Valsblaðið - 11.05.1972, Side 24

22
VALSBLAÐIÐ
að því, að Valur þarf að eignast hús-
rými á stærð við þá keppnissali sem
leikir þeirra fara fram í. Eins og er
björgum við því með því að fá á
leigu íþróttahöllina til æfinga fyrir
þessa flokka. Hvað snertir yngri
flokkana er aðsóknin orðin svo mikil,
að það kemst ekki allt að og þyrfti
því að skipta í flokkunum, en það
þýðir fleiri tíma í húsinu fyrir þetta
fólk, sem sækir til félagsins. Þetta
er vissulega framtíðarmál Vals.
Að lokum vil ég láta í Ijós von um
það, að árangurinn á nýbyrjuðu
keppnisári verði ekki lakari en í fyrra
og þá getum við vel við unað.
„Komin er ein hvít fjöður
í Ljóta andarungann“
satftM Siqunyar llvlqasan,
fartn. Karfuhnaítleiks-
deildar
Við spjölluðum við formann yngstu
greinarinnar á stofni Vals og fer það
hér á eftir:
Hefur þetta fyrsta ár í Val orðið
betra eða lakara en þú bjóst við?
Félagslega séð hefur þetta gengið
betur en áður, þar hefur verið að-
staða til stjórnarfunda og auk þess
héldum við nokkra félagsfundi með
kvikmyndasýningum o. fl. Það er
þægilegt að geta verið heima hjá
sér eða hafa sameiginlegan sama-
stað. Það er léttara í öllu starfi og
má segja að það hafi komið vel út.
Hvernig hafa félagarnir almennt
unað breytingunni ?
Reyndin hefur orðið sú, að þeir
gömlu hafa týnzt og liggja þar til
vissar ástæður. Þeir stofnuðu þetta
félag og sumir voru í öðrum félög-
um, þar sem slík deild var ekki til í
Val. Ég hef það á tilfinningunni, að
flestir þeirra tapist alveg og eru mér
það nokkur vonbrigði, þar sem ég
taldi, að við hefðum loforð þeirra um
að halda áfram og styðja deildina.
Hvað þá yngri snertir kemur fram,
að þeir halda hópinn og hluti þeirra
er úr röðum Vals eða öðrum grein-
um félagsins.
Hefur aðstaðan verið betri eða lak-
ari en þú bjóst við?
Heppnin hefur ekki verið okkar
megin. Sumir þjálfara okkar hafa orð-
ið að draga sig til baka, vegna náms
og vegna húsbygginga. Þó hefur ár-
angur verið allgóður í méistaraflokki,
en árangurinn byggist á góðum þjálf-
urum.
í rauninni hefði meistaraflokkur
átt að vera á toppnum í fyrravetur,
og í lokin sýndu þeir hvað þeir geta.
Ástæðan til þess að ekki gekk betur
var sú, að nokkrir af hinum almennu
leikmönnum stóðu í þeirri meiningu
að þeir væru að leggja á sig æfingar
fyrir þá, sem kosnir væru í stjórn
deildarinnar og krefjast árangurs.
Hvers vegna segir þú það, Sigurð-
ur?
Vegna þess að þeir, sem vinna
stjórnstörfin af áhuga, hljóta aðeins
endurgjald, og það eina sem þeir geta
státað af, þegar sigur vinnst hjá
keppnisflokkunum og sú eina greiðsla
sem þeir krefjast, þegar þeir taka við
kosningu í deildinni. Oft er okkur
legið á hálsi fyrir að starfa ekki nóg
og getur það ekki verið af því að
hinn almenni keppandi í körfuknatt-
leiknum hafi ekki lagt sig fram sem
skyldi við æfingar og félagsstörf.
Ég er ánægður með að hafa eign-
azt íslandsmeistara í körfuknattleik
í þriðja flokki. Sá skuggi hvíiir þó
yfir þeim sigri, að KR-ingar hafa
kært leikinn. Þetta er raunar skuggi
yfir körfuknattleiknum á íslandi.
Kært var vegna þess að kærendur
töldu, að leikurinn hefði byrjað 4
mínútum fyrir umsaminn tíma, en
leikurinn hófst þremur og hálfum
tíma eftir auglýstan tíma. Leikurinn
byrjaði samkvæmt ákvörðun dómar-
ans, sem taldi sína klukku rétta, og
vert er að geta þess, að allir leikmenn
frá báðum aðilum voru komnir til
leiks. Ýmislegt, sem sett hefur verið
fram í máli þessu, gegnir mikilli furðu
og verður ekki rakið frekar hér, en
gæti orðið hæpið fyrir körfuknatt-
leikinn í landinu ef á það yrði hlustað.
Dómur hefur ekki verið felldur
ennþá.
Þetta þriðjaflokks-lið okkar er
efnilegt og bindum við miklar vonir
við það í framtíðinni, en það er held-
ur fámennt.
Hvað snertir húsrými til æfinga
fyrir flokka deildarinnar er sú að-
staða lakari enn sem komið er, en hún
var áður.
Þeir hafa tvo tíma á viku, en þyrftu
að hafa fjóra tíma á viku, ef vel ætti
að vera, og er það erfitt að halda
uppi æfingum, þegar þarf að vera
með þær í fjórum húsum í borginni.
Og allt bendir til þess, að ef um
aukningu verður að ræða á tímum,
að það verði í fimmta húsinu, og
kæmi til þess þyrfti deildin að eiga
um 50 bolta til afnota og mættu vel-
unnarar deildarinnar veita því at-
hygli.
Ert þú ánægður með samstarfið
við aðrar deildir Vals?
Já, ég er ánægður með það og ég
felli mig vel við andrúmsloftið á
Hlíðarenda. Þó er sumt öðruvísi en
ég hafði hugsað mér og á ég þar við
samband KFUM og Vals, sem mér
finnst vera of lítið.
Hefur deildinni tekizt að fá þjálf-
ara og leiðbeinendur á komandi ári?
Góðu heilli hefur Ólafur Thorlací-
us tekið að sér að þjálfa meistara-
flokk og annan flokk í vetur, og bind-
um við miklar vonir við það. Sama
er að segja um þjálfara þriðja flokks
og fjórða flokks, en Jóhannes Eð-
valdsson hefur tekið það að sér og
vonum við að vel takist til. Þórhall-
ur Runólfsson hefur lofað að taka að
sér þjálfun, þegar hann hefur lokið
við að ganga frá húsnæði fyrir sig.
Ert þú bjartsýnn með framtíðina,
og eru nokkur sérstök verkefni sem
þið vinnið að?
Fyrir atbeina Körfuknattleiksdeild-
ar Vals kom hingað til lands erlend-
ur þjálfari, sem starfaði hér á vegum
KKl með góðum árangri, en til þess
að þetta kæmi að fullum notum þyrfti
slíkt að ske annað hvert ár. Þátttaka
var ekki nógu góð í námskeiðunum,
en tíminn var að þessu sinni ekki
heppilegur, vegna atvinnu manna og
sumarfría. Þetta var að mínu viti
bezti þjálfari sem komið hefur til ís-
lands.
Það má kalla bjartsýni þegar ég
segi við mína menn: Við verðum í
1.—2. sæti í ár, og förum svo út og
reynum okkur þar, en það hefst ekki
nema með erfiði og aftur erfiði.
Þess má svo geta að lokum, að
komin er ein hvít fjöður í ,,Ljóta“
andarungann!
„Starfsemin i skíða-
skálanum verður að
breylast^,
saqdi farm. Shídadeildur.
Stefán Hallqrínissan
Skíðadeild Vals er sá þáttur í starfi
félagsins, sem átt hefur í mestum
erfiðleikum á árinu og kemur þar
ýmislegt til, og þá ef til vill mest
lítil snjókoma og er þar raunar fleira
sem því veldur. Stefán Hallgrímsson,
formaður skíðadeildarinnar, er sá
maðurinn, sem með mestri elju og
ótrúlegum áhuga hefur sinnt þessu
máli félagsins, og báðum við hann
að segja svolítið frá þessu „olnboga-
barni“ félagsins, ef svo mætti segja,
og fer það hér á eftir:
— Yfirleitt voru það fáir sem komu
í skálann um helgar á s.l. vetri, þetta
6—12 þegar farið var. Um páskana
reyndum við að halda opnu, en það
komu aðeins 6—7 unglingar, svo að
þetta var heldur dauflegt.
Hvað þarf að gera til að skapa
áhuga, að þínu áliti, Stefán?
Það þarf að fá nýtt fólk til þess
að koma í skálann. Félagið er ekki
eins og það var, það eru leikir um
hverja einustu helgi, bæði sumar og
vetur, sem sagt aldrei friður, aldrei
helgarfrí.