Eimreiðin - 01.09.1968, Page 42

YNGVI JÓHANNESSON:
TVÖ KVÆÐI
SIGMUND FREUD
Aleinn þú lagðir
á myrkviðinn mikia,
mannanna óvitsheim.
Sé ég þig brúnirnar
hvasseygu hnykla,
horfa á hinn örvita sveim.
Fullskyggn án ótta
einn varst í samtíð,
þorði og þoldi allt,
frumalda djúpin,
dimmskýja framtíð,
karlmannlegt vit þitt og kalt.
Heitt var þó hjarta
og hjálpfús var mundin,
sem lék sér að Mjölni svo létt.
Finngálknið skelfdist:
Skilningur fundinn,
gátan var ráðin rétt.
BYLTINGAMENN
Og jafnvel úr hlekkjunum suðu þeir sverð
í sannleiks og frelsisins þjónustugerð.
En sannleik og frelsi áttu þó ekki:
Aftur úr sverðunum gerðu þeir hlekki.