Skinfaxi - 01.11.1938, Síða 71

SKINFAXI
151
Þýðandinn, sem er kennari i Rvík, á þakkir skildar fyrir
útgáfuna, því að hún verður vafalaust mörgum að notum.
F r í m a n n B. Arngrimsson: Minningar frá
London og París. Bókaútgáfan Edda. Akureyri 1938.
174 bls. Kr. 6.00.
Frimann B. Arngrímsson (1855—1936) hefir verið sérkenni-
legur gáfu- og lærdómsmaður, en naut sín lítt og var engi
gæfumaður. Ollu því i og með skapbrestir hans. Hann fór
ungur vestur um haf og lauk þar fyrstur íslendinga háskóla-
námi. Lagði hann stund á náttúrufræði og tölvísi, en einkum
var þó rafmagnsfræði viðfangsefni hans. Hann stofnaði blað-
ið Heimskringlu í Winnipeg, en hvarf nokkru síðar austur
yfir haf. Hugðist hann koma á rafmagnsvirkjun á íslandi, en
mætti hér engum skilningi. Dvaldi hann siðan langdvölum i
London og einkum í París, og segir hann í bók þessari frá
dvöl sinni og margvíslegum viðfangsefnum i þessum stórborg-
um. Bókin varpar skýru ljósi yfir skapgerð höfundar, og margt
er þar fróðlegt og skemmtilegt. Eftir 1914 dvaldi Frímann
á Akureyri, og gaf þar um skeið út tímarit, er Fylkir nefnd-
ist. — Geir Jónasson magister hefir séð um útgáfu bókar-
innar og ritað æfiágrip höf., af glöggum skilningi.
Lögreglan í Reykjavík. Gefið út að lilhlutun lögreglu-
stjórnarinnar í Reykjavík. 1938. 174 bls.
Hér er lögreglusaga höfuðborgarinnar sögð allitarlega, allt
frá byrjun slíkrar starfsemi, fram á þetta ár. En liöf., Guð-
brandur Jónsson prófessor, telur upphaf daglögreglu í Rvik
geta verið 1752, eða „26 árum áður en sjálf Lundúnaborg,
höfuðborg álfunnar, var búin að koma sér upp sliku liði.“
— Bók þessi snertir að sjálfsögðu einkum íbúa liöfuðstaðar-
ins, en á þó erindi til allra, sem sögufróðleik unna. Allir
vita, að Guðbrandur Jónsson kann að segja skemmtilega frá.
Arthur 'Weigall: Neró keisari. Þýtt hefir Magn-
ús Magnússon ritstjóri. Útgefandi: ísafoldarprent-
smiðja li.f. Rvík 1938. 263 bls. Kr. 8.00.
Neró var, sem kunnugt er, keisari Rómaveldis 54—68 e. Kr.
Ilann hefir hlotið mjög ómilda dóma hjá sagnariturum og
kristnum lýði, og hér á landi hefir hann helzt þótt til þess
hæfur, að hundar hétu í höfuð honum. Hefir honum verið
kennt um bruna Rómaborgar 64, ofsóknir gegn kristnum
mönnum og margvísleg glæpaverk.
Höfundur bókar þeirrar, sem nú er komin út í góðri isl.