Morgunblaðið - 25.11.2007, Blaðsíða 70

… nema hvað ég
myndi nota tvisvar
sinnum meira af fíkniefnum
en hún gerir … 79
»
reykjavíkreykjavík
HANN er sumpart skringilegur,
þessi sópranþungarokksgeiri sem
ég nefni í inngangi. Samsláttur
klassíkur og dægurtónlistar; síð-
hærðir og sveittir karlpungar spil-
andi undir seiðandi sírenum sem
eru iðulega dressaðar upp í svar-
rauðum, gotneskum kjólum. Þessi
stefna hefur engu að síður notið
furðu mikilla vinsælda og nefna
má sveitir eins og Lacuna Coil,
After Forever, Epica og Within
Temptation sem eru keyrðar á
þennan hátt. Á toppnum trónir
hins vegar Nightwish, einslags
Bítlar stefnunnar og máttur henn-
ar og megin þar er óskoraður.
Margt í gangi í einu
Eins og vikið hefur verið að
voru endalok Turunen með Nig-
htwish æði dramatísk. Eftir tón-
leika færði leiðtogi sveitarinnar,
Tuomas Holopainen, henni bréf
sem var og gert opinbert. Þar er
hún sökuð um dívustæla og fé-
græðgi og að argentínskur unnusti
hennar sé búinn að heilaþvo hana.
Hún svaraði þessu með tár-
stokknu bréfi stuttu síðar sem var
einnig gert opinbert. Já, þessir
Finnar …
– Jæja, hvað segirðu Tarja?
„Allt fínt þakka þér (það er létt
yfir henni). Það snjóar hérna í
Finnlandi! Hvernig er þetta hjá
ykkur?“
– Hmmm … eigum við ekki að
segja að það sé enginn „Vetr-
arstormur“ hér! Ha ha ha.
„Ekki það nei. Ha ha ha ha.“
– En hvað er annars að frétta?
„Ja … ég er að kynna plötuna
mína á fullu hérna heima í Finn-
landi. Ég bý núna í Finnlandi og í
Argentínu, frekar ólíkum stöðum!
Við erum að flytja á milli húsa í
báðum löndum þannig að það er
frekar mikið öngþveiti í gangi
akkúrat núna.“
– Þú ferð víða á plötunni. Átján
lög alls og margir stílar í gangi …
„Já, það var mér mikilvægt. Ég
ákvað strax að hafa hana afar fjöl-
breytta og snerta á öllum tilfinn-
ingaskalanum.“
– Þetta er fyrsta opinbera sóló-
platan þín en svo gafstu út jóla-
plötu í fyrra er það ekki?
„Já. Það var meira svona hlið-
arverkefni sem ég setti í gang á
meðan ég var í hljómsveit (hún
forðast að nefna Nightwish á
nafn). Þetta var lítil útgáfa, og
bara fyrir heimamarkaðinn. Ég er
mjög ánægð með hana en jólin eru
mjög mikilvæg hér í Finnlandi og
þessi tími er mér mjög kær. Ég
reyni ávallt að vera eins mikið
með fjölskyldu minni og ég get um
hátíðirnar.“
– Þú vinnur aðeins með kvik-
myndatónskáldinu afkastamikla
Hans Zimmer á plötunni …
„Jaa … það er ekki alveg rétt.
Ég vann með starfsfólkinu hans.
Hann lagði minna til sjálfur en
hann ætlaði í upphafi … sem var
skrítið þar sem að hann hafði
samband við mig!“
Brú á milli heima
– Nú var Nightwish, með þig í
broddi fylkingar, afar áhrifarík
hvað þennan samslátt klassíkur og
þungarokks varðar og margar
sveitir hafa fylgt í kjölfarið. Hvað
finnst þér um þetta?
„Ég hef alltaf sóst eftir áskor-
unum. Ég var ein af fyrstu kven-
mönnunum sem lagði þetta fyrir
mig og þetta var einmanalegt
fyrstu árin. Ég var eina konan á
öllum þessum þungarokkshátíðum!
En þetta hefur snúist dálítið um
að brúa bil á milli heima. Síðhærð-
ir rokkarar eru að sækja í klass-
íska tónleika sem ég hef haldið í
kirkjum og fólk úr klassíska geir-
anum er farið að láta sig hafa það
að kíkja á rokktónleika. Ég er
mjög ánægð með þetta en um leið
hef ég stundum legið undir ámæli
fyrir þessa hristinga mína. En það
er fínt, þetta fær fólk til að hugsa.
Tónlist snýst ekki um þessar
flokkaskiptingar, það eina sem
skiptir máli er hvort hún snertir
þig eður ei.“
– Hvað heldurðu um afdrif plöt-
unnar – og hvaða vonir bindurðu
við framtíðina?
„Umm … það er tónleika-
ferðalag framundan, bara tíu tón-
leikar, nokkurs konar upphitun
áður en ég legg í umfangsmeira
ferðalag. Það byrjar í apríl á
næsta ári. Mig langar mikið til að
heimsækja staði sem ég hef aldrei
komið til áður – Ísland t.d.! Svo
vona ég bara að ég fái færi til að
vinna að tónlistinni minni og geti
haldið áfram að gefa út plötur. Ég
er frekar raunsæ á þetta og tek
hlutunum með hægð … ótrúlegt
en satt!“
MEÐ STORMINN Í FANGINU
TARJA TURUNEN VAR ANDLIT
FINNSKU SÓPRANÞUNGA-
ROKKSSVEITARINNAR
NIGHTWISH ALLT FRÁ STOFN-
UN, EÐA ÞAR TIL HÚN VAR
REKIN ÚR SVEITINNI Í HITT-
IÐFYRRA MEÐ LÁTUM. TURU-
NEN HLEYPTI Í VIKUNNI
SÓLÓFERLI Í GANG MEÐ
PLÖTUNNI MY WINTER
STORM OG SAGÐI ARNARI
EGGERTI THORODDSEN
ALLT AF LÉTTA UM ÞAU MÁL.
Drama Umslag „Stormsins“.
arnart@mbl.is