Jörð - 01.02.1940, Blaðsíða 4

ffilUHllHimt
Hér er sýnishorn af mánaÖarriti, sem hf. JörÖ-
leyfir sér að bjóða yÖur fyrir 12 krónur á ári. —
Þetta hefti er 64 bls. fyrir utan auglýsingar, eins
og þér sjáiÖ — en það er á yðar valdi, hvort rit-
kemur áfram út með þeirri stærð — eða stœrra —
eða hvort fyrsta heftið verður einnig hið síðasta. Það þarf 3000
ársgreiðslur til þess, að útgáfan beri sig með þeirri stærð og
þeim frágangi og því höfundavali, sem þetta hefti sýnir. Það
þarf 5000 ársgreiðslnr til þcss, að þér fáið 100 bls.-hefti mán-
aðarlega með sömu gæðum, að viðbœttri meiri fjölbreytni og fyll-
ingu. Iivað ætti að geta aftrað yður frá að leggja fram 5000
kaupendur, þegar þér eigið það víst, að fá í staðinn tímarit, sem
aldrei hefir átt sér neina hliðstæðu hér í landi ? Þér þurfið ekki
að bera neitt sérstakt traust til vor, til þess að geta treyst þessu.
En það erum vér, sem berum það sérstaka traust til yðar, að
haga áætlunum vorum í stóru og smáu út frá þeirri trú, að það
sé óhætt að kosta rniklu til og selja þó ódýrt: Þér mynduð meta
það, þegar svo vel væri boðið og taka boðinu — nógu margir
til þess, að það bæri sig. Á því myndu allir græða — það ligg-
ur í augum uppi. Verðið þér hins vegar ekki nógu margir, sem
skipið yður utan um þessa augljósu staðreynd, með því að lofa að
greiða 12 krónur á ári — nú, þá kemur auðvitað ekkert framhald
af þessu 1. hefti. Áskrifendurnir, sem komnir væru, yrðu aldrei
krafðir. Enginn á neitt á hættu -—- ekki einu sinni vér: skaði vor
væri vís og vér fengjum hann vafalaust margfaldlega bættan með
lofsamlegum eftirmælum! En cf þér verðið nógu margir — ef þév
verðið jooo — og þó að þér verðið ekki alveg svo margir, til
að byrja með, — þá fáið þér mánaðarlcga sams konar hefti og
þetta. Og ef þér verðið 5000 (og þó að þér verðið ekki alveg
svo margir til að byrja með), þá fáið þér sem sagt 1200 blað-
síður á ári fyrir 12 krónur — og gáið þér að, hvílikar blaðsíður.
Kæru landar! Það er í þessu sem svo mörgu öðru: samtökin
orka undrum. Látið oss njóta þess, að vér höfum bent yður glöggt
á, hvers þau eru umkomin í tímaritaútgáfu. Þér munuð þá sjálf-
ir njóta þess, eins og þér sjáið. Mánaðarrit með 100 bls. heftum
yrði þjóð vorri hreint og beint menningar-lyftistöng, ef sæmilega
væri á haldið.
JORÐ