Eimreiðin - 01.09.1968, Page 16

162
EIMREIÐlN
og spyr ekki til vegar
það verða sjálfsagt ennþá skaflar
í bláskógaheiðinni
og hvítir sinubrúskar meðfram veginum
í norðurárdalnum
og út með hvammsfirðinum
en það kemur ekki mál við mig
ég fer dagfari og náttfari
og í nývöknuðu morgunsárinu
þegar ég ríð hlykkjótta götutroðningana
utan með ánni
verður ef til vill farið að rjúka
í kotinu
ég hef að minnsta kosti
oft gert mér það í hugarlund
þegar ég hef hugsað til þessarar ferðar
en
ef til vill hef ég misreiknað mig
ef til vill hefur köngulóin
þegar spunnið þráð sinn
milli traðarveggjanna
og lokað heimreiðinni
ef til vill kem ég of seint.