Náttúrufræðingurinn - 1993, Side 56

ILLKLEIFUR
Þann 5. ágúst 1893 lagði Þorvaldur Thoroddsen upp frá tjaldi við Varmá,
lausríðandi „upp í Skaptárbotna“ með Runólf í Holti sem fylgdarmann. Af
lýsingu Þorvaldar (Andvari XIX 1894, bls. 116) er ljóst hvaða leið þeir fóru.
Hann segir: „Þar sem við komum niður af fjallinu var ákaflega mikil
hraunhella einstök reist upp á rönd, út úr hellunni voru armar og gaddar og var
hún yfir 1 'A mannhæð á hæð. Síðan riðum við milli hrauns og hlíða norður
eptir.“ Hefur það án efa verið norður með Lyngfelli að austan. Fellið sem
Þorvaldur nefndi Spena er vafalaust Stakafell. Hraunhella sú sem Þorvaldur
talar um held ég vera það sem myndin hér að ofan er af (tekin 23. júlí 1993)
og kemur næsta vel heim við lýsingu hans hér að ofan bæði hvað hæð og útlit
varðar.
Allt er það rétt, en ekki er þetta hraunhella þótt hellulaga sé heldur er þessi
sérkennilegi einstæði klettur úr bólstra- og bólstrabrota-móbergsrusli. Hæðina
má nokkuð sjá af skóflunni sem er 110 cm á hæð en mér taldist hún vera
nokkuð yfir 6 m. Nafn veit ég ekki en til bráðabirgða gaf ég þessum
myndauðuga kletti nafnið Illkleifur, en í honum má sjá margar myndir, bæði
manna og dýra.
Hann er utan við hraunið frá 1783 suðaustan undir Lyngfelli eða nánar til
tekið austan undir hálsinum sem tengir Lyngfell við Úlfarsdalssker.
Jón Jónsson
Náttúrufræðingurinn 63 (3-4), bls. 178, 1993. 178
1