Samvinnan - 01.08.1968, Blaðsíða 56

áætlun sinni um að gera brottræka alla
lýðræðissinnaða og löghlýðna liðsfor-
ingja úr valdastöðum í hernum og skapa
sér þannig aðstöðu til að steypa löglegum
ríkisstjórnum landsins. Þetta er sígilt
dæmi um pretórisma. Spurningin er:
Hvaðan hefur þessum samtökum sam-
særismanna komið og hvaðan kemur
þeim vald til þess að kúga leiðandi menn
innan hersins með hótunum, enda þótt
agareglur og herlög heimili og jafnvei
skyldi löglega fulltrúa þjóðarinnar til að
uppræta þegar í stað sérhverja tilraun
til samsærismyndunar? Því miður er ég
hræddur um að svörin muni valda mönn-
um hryggð. Það hefur gerzt á liðnum
tímum, að á hættutímum fyrir þjóðina
hafa djarfir menn, vitrir og þjóðrækn-
ir, bundizt byltingarsamtökum til að
bjarga þjóðinni. En þeir samsærismenn,
sem mynduðu IDEA-samtökin 31. maí
1951, hafa með starfsemi sinni einung-
is opinberað vesaldóm sinn og fjandskap
við þjóðina.
Það voru afdrifarík mistök, að þessi
glæpsamlega starfsemi skyldi ekki hljóta
sinn verðskuldaða dóm öðrum til við-
vörunar, heldur þvert á móti. Stjórn
Venizelosar stöðvaði málið á sínum tíma
af meðaumkun og pólitísku andvaraleysi,
og þær hægristjórnir, sem síffar fóru
meff völd, völdu úr hópi þessara sam-
særismanna menn í æffstu stöffur innan
hersins og stjórnarkerfisins. Það þarf
því engan að undra, þó að reyndin hafi
orðið sú, að þjóðin hlaut þau örlög að
verða ofurseld vægðarlausri hernaðar-
stefnu, sem enn er þess albúin að kúga
okkur. En hvers vegna? Hverjir hafa
styrkt þessa hernaðarstefnu, enda þótt
vitaff sé, aff hún hefur ekki og getur aldrei
haft innlent vald á bak viff sig?“
Enda þótt lýðræðið hefði verið afnum-
ið, bar öllum spádómum saman um, að
flokkur Papandreús mundi sigra í kosn-
ingunum og sennilega fá 60% atkvæða.
Upphafsmenn júlí-byltingarinnar urðu
því að grípa til síðara ráðsins: að beita
hernum. Það átti með öðrum orðum að
framkvæma kenningu Pipínelis: „Allt
getur gerzt í þessu landi. Papandreú
verður aldrei forsætisráðherra aftur“.
3. 21. apríl 1967 —
Einræði í Grikklandi
Herforingjaklíkan og Konstantín
Hinn 21. apríl, á þeim ólánsdegi, varð
Grikkland eitt allsherjarfangelsi. Her-
foringjaklíkan tók völdin í skjóli vopna
og kom á fót einræðisstjórn. Þessi tillits-
lausa herforingjaklíka hefur talið það
hlutverk sitt að framkvæma skipanir
rafeindaheila CIA. í 8 mánuði sat
Konstantín konungur við völd sem kon-
ungur herforingjaklíkunnar, afskipta-
laus um harmleik grísku þjóðarinnar. Og
13. desember 1967, þegar hagsmunir kon-
ungdæmisins rákust á hagsmuni her-
foringjaklíkunnar, hvarf konungur úr
landi og skildi þjóðina eftir í glæpa-
höndum herforingjastjórnarinnar. Bæði
herforingj aklíkan og konungurinn hafa
gert sig sek um landráð. Þar við bætist,
að komið hefur verið á fasisma í Grikk-
landi. Siðareglur í þjóðfélaginu hafa ger-
breytzt. Ef grískur borgari neitar að við-
urkenna herforingjastjórnina sem lög-
lega stjórn landsins, er hann stimplað-
ur „óvinur þjóðarinnar" og „hættulegur
kommúnisti". Og samkvæmt kenningu
Pattakosar hershöfðingja eru „kommún-
istar skepnur". Enginn pólitískur tilgang-
ur réttlætir slíkan hugsunarhátt. Þessi
hugsunarháttur er and-grískur, and-fé-
lagslegur og ómannlegur. Hann er sami
hugsunarháttur og Hitler ætlaðist til að
SS-liðsforingjar sínir tileinkuðu sér.
Almennar ályktanir
Við getum nú svarað spurningunni,
hverjir komu á fasisma í Grikklandi og
hversvegna?
1. — Hægriflokkurinn E. R. E.
E. R. E. - flokkurinn hefur verið fas-
istaflokkur undir sauðargæru þingræðis.
Hann er flokkur fámennisstjórnar og
frændsemi. Hann er flokkur, sem þjón-
ar erlendum hagsmunum og svífst einsk-
is, þegar hann telur sig geta náð völdum.
Við skulum huga nánar að leiðtoga E.R.E.,
félagsfræðingnum Kanellópúlosi. Þegar
komið hafði verið upp fangabúðum á
Makrónissos, sagði Kanellópúlos, sem sí-
fellt var að blaðra um ást sína á „hug-
sjón frelsisins“ og hina „grísk-kristnu
menningu okkar“: „Þetta er hið nýja
Parþenon". Og árið 1958, þegar banda-
ríski hershöfðinginn Van Fleet var að
kanna grískar hersveitir, sagði Kanelló-
púlos, sem þá var landvarnaráðherra,
við Van Fleet: „Þarna er her yðar, hers-
höfðingi“. Þannig er Kanellópúlos, leið-
togi E. R. E., lítill lýðræðissinni, en þeim
mun dyggari þjónn Bandaríkjastjórnar,
misheppnaður stjórnmálamaður og lýð-
skrumari.
2. — Konungdæmiff
Við höfum séð hvernig Konstantín
konungur braut stjórnarskrána og sveik
grísku þjóðina. Með afskiptum sínum af
málefnum Grikklands hafði Frederika
móðir konungs mikil áhrif á stjórnmál
landsins. Á meðan borgarastyrjöldin
geisaði í Grikklandi, fór hún þess á leit
við bandarískan embættismann í London,
að hann sendi „dugandi hershöfðingja
en ekki liðþjálfa úr forðadeild hersins“
til að bæla niður byltinguna. Þá var hún
drottning Grikklands. Árið 1959 (hún
var þá enn drottning) hringdi hún í
Makaríos forsætisráðherra Kýpur og lagði
að honum að fallast á Lundúnasamning-
inn um framtíð Kýpur. Meðal almenn-
ings í Grikklandi gekk Frederika undir
nafninu „Frederíkí-Fríkí“ (Frederika
hryllingur). Þessi fyrrverandi drottning
Grikklands hefur bersýnilega sett sér
það markmið að ávinna sér sess í sög-
unni við hlið Semíramis, Kleópötru og
Þeódóru.
3. — NATO.
Valdatakan nóttina milli 20. og 21. apríl
fór fram samkvæmt „Promeþeifs“-áætl-
uninni undir stjórn Papadópúlosar
ofursta (sem nú er valdamestur í Grikk-
landi). Þessi áætlun, sem gerð var í
samvinnu við NATO, átti að koma til
framkvæmda, ef kommúnistar gerðu
árás. En kommúnistar hafa ekki gert
neina árás á Grikkland. Þaff voru kosn-
ingar í nánd, og hafi ríkt pólitísk ringul-
reiff í landinu, þá hvílir öll ábyrgffin á
henni á flokki „bifhjólsins“ og „Períkles-
áætlunarinnar“, og á Konstantín, syni
Frederiku.
Hernaðarleg sjónarmið réðu því, að
NATO studdi til valda fasistastjórn í
Grikklandi. Ef fram hefðu farið kosn-
ingar, sem að öllum líkindum hefðu fært
lýðræðisöflunum sigur, var hætta á að
annað Frakkland kæmi til sögunnar í
Suðaustur-Evrópu.
4. — Bandaríkin.
Bandaríkin höfðu tvær gildar ástæð-
ur til að styðja fasista-stjórnina: efna-
hagslega og hernaðarlega. Bandaríkin
veita Grikklandi lán með því skilyrði,
að þau njóti dyggilega stuðnings við
hagsmuni sína. Lán frá Bandaríkjunum
renna til einkafyrirtækja, og jafnframt
eru Grikkir skuldbundnir til að selja t. d.
tóbak til Bandaríkjanna, jafnvel þó að
Austur-Evrópuþjóðirnar bjóði hærra
verð. í annan stað framleiða Grikkir
hrísgrjón til útflutnings, en í Grikklandi
er hægt að kaupa hrísgrjón framleidd í
Bandaríkjunum. Ef við flettum upp í
alfræðiorðabók, sjáum við að „hjálp" af
þessu tagi flokkast undir það sem kallað
er „nútíma-nýlendustefna“. Hinir hern-
aðarlegu hagsmunir eru augljósir. Stöð-
ug návist 6. bandaríska flotans á austan-
verðu Miðjarðarhafi minnir nágranna-
ríkin á mátt Bandaríkjanna sem vernd-
ara hins svokallaða frjálsa heims.
Þar sem vagga lýðræðisins stóð
í sögu Grikklands eru ótal dæmi um
fórnir grísku þjóðarinnar, sem hún færði
til að vernda frelsi sitt, þegar það var
í hættu. Allt frá sjálfsfórn hinna 300
Spartverja fram á þennan dag hefur
gríska þjóðin úthellt blóði sínu fyrir
hina æðstu hugsjón, fyrir frelsið. Fjögra
alda kúgun Tyrkja gat ekki slökkt ást-
ina á frelsinu í hjörtum grísku þjóðar-
innar. f síðustu heimsstyrjöld tókst fas-
ismanum að leggja undir sig Grikkland,
en ekki grísku þjóðina. Grimmd Hitlers
megnaði ekki að hræða hetjurnar, sem
sprengdu brýr og tóku fána Hitlers nið-
ur af Akrópólis. Slíkar fórnir fyrir frels-
ið hafa lyft grískri menningu. Grikkir eru
stoltir af þessari menningu. Undir því
einræði sem nú ríkir mun gríska þjóðin
fórna öllu því sem hún þarf að fórna
fyrir frelsi sitt. Þeir, sem hjálpuðu
fasistum að komast til valda í Grikk-
landi, skyldu minnast þess, að landið,
þar sem lýðræðið á uppruna sinn, hatar
öfbeldi og kúgun.
Hin einu virku samtök í Grikklandi
gegn einræðinu er Þjóðernisfylkingin.
Þetta eru samtök úr öllum stjórnmála-
flokkum sem eru á móti einræði. Þjóð-
ernisfylkingin er samvizka allrar grísku
þjóðarinnar.
52