Skinfaxi - 01.04.1940, Page 69

SKINFAXI
69
laga, og skapar þaö mikla erfiðlcika i stárfi vestfirzka ung-
mennasambandsins. — Og það var ekki sízt vegna meðvit-
undarinnar um þau erfiðu starfsskilyrði, sem mér varð það
sérstakt gleðiefni, að hitta mörg velstarfandi félög þar vestra.
Hér er ekki rúm til að skýra frá störfum hinna einstöku
félaga, enda hefir undirritaður sent skýrslu til stjórnar U.
M.F.Í., þar sem gerð er grein fyrir starfi og stefnu félaganna,
eins og það kom ferðalangnum fyrir sjónir.
Hér verður aðeins drepið á nokkra höfuðþætti, sem mér
finnst einkenna vestfirzku félögin.
Vestfirzku ungmennafélögin sem heild eru fyrst og fremst
bindindisfélög. — Mér þykir sennilegt, að ekkert héraðssam-
hand eigi hreinni skjöld í þeirn efnum, en vestfirzka sam-
bandið. Víða eru starfandi tóbaksbindindisdeildir innan fé-
laganna, og strangt áfengisbindindi i þeim öllum. — Á nokkr-
um stöðum eru haldnar fjölmennar samkomur ár eftir ár,
án þess að vinneyzla sjáist til lýta á nokkurum manni. Mér
er líka sérstök ánægja að skýra frá því, að alstaðar þar sem
bindindismálin bar á góma þar vestra, varð ég var góðs skiln-
ings og mikils áhuga á því sviði. í einu félagi, U.M.F. Mýra-
hrepps i Dýrafirði, starfar tóbaksbindindisdeild með um 40
mönnum. — Síðastliðið sumar vann deildin að garðrækt,
og fékk um 5 tn. uppskeru af kartöflum síðastl. haust. Fleiri
verkefni hefir deildin með höndum. U.M.F. Vorblóm á Ingj-
aldssandi, hefir haft mikil áhrif á sviði bindindismálanna,
þar sem enginn maður neytir áfengis i því byggðarlagi. Má
án efa þakka það að allmiklu leyti starfsemi Vorblóms. Þessi
tvö félög, sem nefnd hafa verið, eru dæmi þess, að innan
U.M.F.V. eru bindindismálin ekki tekin neinum vettlingatök-
um. — Sá annar aðalþáttur, sem mér þótti víða vel ræklur
meðal félaganna, var málfundastarfsemi. í mörgum félögum
eru haldnir G—8 fundir árlega, og er blaðaútgáfan einn stærsti
þáttur þeirra. — í nokkrum félögum hafa blöðin komið út
óslitið í þrjátiu ár. — Málfundirnir hljóta jafnan fyrst og
fremst að byggja upp félagsskapinn hið innra, og sá þáttur
er viða ræktur svo fyrirmynd er að, meðal vestf. ungmenna-
félaga.
En — sá þátturinn, sem mér finnst að Vestfirðingum ætti
að vera mest kappsmál að efla, er iþróttastarfið, — í þeim
efnum þurfa félögin að vinna marga sigra og stóra. Skíða-
hreyfingin liefir að vísu átt vinsældum að fagna meðal vestf.
ungmennafélaga, en í nokkrum félögum er skíðaíþróttin sú
eina íþrótt, sem þau hafa stundað. Þetta þarf að breytast.