Samvinnan - 01.03.1926, Page 91

SAMVINNAN
85
allar hinar helstu nýlendur Breta út um heim. Hvað sem
úr þessu kann að verða, þá er það víst, að einhver breyt-
ing verður gerð á lávarðadeildinni áður en á löngu líður.
þá hafa einnig komið fram tillögur um að breyta hinu
breska ríki í ríkjasamband (Confederation). þar sem Eng-
land yrði ekki hið drotnandi móðurland, heldur að eins
íjölmennasta og auðugasta landið. I þessu sambandsríki
ættu að vera auk Englands, Skotlands og ULsters, allar
breskar nýlendur, sem sjálfstjórn hafa (Dominions).
Parlamentið ætti þá að vera alríkisþing með fulltrúum frá
öllum löndum í sambandinu, en England aftur að fá nýtt
þing fyrir sérmál sín.
þessi tillaga á þó sjálfsagt langt í land. Englendingum
þykir of vænt um sitt fornhelga þing, til þess að þeir vilji
offra því fyrir alríkið. Samt er ýmislegt, sem bendir á
að hugmyndir um sambandsríkið sé hugmynd framtíðar-
mnar. það sé hinn eini möguleiki til þess að hægt sé að
vernda hið breska heimsveldi og halda því saman óskiftu
um ókomnar aldir.