Andvari - 01.01.1921, Side 13

Andvari.]
Jón Ólafsson.
9
og síðast í tímaritssniði. En skömmu eftir að hún
hætti stofnaði Þorvarður Þorvarðsson prentsmiðju-
stjóri hjer blaðið »Reykjavík« og skrifaði J. Ól. í
það frá upphafi og varð síðar ritstjóri þess. »Reykja-
vík« var um tíma gefin út af kaupmannafjelaginu hjer
í bænum, en var gerð að stjórnarblaði þegar stjórnar-
skiftin urðu bjer 1904. Var J. Ól. lengur ritstjóri
»Reykjavíkurinnar« en nokkurs annars blaðs, og í
hana hefur hann mest skrifað. Hann hætti blaða-
mensku í árslok 1913, og hafði hann fram til þess
tíma, með nokkrum hvíldum þó, verið ritstjóri
»Reykjavíkur«, eða skrifað mikið í blaðið, einkum
landsmálagreinar.
Það játa allir, að J. Ól. hafi verið einn af at-
kvæðamestu blaðamönnum okkar. Hann ljet flest
hin stærri mál okkar meira eða minna til sin taka,
og greinar hans og tillögur höfðu venjulega mikil
áhrif. Hann var fjölhæfur maður og víðsýnn og hafði
margbreytta lífsreynslu við að styðjast. Ritaði hann
jöfnum höndum um stjórnmál, fagurfræði, verzlunar-
mál, málfræði o. fl. o. fl. Var honum sjerstaklega
sýnt um, að gera alt, sem hann skrifaði um, öllum
ljóst og auðskilið. Og oft voru greinar hans skemti-
legar, fullar af fyndni og gamansemi, og stundum
af gáska, sem ýmsum þótti nóg um, og breyttist hann
að þessu leyti lítið með aldrinum. Ádeilugreinar hans
voru oft hvassorðar og hann óhlífinn í garð mót-
stöðumanna sinna, enda var oft óvægilega að honum
vegið. En aldrei bar hann til lengdar óvildarhug til
þeirra manna, sem hann hafði átt í ritdeilum við,
en var jafnan fús til að sættast við þá og láta alt
vera gleymt, sem milli hafði farið meðan á deilun-
um stóð.