Eimreiðin - 01.09.1968, Page 77

SIGURÐUR ÞÓRÐARSON, TÓNSKÁLD
Hann andaSist 27. október siðast iiðinn, 73ja ára að aldri. Sigurður Þórðarson
vann óvenju mikið og merkilegt ævistarf. Auk tónsmíða sinna, var hann stjórnandi
Karlakórs Reykjavíkur rúma þrjá áratugi og undir stjórn hans fór kórinn marga
frægðarför, bæði hér heima og erlendis. Mörg af sönglögum Sigurðar og öðrum
tónverkum hans eru löngu orðin alþjóð kunn, og vafalaust hefur hann látið eftir
sig ýmis verk í handriti, sem þjóðin mun síðar njóta. Sigurður Þórðarson var
skrifstofustjóri Ríkisútvarpsins frá 1931—1966 og var oft settur útvarpsstjóri. Hann
átti því manna drýgstan þátt í mótun og viðgangi þeirrar stofnunar með löngu og
farsælu starfi sínu. Prúðmennska og tigið yfirbragð, samfara látleysi og Ijúfmennsku,
einkenndi Sigurð Þórðarson öðru fremur. Félagsmálum tónskálda var hann styrk
stoð og var hann formaður Tónskáldafélags íslands, er hann lézt.