Tímarit lögfræðinga - 01.01.1968, Blaðsíða 3

TIMARIT LOGFRÆÐINGA
1. hefti 1968
Þjóðréttarreglur um vernd fiskimiða
utan landhelgi
Eftir dr. Gurmar G. Schram, deildarstjóra í
Utanríkisráðuneytinu. *)
Hér verða að nokkru raktar þær þjóðréttarreglur og sú
réttarþróun, sem snertir vernd fiskimiða utan^ landhelgi.
Ekki þarf að fara mörgum orðum um, að hér er á ferð-
inni mál, sem mjög mikla þýðingu hefur fyrir okkur Is-
lendinga og þær aðrar þjóðir, sem byggja afkomu sína
á fiskveiðum. Fiskimiðin innan landhelginnar fullnægja
hvorki þörfum okkar né annarra mikilla fiskveiðþjóða.
Þær þjóðr gera allar út flota, sem sækir á fjarlægari mið,
stundar veiðar sínar á þeim fiskimiðum, sem eru eign
allra þjóða og þó ekki séreign neinnar.
Um fiskveiðar á úthafinu geymir lögfræðin fastmótaðar
venjureglur, sem skapast hafa á aldanna rás. Þær reglur
hafa ráðið samskiptum þjóðanna á hafinu um aldir og
ráða þeim enn. Flestar þeirra eru staðfestar og á bók
færðar í þeim ýmsu milliríkjasamningum, sem gerðir hafa
verið um fiskveiðar á úthafinu og þá ekki sízt í Genfar-
samningnum frá 1958, sem gildi tók 1966.
En nú er svo komið, að þær réttarreglur, sem gilt hafa
*) Grein þessi er að meginstofni erindi, sem höf. flutti á fundi
í Lögfræðingafélagi Islands 2. nóvember 1967.