Skinfaxi - 01.04.1969, Qupperneq 21

Þegar litið er yfir 60 ára sögu UMFÍ,
fer það ekki á milli mála að starfsemi
ungmennafélaganna um land allt hefir
á þessu tímabili verið leiðandi afl í
hinu frjálsa félagsstarfi, og er enn. Það
er því vel þess vert á þessum merku
tímamótum, að skyggnast inn á vett-
vang hins almenna félagsstarfs hjá ung-
mennafélögunum í dag, og draga sam-
an í stutt yfirlit svolítið brot af því,
sem þar fer fram.
Það er staðreynd, að fremur hljótt er
um mörg þessi verkefni, þótt gagn-
merk séu, og fáfræði almennings næsta
furðuleg um margt sem þar er að ger-
ast.
Markmiðið hefir frá öndverðu verið,
— Ræktun lands og lýðs á grundvelli
ættjarðarástar, og þjóðrækni. — Meg-
in þættir starfsins til þess að ná þessu
markmiði hafa verið á sviði íþrótta-
mála, andlegrar uppfræðslu og mál-
verndunar, landgræðslu, skógræktar,
og fjölþættrar félagsstarfsemi.
Fjölbreytt íþróttastörf
íþróttastarfsemin er yfirgripsmest þess
ara þátta félagsstarfsins, og mestur
fjöldi þátttakenda í því starfi. Sam-
kvæmt skýrslum félaganna er fjöldi
iðkenda um 10 þúsund og leggja þeir
stund á 13 íþróttagreinar. Ætla má að
fjöldi leiðbeinenda, launaðra og ólaun-
aðra sé um 200. íþróttir eru nú æfðar
allt árið um kring, og skiptast í sumar-
og vetraríþróttir, íþróttir innanhúss,
útiíþróttir, og starfsíþróttir. Æfinga-
aðstaða er misjöfn en víðast hvar þol-
anleg, ef nægur áhugi er fyrir hendi.
Hin síðari ár hafa víða um land risið
ný og glæsileg íþróttamannvirki, sem
leiða til aukins starfs og fleiri iðkenda.
Kappmót eru haldin og sótt innan
héraðs og utan, og með bættum sam-
göngum hefur þátttakan aukizt. Hér-
aðssamböndin gangast nú árlega fyrir
héraðsmótum í flestum greinum íþrótta
og taka að sér í vaxandi mæli fram-
kvæmd meistaramóta hinna einstöku
sérsambanda innan ISÍ.
UMFl hefur átt frumkvæðið að iðk-
un og keppni í starfsíþróttum hér á
landi, lagt hefur verið í mikla útgáfu-
starfsemi fræðslurita um starfsíþrótt-
ir, og á sl. sumri var unnið verulega að
kynningu á þessum þætti félagsstarfs-
SKINFAXI
23