Menntamál - 01.04.1959, Qupperneq 105

MENNTAMÁL
99
ÁRNAÐ HEILLA.
Pálmi Jósefsson
sextugur.
Pálmi Jósefsson skólastjóri varð sextugur 17.
nóv. s. 1. Hann lauk kennaraprófi 1923 og var
ráðinn kennari að Miðbæjarskólanum sama ár.
Hefur hann starfað þar síðan, samtals í rúm
35 ár. Hann hefur annazt fjárreiður og afgreiðslu
Menntamála mikinn hluta þess tíma, er kenn-
arasamtökin hafa gefið ritið út, og hefur eng-
inn einn maður starfað þar lengur. Þetta tvennt
má vera ókunnugum nokkur bending um traust-
leika þessa hógværa prúðmennis. En flestir les-
endur ritsins munu vita, að fáum kennurum hefur verið trúað fyrir
fleiri vandamálum og ábyrgðarstörfum fags og stéttar. Því valda mann-
kostir hans. — Menntamál óska honum langra og sælla lífdaga og ást-
vinum hans allrar giftu. Br. J.
Ragnar H. Ragnar
sextugur.
Ragnar H. Ragnar söngkennari á Isafirði varð
sextugur 28. sept. s. 1. Menntamál óska Ragnari
og fjölskyldu hans allra heilla og kennarastétt-
inni til hamingju með að eiga jafn fágaðan og
menntaðan mann í röðum sínum. íslendingar
kalla sig bókaþjóð, og þykir sæmd að. Ragnar
er sannur bókamaður i tvennum skilningi: Hann
á margt ágætra og fágætra bóka, og hann hef-
ur lesið óvenjulega mikið af góðum bókum frá
öllum tímum. Það gerir muninn. Engum er
sæmd að því að taka sífellt niður fyrir sig með lestri lélegra bóka.
Fjölmargir vinir Ragnars minntust afmælis hans með því að gefa út
rit, sem ber nafnið Pési um bækur og bókamann. I.ítil tilraun tii rann-
sóknar á þeirri tegund af homo sapiens, sem á máii fræðimanna gengur
undir heitinu venator Iibrorum. ísafirði 1958. Höfundur er Jóh. Gunnar
Olafsson. Þetta er ljómandi skemmtilegt rit og frábærlega fagurt um
handbragð allt.
Það er heillavænlegt og eftirbreytnivert að gera merkisafmæli góðra
drengja aö tilefni fagurra og nytsamra verka. Br. J.