Morgunblaðið - 26.04.2008, Side 50

50 LAUGARDAGUR 26. APRÍL 2008 MORGUNBLAÐIÐ
RÁS eitt stóð fyrir tónleikum í Hafn-
arhúsinu á fimmtudaginn þar sem
frumflutt voru fimm rafverk sem
erru öll byggð á verkum eldri tón-
skálda sem eiga stórafmæli á árinu.
Höfundar verkanna voru þau
Hildur Ingveldardóttir Guðnadóttir,
Guðmundur Vignir Karlsson, Gunn-
ar Andreas Kristinsson, Ríkharður
H. Friðriksson og Þuríður Jóns-
dóttir. Afmælistónskáldin eru Atli
Heimir Sveinsson, Þorkell Sig-
urbjörnsson, Jón Ásgeirsson, Páll P.
Pálsson og Jórunn Viðar. Rafmagnað Heimilisleg stemning myndaðist í Hafnarhúsinu.
Morgunblaðið/Árni Sæberg
Snemma beygist … Ungir sem aldnir hlustuðu með athygli.
Rafsprengi
á Rás 1
NÖRDAR eru lífseigari sem yrk-
isefni aulagrínsmynda en bar-
áttumenn fyrir betra hlutskipti á
skólalóðinni. Matt Dillon fór trú-
verðuglega með rustann í My Bo-
dyguard, höfundar Drillbit Taylor
sækja talsvert í þá þrítugu mynd
og fleiri af svipuðum toga og fátt
er um frumlegar pælingar.
Þrír ólánlegir og kjarklitlir hall-
ærislúðar eru ofsóttir frá fyrsta
degi í gaggó, af illfyglinu Filkins
(Frost), 18 ára eftirlegukind í
menntakerfinu sem fær að lúskra
á og niðurlægja þremenningana að
vild. Til sögunnar kemur auðnu-
leysinginn Drillbit (Wilson), sem
lifir á sníkjum og þrífur sig í al-
menningssturtu á ströndinni. Alls-
ber, sem er gott dæmi um hug-
myndaflug brandarasmiðanna.
Hlutirnir æxlast þannig að Drillbit
gerist lífvörður þremenninganna
gegn gjaldi og hyggst nota þá og
foreldra þeirra sem féþúfu. Inn
við beinið er Drillbit hinn besti
drengur og leysir að lokum vanda-
mál nördanna á sinn hátt.
Hér stingur upp kollinum enn
ein myndin á skömmum tíma sem
er leikstýrð, skrifuð eða framleidd
af Judd Apatow, sem á m.a. þátt í
gleðigjöfunum Knocke’d Off og
Forgetting Sarah Marshall, sú síð-
arnefnda er reyndar enn í sýn-
ingum hérlendis. Drillbit Taylor
sannar á hinn bóginn að Apatow–
verksmiðjan á jafn-auðvelt með að
hlunkast niður á meðalfram-
leiðsluvöru, myndin er einfaldlega
hroðvirknislega unnin og sækir að
auki efnið á ofveidd mið. Þre-
menningarnir eru slitnar klisjur
en Frost er bærilega óforskamm-
aður sem ótuktin Filkins. Wilson
er oftar en ekki liðtækur gam-
anleikari en getur lítið moðað úr
ótrúlegri persónu Drillbits, labba-
kúts sem fær allt upp í hendurnar
ef honum aðeins hugkvæmist að
taka þær úr vösunum. Sem ádeila
á pörupilta og einelti eða stuðn-
ingur við hornrekurnar í nem-
endahópnum er myndin einnig
léttvæg fundin.
Skólalóðin og lúðarnir
Ofveiði „Myndin er einfaldlega
hroðvirknislega unnin og sækir að
auki efnið á ofveidd mið.“
Sæbjörn Valdimarsson
KVIKMYND
Sambíóin, Laugarásbíó
Leikstjóri: Steven Brill. Aðalleikarar:
Owen Wilson, Leslie Mann, Danny
McBride, Josh Peck, David Dorfman,
Alex Frost. 100 mín. Bandaríkin 2008.
Drillbit Taylor
bbmnn