Eimreiðin - 01.09.1968, Page 17

RÆTT VIÐ HAGALÍN
SJÖTUGAN
Guðmundur Gíslason Hagalín rithöfundur varð sjötugur hinn
10. október síðastliðinn, en hann fæddist að Lokinhömrum í Arn-
arfirði 10. október árið 1898.
í tilefni þessara tímamóta í ævi Hagalíns hittum vér hann að
máli og ræddum við hann um eitt og annað varðandi ritstörf hans
og önnur viðfangsefni, sem hann hefur einkum gefið sig að, svo og
um sitthvað annað, sem á daga hans hefur drifið, og um viðhorf
hans til tilverunnar almennt.
Eins og alþjóð er kunnugt, eru afköst Hagalíns á sviði ritstarfa
og marg-víslegra annarra menningarmála með slíkum ólíkindum, að
ætla mætti að hann sé ekki einhamur, en þess ber þá að geta, að
hann hefur tíðast ætlað sér lengri vinnudag en almennt gerist, og
er ekki óalgengt að hann sé seztur við skrifborð sitt klukkan fimm
að morgni, og í þessu efni gefur hann sér ekkert eftir enn, þótt
æviárin séu orðin sjötíu. Frumsamdar bækur hans eru nú líka
komnar á sjötta tuginn, en auk þess hefur hann þýtt á íslenzku
mörg erlend bókmenntaverk, og blaða- og tímaritsgreinar hans
mundu áreiðanlega fylla margra binda verk, væri þeim safnað til
bókar. Megineinkenni á flestum af ritverkum Hagalíns grundvall-
ast á alhliða þekkingu hans á sögu og menningu þjóðarinnar að
fornu og nýju, næmum skilningi og innsýn í lifnaðarhætti og lífs-
stríð fólks til sjávar og sveita, ást hans á þjóðlegum sérkennum og
arfleifð, trú hans á manngildið og tignun á andlegu og líkamlegu
atgervi og síðast en ekki sízt jákvæðri afstöðu hans til alþýðunnar,
enda hefur íslenzkt alþýðufólk: sjómenn, bændur og verkafólk, tíð-
um orðið honum uppistaðan og uppspretta í sannkallaðar hetju-
sögur, og hefur hann því verið talinn brautryðjandi í ritun íslend-
ingasagna hinna nýrri.
Þó að Guðmundur Hagalín hafi um áratugi verið afkastamesti
og einn allra fremsti rithöfundur landsins, hefur hann jafnframt
fengizt við fjölmörg verkefni önnur — og nú síðast verið bókafull-