Morgunblaðið - 25.11.2007, Blaðsíða 4

4 SUNNUDAGUR 25. NÓVEMBER 2007 MORGUNBLAÐIÐ
FRÉTTIR
Eftir Andra Karl
andri@mbl.is
FELLD hefur verið úr gildi ákvörð-
un lögreglustjórans á höfuðborg-
arsvæðinu frá 21. september sl. um
tímabundna sviptingu rekstrarleyfis
veitingastaðarins Strawberries.
Þetta kemur fram í úrskurði dóms-
málaráðuneytisins. Þar segir að lög-
reglustjóri hafi ekki látið uppi gagn-
vart rekstraraðilum hvaða úrbætur
væru nauðsynlegar til að staðurinn
héldi leyfinu; þannig gafst þeim ekki
tækifæri til að gæta mikilvægra
hagsmuna sinna áður en ákvörðun
var tekin um leyfissviptingu.
Snemma í ágústmánuði tók lög-
reglustjóri ákvörðun um að loka
Strawberries sökum þess að þar færi
fram starfsemi sem ekki samræmd-
ist útgefnu leyfi staðarins. Var sú
ákvörðun m.a. byggð á því að nekt-
ardans fór fram í básum í kjallara
staðarins. Var rekstraraðilum til-
kynnt að til athugunar væri að svipta
staðinn tímabundið leyfi og gefinn
frestur til að bæta úr annmörkum.
Rekstraraðilar skutu ákvörðun
lögreglustjóra til dómsmálaráðu-
neytis sem staðfesti hana 31. ágúst
sl. Í kjölfarið sendi lögmaður Straw-
berries tölvubréf til lögreglustjóra
þar sem útlistað var hvaða breyt-
ingar yrðu gerðar. Þar segir m.a.: „Í
fyrsta lagi hafa verið tekin niður öll
skilrúm í kjallara hússins þannig að
engin lokuð svæði eru inni á veit-
ingastaðnum. Í öðru lagi hafa verið
gefin skýr fyrirmæli um að „nekt“ í
hvaða mynd sem er sé algjörlega
óheimil á veitingastaðnum.“ Einnig
að settar yrðu upp öryggismynda-
vélar og lögreglu boðið að skoða upp-
tökur úr þeim hvenær sem væri, án
úrskurðar. Lögreglustjóri svaraði
bréfinu á þá leið að til skoðunar væri
að svipta staðinn rekstrarleyfi og gaf
frest til 14. september til að bæta úr
annmörkum.
Áður en sá frestur rann út sendi
lögmaður veitingastaðarins á nýjan
leik tölvubréf til lögreglustjóra þar
sem breytingarnar voru á nýjan leik
taldar upp og skýrt á hvaða hátt
starfsemin myndi fara fram í fram-
tíðinni. „Aðaláhersla á staðnum verð-
ur sala áfengis. […] Sala áfengis fer
fram af starfsstúlkum sem eru full-
klæddar.“
Lögreglustjóri tók engu að síður
þá ákvörðun að svipta staðinn rekstr-
arleyfi til 60 daga. Í ákvörðun hans
segir m.a.: „Með vísun til þess að
engin frekari sjónarmið hafi borist
frá yður og engar upplýsingar um úr-
bætur […] sem þér hyggist grípa til í
því skyni að starfsemi staðarins verði
eftirleiðis hagað í fullu samræmi við
útgefið leyfi, er það ákvörðun emb-
ættisins að svipta yður rekstrarleyfi
staðarins.“
Ákvörðun lögreglustjóra var skot-
ið til dómsmálaráðuneytis sem ósk-
aði eftir öllum gögnum málsins. Í
umsögn frá lögreglustjóra er áréttað
að í tölvubréfunum hafi ekki komið
fram neinar skýringar eða vilyrði um
úrbætur sem unnt væri að meta full-
nægjandi. Taldi lögreglustjóri m.a.
ekki auðséð hvort sömu starfsstúlkur
myndu starfa áfram, né hafði hann
fengið svör við því hvort sami verð-
listi yrði á staðnum eða hvort hann
yrði viðlíka og á öðrum krám „þar
sem boðið er upp á öl, sterkt áfengi
og léttvín á mun lægra verði“.
Dómsmálaráðuneytið féllst ekki á
sjónarmið lögreglustjóra að ekki
hefðu komið fram upplýsingar um
úrbætur og tók fram að lög-
reglustjóri hefði ekki leiðbeint
rekstraraðilum um hvaða úrbætur
þyrfti að gera. Auk þess sem tekið
var fram að verðlagning áfengis á
veitingastöðum væri frjáls og félli ut-
an starfssviðs lögreglustjóra.
 Dómsmálaráðuneytið felldi úr gildi ákvörðun lögreglustjóra um tímabundna sviptingu rekstr-
arleyfis  Ráðuneytið taldi rekstraraðilum ekki hafa gefist tækifæri til að gæta hagsmuna sinna
Leiðbeindi ekki rekstraraðilum
Í HNOTSKURN
»Strawberries var lokað 3.ágúst sl. þar sem starfsem-
in var ekki í samræmi við út-
gefið rekstrarleyfi.
»21. september var stað-urinn sviptur rekstrarleyfi
tímabundið til 60 daga. Nú
hefur ráðuneytið ógilt þá
ákvörðun.
SEÐLABANKI Evrópu, ECB, mun
í næstu viku dæla nýju fé inn á evr-
ópskan lánsfjármarkað enda hefur
fjárþurrð gert vart við sig á ný í kjöl-
far lánakreppunnar sem hófst á
hundadögum. Þetta tilkynnti Jean-
Claude Trichet, bankastjóri ECB, á
föstudagskvöld en ekki er ljóst
hversu miklu fé verður dælt inn.
Í tilkynningunni segir ennfremur
að bankinn muni halda áfram að örva
lánsfjármarkaði álfunnar að minnsta
kosti til loka ársins og jafnvel lengur
gerist þess þörf.
Vextir á millibankamarkaði hafa
hækkað umtalsvert að undanförnu
og er það til marks um þurrð á
lánsfé.
Nýju fé
dælt inn á
markaði
Stjóri Jean-Claude Trichet
Lánaþurrð gerir
vart við sig á ný
LÖGREGLUNNI á höfuðborgar-
svæðinu hafði þegar Morgunblaðið
fór í prentun á laugardag ekki tekist
að hafa hendur hári fimm ungra pilta
sem gerðu tilraun til ráns á pítsustað
í Spönginni seint á föstudagskvöld.
Piltarnir komu inn á staðinn bak-
dyramegin, voru grímuklæddir og
tveir þeirra vopnaðir hnífum en einn
með skotvopn af óþekktri gerð –
jafnvel er talið að um loftbyssu eða
leikfangabyssu hafi verið að ræða.
Piltarnir ógnuðu starfsfólki sem lét
ekki bugast og neitaði að afhenda
þeim verðmæti. Þegar piltunum varð
viðnámið ljóst flýðu þeir af vettvangi
og í átt að Borgarholtsskóla.
Lögregla lítur málið mjög alvar-
legum augum. Enda þótt enginn hafi
slasast voru tilburðir piltanna ógn-
andi og gerðir til að starfsfólk og við-
skiptavinir óttuðust um líf sitt.
Þetta er annað vopnaða ránið á
stuttum tíma þar sem unglingspiltar
koma við sögu og segir lögregla það
uggvænlega þróun.
Ógnuðu með
skotvopni
♦♦♦
UM hádegið á morgun, mánudag,
hefjast útsendingar á sjónvarps-
fréttatíma á mbl.is. Fréttaútsending-
arnar, sem veita yfirsýn yfir helstu
fréttir, verða undir stjórn Telmu
Tómasson fréttamanns. Hún er jafn-
framt fréttalesari mbl. sjónvarps.
Nýi fréttatíminn er hluti af umtals-
verðri endurnýjun á mbl.is, lang-
öflugasta fréttavef á Íslandi. Á hverj-
um degi leita 54% Íslendinga
upplýsinga og afþreyingar á mbl.is
og mælt í fjölda notenda og tíma sem
þeir eru á vefnum er mbl.is þrisvar
sinnum meira notaður en helsti
keppinauturinn. Með breytingunum
er stefnt að því að gera vefinn auð-
veldari og aðgengilegri auk þess sem
boðið er upp á nýja þjónustuþætti.
Sjónvarpsfréttatíminn á mbl.is
verður endurnýjaður jafnóðum og
nýjar fréttir eru unnar. Gert er ráð
fyrir því að gera fréttatímann að-
gengilegan í þriðju kynslóðar farsím-
um. Auk fréttatímans verður ým-
islegt annað sjónvarpsmyndefni
aðgengilegt á mbl.is, sérstök unnin
sjónvarpsmyndskeið og fréttir, er-
lendar fréttir frá Reuters-fréttastof-
unni, ýmislegt afþreyingarefni og
matreiðsluþættir. Sumt af þessu efni
hefur verið á vefnum undanfarnar
vikur og mánuði, en verður nú sett
fram í nýju vefumhverfi.
Telma Tómasson, sem hefur unnið
að undirbúningi sjónvarpsfrétta á
mbl.is, segir að stefnt sé að því að
fréttatíminn þjóni vel íslenskum vef-
notendum. Hann sé sniðinn með hlið-
sjón af þróun í alþjóðlegu vef-
umhverfi og eigi að gefa greinargott
yfirlit frétta á 3-5 mínútum. „Sjón-
varpsfréttir á mbl.is byggjast á
þremur meginstoðum“, segir Telma.
„Í fyrsta lagi þeirri reynslu sem þeg-
ar er kominn á framleiðslu sjón-
varpsefnis í tengslum við mbl.is og
hefur notið mikilla vinsælda. Í öðru
lagi þeirri miklu reynslu og þekkingu
á fréttaflutningi af öllum sviðum
samfélagsins sem býr í ritstjórn
Morgunblaðsins og mbl.is. Í þriðja
lagi afburðatækniþekkingu og tækni-
búnaði í tengslum við netið sem Ár-
vakur hf. hefur byggt upp und-
anfarin 10 ár.“
Breytingar byggjast á viðamikl-
um lesendamælingum
Breytingarnar sem gerðar verða á
mbl.is á morgun fyrir utan fréttatím-
ann voru unnar undir verkstjórn
Ingvars Hjálmarssonar netstjóra.
Hann segir að þessar breytingar séu
grundvallaðar á viðamiklum mæl-
ingum á notkun lesenda á mbl.is.
„Við beitum algerlega nýjum mæl-
ingatækjum og aðferðum sem gera
okkur fært að kortleggja hvernig les-
endur nýta sér vefinn frá degi til
dags. Þessar mælingar á vefnotk-
uninni eru gerðar rafrænt og gera
okkur fært að gera breytingar á
virkni vefja, breyta aðgerðum og
færa til eða fjarlægja tengla í sam-
ræmi við það hvernig notendur fara
um vefinn og nota þjónustuna þar.“
Megináherslur í breytingum á
vefnum felast í því að gera hann auð-
veldari í notkun. Leturbreytingar,
breytingar á myndstærðum og ýmiss
konar framsetningu taka mið af ósk-
um um léttara og skýrara yfirbragð.
„Það sem lesendur munu fyrst sjá er
að leiðakerfið er nú breytt. Lögð er
áhersla á að fréttavefirnir séu betur
afmarkaðir með flipunum efst. Að-
gang að öðrum vefjum er síðan að
finna efst í vinstra dálki,“ segir Ingv-
ar.
Meðal breytinga sem nefna má er
að fréttum hefur fjölgað á forsíðu
mbl.is. Lesendur geta einnig fylgst
með því helsta sem er í fréttum efst í
hægra dálki. Á hverjum degi eru
skrifaðar yfir 100 fréttir á mbl.is.
Þetta er því góð leið til að fylgjast
með hvað upp úr stendur hverju
sinni. Við þessar breytingar var leit-
að til innlendra og erlendra ráðgjafa.
Þar má m.a. nefna fyrirtækið Sjá
sem sérhæfir sig í viðmóti vefja.
Fréttatíminn upphaf að aukinni
sjónvarpsþjónustu á vefnum
Nýi fréttatíminn sem fer í loftið á
morgun byggist á tilraunum með
sjónvarpsframleiðslu á mbl.is, sem
staðið hefur í rúmt ár. Fréttamenn
hafa flutt stakar fréttir sem notið
hafa mikilla vinsælda. Að auki hefur
vefurinn boðið upp á þjónustu frá
Reuter. Í mælingum á notkun þess-
ara stöku frétta í undanfarna mánuði
hefur komið í ljós að þær voru mest
opnaðar nærri 200 þúsund sinnum í
einni viku. Þessi þjónusta verður
áfram í boði með nýja fréttatím-
anum, en honum er ætlað að gefa á
stuttum tíma yfirlit þess helsta sem
er í fréttum í máli og myndum.
„Þetta eru fréttir í knöppu, hnit-
miðuðu formi og eru hugsaðar sem
viðbót við þá öflugu þjónustu sem
mbl.is veitir nú þegar,“ segir Telma
um fréttaþjónustuna. Liðsmenn, auk
hennar, eru fréttamenn mbl.is en
einnig verða kallaðir til ýmsir sér-
fræðingar á Morgunblaðinu til að
skýra málefni líðandi stundar.
Notendur mbl.is geta nálgast
fréttirnar þegar þeim hentar. „Kost-
urinn við sjónvarpsfréttir á netinu er
sá að við getum brugðist hratt við og
sagt fréttirnar nánast um leið og þær
gerast,“ segir Telma. Ekki þurfi að
bíða eftir ákveðnum fréttatímum til
að flytja landsmönnum nýjustu tíð-
indi.
„Þetta er sjónvarp, en á netinu.
Við sendum ekki út í gegnum hefð-
bundin sjónvarpstæki heldur fara út-
sendingarnar út í gegnum netið,“
segir Telma og bætir því við að flestir
stórir fjölmiðlar í heiminum bjóði
upp á svipaða þjónustu. „Þetta er á
margan hátt ólíkt þeim hefðbundnu
fréttatímum sem við þekkjum á sjón-
varpsstöðvunum í dag. Mbl. sjón-
varpsfréttir eiga að þjóna fólki í
hraða nútímans sem vill vita hvað er
að gerast og vera upplýst um það
sem helst er í fréttum yfir daginn.
Þegar mikið verður um að vera get-
um við endurnýjað fréttatímann örar
og fært fólki fréttar mun þéttar yfir
daginn eða í beinum útsendingum
þegar fram líða stundir,“ segir
Telma. „Netið er gríðarlega spenn-
andi miðill. Þar er allt að gerast og
þróunin hröðust. Þetta er framtíðin.“
Viðamiklar breytingar verða á mbl.is
Mbl sjónvarpsfréttir
í loftið á mánudag
Morgunblaðið/Frikki
Í loftið Telma Tómasson ásamt nokkrum af samstarfsmönnunum á mbl.is, Kristjáni Arngrímssyni fréttamanni,
Árna Sæberg, ljósmyndara og tökumanni, Jóni Pétri Jónssyni og Degi Gunnarssyni, fréttamönnum.