Menntamál - 01.04.1959, Page 26

20
MENNTAMÁL
í þágu skólanna, svo sem útvarp og sjónvarp, kvikmynd-
ir og skuggamyndir, grammófónn og segulband.
í meginatriðum eru vandamálin á þessu sviði greini-
lega svipuð, hvort sem við lítum í eigin barm eða til þeirra
þjóða, sem okkur eru menningarlega skyldar.
Lokaorð.
Tímarnir breytast og mennirnir með. fslenzkt þjóðfélag
verður f jölþættara, meira skipulagt og flóknara með hverj-
um áratug, sem líður, og skólarnir verða að vissu marki
að breyta vali námsefnisins og starfsháttum sínum í sam-
ræmi við þá þróun, ef þeir eiga að geta þjónað nýjum kröf-
um — breyttum atvinnuháttum og þjóðháttum.
Endurskoða þarf ýmsa þætti námsefnisins með tilliti
til þeirra þekkingaratriða, sem krafizt er, að nemendur
læri. Ýmislegt er orðið úrelt, sumt þarf að þoka fyrir öðru,
sem er ennþá mikilvægara. Og kanna þarf nýjar leiðir,
nýjar starfsaðferðir, frjórri og lífrænni en þær, sem nú
eru algengastar.
Það þarf að losa skólana sem mest úr viðjum lexíunáms
og yfirheyrzluaðferða í lesgreinum. Umsögn eða dómur um
sjálfstætt starf, t. d. í vinnubókarformi, sé látinn vega
meira en hingað til hefur verið gert. Ýmiss konar próf
má nota sem lið í kennslunni, en tímafrek bekkjarpróf
og lokapróf, sem tekin eru sem óskeikull dómsúrskurður
um hæfileika og framtíðarmöguleika ungs fólks, eru úrelt
og neikvætt fyrirkomulag, sem nauðsynlegt er að endur-
skoða. En ný skipan í starfsháttum útheimtir, að stórum
þarf að auka og bæta kennslubókakostinn. Gefa þarf út
handbækur og hjálpargögn, sem stutt gætu starfrænna
nám en nú á sér stað í skólunum.
Að endingu vil ég bera fram þá ósk framhaldsskólum til
handa, að ný lög og nýjar reglur um starfsemi skólanna
megi stuðla að traustu og góðu skipulagi og markvissu, líf-
rænu starfi í þágu uppvaxandi kynslóðar.