Eimreiðin - 01.10.1956, Side 62

294
EIMREIÐIN
sonar og bróðir Þorsteins prests, er þá bjó að Hálsi í Fnjóska-
dal og lengi síðan. Þorsteinn prestur var atgervismaður til
sálar og líkama, glímumaður mestur þeirra, er komið höfðu
í Bessastaðaskóla, bréfvinur og samherji Jóns Sigurðssonar og
frumkvöðull að ýmsu því í héraði, er stefndi til framfara og
viðreisnar.
Bjarni bóndi í Víðidal lézt þar árið 1850. Bjó ekkjan þar
áfram með sonum sínum, unz Páll er var elztur þeirra
bræðra, tók við búi í Víðidal. Næstur honum að aldri var
Bjarni, fæddur 12. marz 1840. Hann fór í vist að Möðrudal
og var síðan um skeið í vinnumennsku á Hólsfjöllum og síðar
í Vopnafirði. Þar eystra kvæntist hann, er tímar liðu, og
fluttust þau hjón til Vesturheims eitt fyrsta vesturferðaárið,
1873, þá nýgift. Kona Bjarna Bjarnasonar hét Gróa. Foreldr-
ar hennar voru Jón Níelsson, Evertssonar Wíum og Málfríð-
ur Ólafsdóttir. Þau eru kennd við Ásgrímsstaði í Hjaltastaða-
þinghá.
Ári síðar en Bjarni fór vestur, tók Páll bróðir hans sig upp
með konu og sex börn og ákvað Ameríkuför, en þá hafði
liann búið nokkur ár á Kambsstöðum í Ljósavatnsskarði, land-
seti og nágranni Þorsteins prests föðurbróður síns. Meðan
Páll beið skips á Akureyri með fjölskyldu sína, veiktist kona
hans og dó. Páll hélt för sinni áfram, en skilja varð hann eftir
yngsta barn sitt, tveggja ára son, í uppeldi hjá vandalausu
fólki, og sáust þeir ei síðar.
Bjarni og Gróa settust fyrst að í Wisconsin-fylki, en fluttust
8 árum síðar til fslendingabyggðarinnar í Dakota Territory,
og þar er skáldið Páll Bjarnason fæddur, nálægt þeim stað, er
þorpið Mountain stendur, 27. marz 1882.
Páll ólst upp í fátækt og naut ekki skólamenntunar ann-
arrar en venjulegrar barnafræðslu. Hann vann á býli föður
síns við landbúnaðarstörf og var nokkra vetur við barna-
kennslu. Árið 1906 flutti hann norður til Kanada og gerðist
landnámsmaður í Vatnabyggðinni í Saskatchewan. Hann
kvæntist 1912 Halldóru Jónsdóttur og um það leyti settist
liann að í þorpinu Wynyard og átti þar heimili um tuttugn
ára skeið. Fékkst hann þar við fasteignasölu og bílasölu og
fleiri skyld störf. Árið 1933 fluttu þau hjón til Vancouver á