Menntamál - 01.03.1936, Qupperneq 63

menntamAx,
61
dómi fræðslumálastjóra, enda hafi þeir stundað að minnsta
kosti eins árs nám við kennaraskóla íslands í uppeldis- og
kennslufræði og lokið þar kennaraprófi i þeim greinum.
2. gr.
Til þess að stofna einkaskóla og kenna við hann, þarf að upp-
fylla sömu skilyrði og um getur í 1. gr. Þó er fræðslumálastjórn-
inni heimilt að veita þeim mönnum undanþágu frá þessu ákvæði,
er hafa til þess eindregin meðmæli skólastjóra fræðsluhéraðsins
(skólaumdæmisins) og skólanefndar, enda fullnægi skólinn kröfu
heilbrigðisstjórnarinnar um húsakynni og hollustuhætti.
3. gr.
4. gr. laganna orðist svo:
Skylt er skólanefndum ög skólastjórum einkaskóla að tillcynna
fræðslumálastjóra árlega, á þeim tíina, er hann ákveður, hverjir
eigi að starfa við skóla þeirra sem kennarar næsta skólaár, sem
ekki eru settir eða skipaðir af fræðslumálastjórninni.
Jafnframt tilkynningunni ber að leggja fram sannanir fyrir
því, að hlutaðeigandi kennari fullnægi skilyrðum þeim, er kraf-
izt er til kennslustarfsins.
Samkv. 1. gr. b. eru helztu breytingarnar frá eldri lög-
unum þessar:
1. Þeir, sem ekki hafa kennarapróf, þótt kennt hafi
í 3 ár fyrir 1919, hafa nú ekki kennararéttindi.
2. Stúdentar, sem áður fengu almenn kennararétt-
indi, með því að taka próf í uppeldis- og kennslufræði,
verða nú að stunda, að minnsta kosti um eitt ár, nám
í kennaraskólanum í þessum greinum, á undan prófi.
Samskonar nám og próf verða stúdentar nú að hafa í
þeim greinum, ef einhverjar eru, sem heimtaðar eru til
kennaraprófs, en ekki eru teknar til stúdentsprófs. Er
þetta nýmæli.
3. Hingað til hefir það verið svo í framkvæmd, að
í þeim námsgreinum barnaskóla, sem kennaraskólinn
útskrifar ekki kennara, hafa þeir verið skipaðir kenn-
arar, sem fræðslumálastjórnin hefi álitið til þess hæfa.