Kirkjuritið - 01.12.1971, Qupperneq 76

Björns M. Ólsen um þetta mál. Þó
skal það viðurkennt, að fornminja-
gröftur er líklegur til að koma fram
með endanleg sönnunargögn í þessu
máli, og ekki má fullyrða hér neitt
að svo stöddu.
Þess skal getið hér, að „lögberg"
Manarbúa á „þingvelli" þeirra, „Tyn-
wald", bendir til staðsetningar þeirr-
ar, sem hér er haldið fram.
Skemmtileg er sú arfsögn þar, að
menn hafi borið mold úr einstökum
landshlutum á Lögbergshœðina. Gœti
það hafa verið gert hér. Aðstœður
margar hafa annars raskazt hér á
Þingvöllum við jarðskjálfta og snögg
landsig og sífelld. Gjárveggurinn að
baki Lögbergi stendur þó lítt hagg-
aður.
í gagnmerkri grein „Með lögum
skal land byggja", þar sem rœkilega
er vikið að rœðu Þorgeirs Ljósvetn-
ingagoða, lýsir Magnús Olsen því
fagurlega, hver kraftur hafi fylgt loka-
orðum rœðunnar: „Es vér slltum I
sundr lögin, at vér munum slíta ok
friðinn".
Við hugsum okkur hamravegginn
bergmála þessi orð út yfir gjörvallan
Þingvöll og hjörtu allra þar, út um
ísland allt.
Þannig hefur sannast fyrr og siðar,
að klettarnir hafa bergmálað sann-
leikann, svo að notað sé orðalag
Grundtvigs og minnst um leið orða
Matthíasar um orð frelsisins, er
hamraveggirnir hér geymi og láti
hljóma.
Hafi svo Jón Hnefill Aðalsteinsson
þökk fyrir bók sina.
Eiríkur J. Eiriksson.
þakkargjörð á jólum
PRÆFATIO DE NATIVITATE DOMINI
V. Drottinn sé með yður.
R. Og með þínum anda.
V. Lyftum hjörtum.
R. Vér hefjum þau til Drottins.
V. Látum oss þakka Drottni Guði vorum.
R. Það er maklegt og réttvíst.
V. Sannlega er það maklegt og réttvíst,
skyldugt og mjög hjálpsamlegt,
að vér alla tíma og í öllum stöðum
lofum þig og þökkum þér,
þú heilagi Drottinn, almáttugi Faðir
og eilífi Guð, fyrir Jesúm Krist, vorn
Drottin.
Hann, sem er Ijómi dýrðar þinnar
og ímynd veru þinnar, og þú hefir
heimana fyrir gert og ber
allt með orði máttar síns.
Vér þökkum þér, að þú gafst oss
þennan þinn eingetinn Son, er af
Heilögum Anda og af
holdi Maríu meyjar
gjörðist maður, syndlaus, að taka
burt alla heimsins synd.
Þess vegna með englunum
og höfuðenglunum
með tignunum og drottinvöldunum,
ásamt öllum himneskum hirðsveitum
lofum vér þitt heilaga nafn
óaflátanlega segjandi:
R. Heilagur, heilagur, heilagur
ert þú Drottinn, Guð allsherjar.
Himnarnir og jörðin eru full
af dýrð þinni. Hosianna í
hœstum hœðum.
Blessaður sé sá, sem kemur
í nafni Drottins. Hosianna
í hœstum hœðum.
74