Skinfaxi - 01.04.1969, Page 31

Mynd úr Glímubókinni 1961. Helgi Hjörvar
(t. v.) sýnir vörn gegn mjaðmahnykk. Hinn
glímumaðurinn er Magnús Kjaran.
irbúnings þeirrar útgáfu og aðalhöf-
undur Glímubókarinnar. Þeim sem
lesið hafa Glímubókina, blandast ekki
hugur um, að sú bók er frábærlega vel
skrifuð.
Helgi Hjörvar hafði einkar góða
þekkingu og skilning á glímu og viðaði
að sér miklum fróðleik og heimildum
um glímuíþróttinna. Hann hefur ritað
mikið um glímu, sem hér yrði of langt
upp að telja, flutt erindi í útvarp um
glímu, auk þess mun nú liggja mikið í
handritum eftir hann um glímuna.
Glímulýsingar Helga Hjörvars á
kappglímum eru öllum minnisstæðar
sem á hlýddu, enda fór þar saman
þekking kunnáttumannsins á íþrótt-
inni, sérstök málsnilld og frábær fram-
sögn.
Helgi Hjörvar var fæddur 20. ágúst
1888 í Drápuhlíð í Helgafellssveit. For-
eldrar Salomon Sigurðsson bóndi 1
Drápuhlíð og fyrri kona hans Guðrún
Sigurðardóttir.
Erlingur Pálsson
Erlingur Pálsson, formaður Sundsam-
bands Islands, andaðist 22. október,
1966, tæplega 71 árs að aldri.
Erlingur var fæddur 3. nóvember
1895 á Arhrauni á Skeiðum, sonur
Páls Erlingssonar bónda þar, síðar
sundkennara, og konu hans Ólafar
Steingrímsdóttur.
Erlingur fluttist með foreldrum sín-
um til Reykjavíkur árið 1906 og var
þar sundkennari með föður sínum á
árunum 1908—1919. Starfaði hann
þá ötullega í Ungmennafélagi Reykja-
vikur.
Hann má telja einn mesta sund-
kappa á íslandi og í mörgu brautryðj-
anda á sviði sundíþróttarinnar hér á
landi. Hann synti Drangeyjarsund fyrst
ur manna á eftir Gretti Ásmundarsyni,
átta sinnum synti hann Nýárssund og
svo mætti lengi telja.
Erlingur
Pálsson
SKINFAXI
33