Æskan - 01.07.1969, Page 48

í
Mikið hefur verið sagt og skrifað um
Mary Hopkin, kennslukonuna, sem varð
fræg svo að segja á einni nóttu.
Ferill Mary hefur verið sem ævintýri. Lag
hennar „Those were the days" sló í gegn
svo um munaði í flestum Evrópulöndum,
og á síðustu mánuðum hefur hún lítið ann-
að gert en að sitja inni í stúdióum og ferð-
ast. Mary hefur breytzt mikið frá því að hún
fór úr kennslustofunni. og þar til nú. Hvað
hún vill, veit hún þó vel.
Hér á eftir mun ég reyna að sýna í
stuttu máli, hvert Mary Hopkin stefnir.
VINSÆLDALISTINN
Nýjasta lag Mary „Goodbye“ var fyrir
stuttu í öðru sæti og var þá „Get back,“
lagi. Bítlanna í fyrsta sæti vinsældalistans í
Englandi. Mary var ekkert miður sln vegna
þess og sagði: „Aðalatriðið er að vera
afkastamikil og virt sem söngkona, sæti
nr. 1. eða 2. skiptir engu rnáli."
VIÐTÖL
„Viðtöl eru ekki leiðinleg ef fólk spyr
spurninga sem hafa þýðingu. Það er leiðin-
legt að tala um föt, snyrtingu og stráka.
Ég skil ekki hvernig fólk getur haft gaman
af slíku.
Spurningum um sjálfa mig sem persónu
geri ég ráð fyrir að þurfa að svara, en
þetta setur hlutina úr skorðum.
ÞAÐ SEM SKIPTIR MÁLI
Músik er það sem skiptir mestu máli.
„Those were the days,“ hefur t. d. mikið að
segja fyrir mig. Ekki svo að skilja að ég
ætli að lifa á fortíðinni, því ég er rétt að
byrja. Ef ég ætlaði að syngja öll gömlu
lögin að ári liðnu, þá kæmist ég hvergi.
Ég verð aldrei ánægð með þá músik sem
ég geri, ég vil alltaf bæta við.
RÖDDIN
Röddin þarf að vera rétt, svo að ég þurfi
aldrei að hafa áhyggjur út af henni. Ég
meina ekki tæknilega séð, heldur músik-
lega. Lag vil ég syngja eins og það kemur
fyrir. Þannig koma áhrifin — tilfinningin.
Ég vil ekki syngja lag eða neitt við texta
sem hefur enga þýðingu, mér líkar ekki
þvæla.
ÞJÓÐLÖG
Þjóðlög hafa oft svo mikla meiningu, þar
að auki fæ ég innri kraft og ánægju, þegar
ég syng þau.
Ég er bara alls ekki á pop-línunni, og
þess vegna syng ég ekki pop-lög. Þau
hafa enga þýðingu fyrir mig. Lagið „Good-
bye,“ til dæmis, er ekki eins mikils virði
fyrir mig og mörg önnur. Það er gott lag
en hefur enga þýðingu.
SAMNINGAR
Það er svo margt sem ég er svo þakk-
lát fyrir, og eina sem angrar mig núna, er
að ég get orðið svo flækt i frægðarferil
minn að ég verð bundin í næstu tíu ár.
Ég vil ekki sjá blaðasnepla sem geta
haldið mér lengur en sex mánuði ( senn.
ÞAÐ SEM ÉG VIL
Ég vii alltaf framkvæma þá hluti sem ég
trúi á, á hverjum tíma. Ég vil vera algjör-
lega heiðarleg, ánægð og ég vil geta sagt
„GOODBYE" (bless) þegar mig langar til-
Sigurður Garðarsson.
Bitillinn Paul McCartney uppgötvaði Mary
Hopkin og fékk hana til að syngja inn á
hljómplötu. Þessi fyrsta plata gerði hana
strax að stjörnu, sem hefur náð svo mikill'
hylli á skömmum tíma, að undrun sætir.
344