Æskan - 01.07.1969, Blaðsíða 43

Hvað er nú það? Fyrir 20 árum ákváðu
Þeir, sem vinna að framgangl sundkunn-
áttu í Finnlandi, Svíþjóð, Noregi og Dan-
mörku að efna til keppni í sundi milli
Þessara þjóða á þann hátt, að sú sjóð
ynni, sem tiltölulega fengi flesta til þess
að synda 200 m vegalengd. Finnar unnu
þessa fyrstu keppni.
Ákveðið var að láta svona keppni fara
fram þriðja hvert ár. Það var svo árið 1951,
að við (slendingar gengum í leikinn. Þar,
sem frændum okkar og vinum hjá hinum
norrænu þjóðunum hafði tekizt að fá 2 til
6 af hverjum 100 fbúum til þess að synda
200 metrana, var okkur íslendingum
skömmtuð talan 5000, eða 5% þjóðarinnar,
sem skyldi vera sú tala, sem ísland yrði
að ná svo þjóðin fengi stig.
Svo fór, að 36 637 íslendingar syntu 200
metrana eða 25 af hverjum 100 og ísland
vann glæsilega fagran bikar, sem Noregs-
konungur gaf og víða um heim var sagt,
að íslenzka þjóðin væri þezta sundþjóð
heimsins. Æskan, börnin og unglingarnir
tóku duglega þátt f þessari keppni.
Nú f ár, frá 15. maí til 15. sept., fer slík
keppni fram í áttunda sinn. ísland ætlar að
vinna með því að fá 55500 íslendinga til
þess að synda.
Hvernig getum við náð svona hárri tölu?
— Nú erum við um 50 þúsund fleiri íslend-
ingar en 1951, nær allt unga fólkið, sem í
18 ár (um 36 þús.) hefur útskrifazt úr skól-
unum getur svnt 200 metra og nú á ísland
10 fleiri sundiaugar en þá, t.d. eru núna
sundlaugar í öllum kaupstöðum, svo að
lítill vandi ætti að vera að fá 19500 fleiri
íslendinga nú en 1951 til þess að synda
vegalengdina. — Ef það tekst, myndi (s-
land aftur vinna konungsbikar og í þetta
sinn úr hendi Danakonungs.
Er nú aðalatriðið að vinna? — Já, vissu-
lega, því að úr því lagt er út í keppni, skal
allt gert til þess að ganga af hólmi með
sigur, því að keppni er til þess gerð að
leggja sig fram. Annars svíkur maður and-
stæðingana. En satt er það, að margt er
þýðingarmikið í slíkri keppni, t. d. þá fyrst
og fremst að fá sem flesta til þess að íðka
holla íþrótt, sem stundum getur verið Iffs-
nauðsynleg.
Ef þú, lesandi góður, ert ekki orðinn
syndur, þá reyndu að læra sund í sumar
og prófa svo getu þína með þvi að synda
200 metrana. — Hvort sem þú ert syndur
eða ekki, ræddu um sundið við fólkið
heima hjá þér og fáðu það til þess að
synda. Við það verða allir hressari og glað-
ari — og öll yrðum við fjarska glöð, ef í
haust yrði tilkynnt, að ísland hefði unnið
Norrænu sundkeppnina.
Þorsteinn Einarsson.
NORRÆNA
SUNDKEPPNIN 1969
339