Eimreiðin - 01.10.1956, Qupperneq 12

244
EIMREIÐIN
sem birtist í 8. bindi Nordisk Kultur fyrir fáum árum, svo
að einungis nokkur helztu verk hans séu talin í örstuttu yfir-
liti. Að afloknu doktorsprófi hlaut Sigurður styrk úr Hannes-
ar Árnasonar sjóði og stundaði framhaldsnám í Berlín og
Oxford nokkur ár. Þegar heim kom flutti hann í Reykjavík
heimspekilega fyrirlestra, sem frábært orð fór af. Um svipað
leyti hóf hann sitt aðalstarf, kennslu í íslenzkri málfræði og
bókmenntasögu við Háskóla íslands, sem hann gegndi ára-
tugum saman við minnisverðan orðstír. Auk þess hefur hann
flutt fjölda fyrirlestra í erlendum háskólum, var til dæmis
prófessor í skáldskap við Harvard háskólann í Bandaríkjunum
eitt ár, og hefur hlotið marga aðra sæmd menntastofnana og
vísindafélaga. Síðustu árin hefur Sigurður gegnt sendiherra-
og sendiráðherraembætti í Ivaupmannahöfn, en jafnframt ver-
ið mikilvægur menningarfulltrúi íslendinga á erlendri grund.
Það á raunar ekki einungis við þetta síðasta tímabil í starfs-
ferli Sigurðar. Frá því á unga aldri hefur hann með ótal
þráðum verið tengdur hinum menntaða heimi og þannig
aukið mjög kynningu íslenzkra bókmennta og menningar,
einkum meðal germanskra og engilsaxneskra þjóða.
í doktorsriti sxnu um Ólafs sögu helga færir Sigurður meðal
annars sönnur á, að Snorri hafi skrifað sérstaka Ólafs sögu,
áður en hann reit aðrar Noregskonunga sögur, og þessi Ólafs
saga hafi síðan orðið kjarninn í Heimskringlu. Með sinm
afburða skemmtilegu og snjöllu bók um Snorra dýpkaði Sig-
urður mjög skilning vorn á þessu andans ofurmenni, sem a
sér engan líka og er enn þá meiri dýrlingur utan landstein-
anna en innan, þó að undarlegt kunni að virðast, meistaran-
um, er sameinaði vísindi og ritsnilld á fágætan, ef ekki ein-
stakan hátt. Með skýringum sínum á Völuspá opnaði Sigurð-
ur lesendum þessa ágætasta kvæðis Norðurlanda nýjan heim
fegurðar, yndis og gleði og örvaði þá til að halda áfram að
kryfja það til mergjar, hverjum við sitt hæfi. Ritgerð Sigurð-
ar, Samhengið í íslenzkum bókmenntum, varð til að ljúka
upp augum manna fyrir því, að órofa samband væri milk
bókmennta fornaldarinnar og nútímans, en ekkert djúp stað-
fest, eins og áður hafði verið almennt trúað. í formálanum
fyrir Egils sögu og víðar færir Nordal gild rök að því, að