslan er í stakk búin til
þess að bregðast við svipuðum að-
stæðum ef sams konar slys yrði hér á
norðurslóðum enda engar björgun-
arstöðvar á A-Grænlandi.
Að sögn Halldórs gætu slíkar að-
gerðir reynst erfiðar enda ekki auð-
velt að fara inn í ísinn á skipum.
Gæslan sé hins vegar með mjög öfl-
ugar þyrlur og gríðarlega öflugan
mannskap en Halldór segir afar lík-
legt að um samstarfsverkefni við
Dani yrði að ræða enda séu dönsk
varðskip, s.s. Tríton og Hvíti Björn,
oft úti á Dohrnbanka.
„Þetta fer í fyrsta lagi eftir veðri
og skyggni og síðan er spurning um
fjölda farþega og hvort einhver skip
séu nærstödd sem hægt er að ferja
fólk yfir í. Það skiptir einnig máli
hvernig ísinn er umhverfis skipið og
hvort hægt sé að sjósetja í hann
báta. Það gæti orðið mjög erfitt ef ís-
inn er mjög þéttur. Ef skip væri að
sökkva í þykkum ís og svartaþoku og
ekki hægt að sjósetja báta væru það
hrikalegar aðstæður. Sérstaklega ef
þokan kemur í veg fyrir að hægt sé
að nota þyrlu. Það geta skapast mjög
slæmar aðstæður,“ segir Halldór.
Hann segir það ábyrgðarhlutverk
að senda skip, þótt þau séu ágætlega
búin, ein síns liðs á hafísslóðir þar
sem þokur eru tíðar. Tímabært sé að
Íslendingar, Danir og Norðmenn
setji í sameiningu reglur um umferð
skipa á þessum slóðum. Halldór
bendir á að annaðhvort geti skip far-
ið tvö eða jafnvel fleiri saman eða
þau eigi ekki að fara á hættuslóðir
nema öruggt sé að björgunarskip sé
ekki langt undan.
Þess má geta að M/S Explorer
sökk á föstudagskvöldið en eins og
fram hefur komið tókst að bjarga öll-
um farþegum þess og áhöfn. Skipið
hafði oft komið til Íslands.
Tímabært að setja reglur
um umferð á hafísslóðum
LHG hefur
áhyggjur af auk-
inni umferð
Ljósmynd/Helgi Garðarsson
Sokkinn M/S Explorer leggur að bryggju á Eskifirði árið 1999. Skipið
sökk úti fyrir Suðurskautslandinu í fyrradag eftir að hafa rekist á hafís.
NEMAR Menntaskólans í Reykjavík notuðu tækifærið í
vikunni og æfðu fimar fótboltatærnar í Hljóm-
skálagarðinum enda ekki ráð nema í tíma sé tekið; HM
í Suður-Afríku eftir þrjú ár og allt opið ennþá í lands-
liðinu. Ekki er spáð góðu veðri í Reykjavík í dag, snjó-
komu og éljum en léttir þó til þegar líður á daginn.
Vippað yfir markmanninn?
Morgunblaðið/Golli
MORGUNBLAÐINU hafa borist
nokkrar ábendingar um nýyrði í
stað starfsheitisins ráðherra.
Meðal tillagn-
anna er orðið
„ráðari“ sem
nær til beggja
kynja líkt og
orðið kennari.
Mennta-
málaráðherra
yrði þá mennta-
málaráðari og til
yrði landbún-
aðarráðari
o.s.frv.
Önnur tillaga er orðið „ráð-
vandur“, sem í kvenkyni væri
„ráðvönd“. Forsætisráðherra yrði
því forsætisráðvandur en forsæt-
isráðvönd í tilfelli konu.
Steinunn Valdís Óskarsdóttir,
þingmaður Samfylkingarinnar,
lagði fram þingsályktunartillögu á
Alþingi í vikunni um að breytingar
yrðu gerðar á starfsheiti ráðherra
sem hæfa myndi báðum kynjum.
Benti hún á að ótækt væri að nota
orðið herra um konu og hafa
margir tekið undir með henni,
m.a. á bloggsíðum.
Forsætis-
ráðvönd?
Hannes Hafstein,
fyrsti ráðarinn?
HÆTTA á um-
ferðarslysum
vegna sjúkdóma
eða neyslu lyfja
tengdra þeim er
sambærileg hætt-
unni sem hlýst af
ölvun eða neyslu
fíkniefna, segir í
nýrri varnaðar-
skýrslu Rannsóknarnefndar umferð-
arslysa (RNU).
Nefndin leggur til að samgöngu-
ráðuneytið endurskoði án tafar regl-
ur um ökuhæfi og heilbrigðisskilyrði.
Samkvæmt slysaskrá Umferðar-
stofu má rekja fjörutíu umferðarslys
sem ollu meiðslum á árunum 2002-
2006 til veikinda ökumanna. Önnur
68 umferðarslys sem ekki ollu
meiðslum á sama tímabili má rekja til
sömu orsakar. Samanlagt eru þetta
um 20 tilfelli á ári, sem þó hafa ekki
verið rannsökuð ítarlega og ber því
að taka með fyrirvara.
Í skýrslu RNU er greint frá rann-
sókn nefndarinnar á 13 dauðsföllum í
umferðinni frá árinu 1998, sem rakin
eru til veikinda eða lyfjanotkunar
ökumanna. Í 11 af 13 tilvikum var vit-
að um veikindi ökumanns og í einu til-
viki átti atvinnubílstjóri langa sjúkra-
sögu. Algengustu sjúkdómarnir í
þessum 13 tilfellum eru hjarta- og
æðasjúkdómar. Geðræn vandamál
voru orsök tveggja dauðsfallanna,
þar sem ökumenn voru undir áhrifum
geðdeyfðarlyfja. Samkvæmt rann-
sókn RNU er talið að þeir ökumenn
hafi framið sjálfsvíg í umferðinni.
RNU gagnrýnir að læknum beri
ekki skylda til að tilkynna veikindi og
lyfjaneyslu sjúklinga, ökumenn geti
því haldið réttindum í 52 ár, óháð lík-
amlegu og andlegu ástandi.
RNU telur lögum um ökuhæfi ekki
vera framfylgt með viðunandi hætti,
hægt sé að gera mun betur. Nefndin
hvetur einnig ökumenn í áhættuhópi
vegna veikinda eða lyfjanotkunar til
að gangast undir endurmat á öku-
hæfi.
13 dauðaslys í umferðinni voru
rakin til veikinda ökumanna
Í HNOTSKURN
»Ökumenn geta haldið öku-réttindum í 52 ár burtséð
frá líkamlegu og andlegu
ástandi þeirra.
»Leiðbeina þarf aðstand-endum og heilbrigðisstarfs-
mönnum um hvernig standa
skuli að sviptingu ökuleyfa.
TF-SÝN, Fokkerflugvél Landhelg-
isgæslunnar, og þyrlan TF-GNÁ
voru í fyrradag fluttar til Keflavík-
urflugvallar en þar hefur Gæslan
nú fengið tímabundin afnot af að-
stöðu í flugskýli. Þetta kemur fram
í frétt á vef Landhelgisgæslunnar
en þar segir að vegna stækkunar
flugflota Gæslunnar hafi verið far-
ið að þrengjast um í flugskýlinu á
Reykjavíkurflugvelli.
Auk flugvélarinnar hefur Gæsl-
an nú til umráða fjórar þyrlur.
Ekki kemur fram hversu lengi hún
hefur flugskýlið í Keflavík til af-
nota.
Gæslan á
Keflavíkur-
flugvöll
♦♦♦
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
ÞRÍR voru fluttir á slysadeild Land-
spítala í Fossvogi eftir að bifreið
þeirra valt á Laugarvatnsvegi,
skammt frá bænum Efra-Apavatni,
á sjöunda tímanum á föstudags-
kvöld. Fólkið var ekki talið alvarlega
slasað og slapp vel að sögn lögregl-
unnar á Selfossi. Bifreiðin er hins
vegar gjörónýt.
Nokkur hálka var á veginum sem
talin er hafa átt þátt í slysinu. Öku-
maður missti stjórn á bílnum og í
kjölfar þess fór hann tvær veltur og
hafnaði ofan í lækjarfarvegi.
Fjölmargir árekstrar hafa orðið
víðsvegar á landinu sökum hálku
undanfarna tvo daga en samkvæmt
upplýsingum lögreglu flestir minni-
háttar.
Sluppu vel
eftir bílveltu
♦♦♦